PBKS Playing XI vs KKR: గేల్ ఔట్.. మయాంక్ ఇన్! పూరన్, హుడా బ్యాట్ జులిపించేనా? తుది జట్టు ఇదే!!

డు ఆర్ డై మ్యాచ్

కేఎల్ రాహుల్ సారథ్యంలోని పంజాబ్ కింగ్స్ ప్లేఆఫ్ రేసులో ఉండటానికి 'ఇది డు ఆర్ డై' మ్యాచ్ కానుంది. ఐపీఎల్ 2021లో అంతగా ఆకట్టుకోని కింగ్స్.. ఇప్పటికైనా వరుస విజయాలు అందుకోవాల్సిన సమయం వచ్చింది. ఓపెనర్ కేఎల్ రాహుల్ ఇప్పటివరకు కెప్టెన్ ఇన్నింగ్స్ ఆడలేదు.

గత సీజన్లో పరుగుల వరద పారించిన రాహుల్.. ఈసారి ఆ ఫామ్ కొనసాగించలేదు. ఇప్పుడు పంజాబ్ జట్టుకు విజయం తప్పనిసరి. ఈ నేపథ్యంలో రాహుల్ ఓ భారీ ఇన్నింగ్స్ ఆడాల్సిన అవసరం ఎంతో ఉంది. ఇక గాయపడిన మయాంక్ అగర్వాల్ స్థానంలో ముంబైపై ఆడిన మన్​దీప్ సింగ్ తక్కువ పరుగులకే పెవిలియన్ చేరాడు. 14 బంతుల్లో 15 పరుగులు మాత్రమే చేశాడు. అయితే మయాంక్ ఫిట్‌నెస్‌ సాధించడంతో ఈరోజు మ్యాచ్ ఆడనున్నాడు.

గేల్‌ ఔట్

బయో బబుల్‌ కారణంగా ఐపీఎల్ 14 నుంచి తప్పుకుంటున్నట్లు యూనివర్సల్ బాస్ క్రిస్‌ గేల్‌ ప్రకటించాడు. దాంతో కోల్​కతాతో జరిగే మ్యాచుకు గేల్‌ అందుబాటులో ఉండడం లేదు. గేల్‌ స్థానంలో మన్​దీప్ సింగ్ ఆడనున్నాడు. స్టార్ హిట్టర్ నికోలస్ పూరన్, దీపక్ హుడా కూడా విఫలమవుతున్నారు. దీంతో మంచి శుభారంభం లభిస్తున్నా చివర్లో చతికిలపడుతోంది పంజాబ్. ఇడెన్ మర్క్​రమ్ కూడా పెద్దగా ప్రభావం చూపకున్నా.. అతడికి మరో ఛాన్స్ ఇవ్వనున్నారు. ప్రస్తుతం పంజాబ్ జట్టుకు మిడిలార్డర్ సమస్య పెద్ద సమస్యగా మారింది. ఇది అధిగమిస్తే కింగ్స్ ప్లే ఆఫ్స్ ఆశలు సజీవంగా ఉంటాయి.

బౌలింగ్​లోనూ రవి బిష్ణోయ్ తప్ప ఎవరూ అనుకున్నంతగా రాణించలేకపోతున్నారు. మొహ్మద్ షమీ, అర్షదీప్ సింగ్ వికెట్లు సాధిస్తున్నా.. చివర్లో ధారాళంగా పరుగులు సమర్పిస్తున్నారు. హర్​ప్రీత్ బ్రర్ మెరుపులు ఒక మ్యాచుకే పరిమితం అయ్యాయి.

SRH vs CSK: ఓటములకు కారణాలు చెప్పడం సరికాదు.. అప్పుడు కానిది ఇప్పుడు చేశాం: ధోనీ

వెంకటేశ్ మెరిసేనా

ఇక కోల్​కతా నైట్ రైడర్స్ విషయానికి వస్తే.. బ్యాటింగ్​లో యువ ఓపెవర్ వెంకటేశ్ అయ్యర్​ మంచి ఫామ్ కనబరుస్తున్నాడు. రెండో దశలో మొదటి రెండు మ్యాచుల్లో అదరగొట్టాడు. ఆ తర్వాత మాత్రం విఫలయినా.. ఈ మ్యాచులో అతడిపై భారీ అంచనాలే ఉన్నాయి.

అయితే మరో ఓపెనర్ శుభ్‌మన్ గిల్ మాత్రం అంచనాలను అందుకోవట్లేదు. రాహుల్ త్రిపాఠి బ్యాట్ జుళిపిస్తున్నాడు. త్రిపాఠితో పాటు నితీశ్ రానా, కెప్టెన్ మోర్గాన్, దినేష్ కార్తీక్ బ్యాట్​కు పనిచెప్పాల్సిన అవసరం ఉంది. బౌలింగ్​లో సునీల్ నరైన్, వరుణ్ చక్రవర్తి లాంటి స్పిన్నర్లు ప్రత్యర్థిని కట్టడిచేస్తున్నారు. టీమ్ సౌథీ, లుకీ ఫెర్గుసన్, సందీప్ వారియర్ రాణించాల్సిన అవసరం ఉంది.

పంజాబ్ కింగ్స్ తుది జట్టు (అంచనా)

లోకేష్ రాహుల్, మయాంక్ అగర్వాల్, మన్​దీప్ సింగ్, ఇడెన్ మర్క్​రమ్, నికోలస్ పూరన్, దీపక్ హుడా, హర్​ప్రీత్ బ్రర్, నాథన్ ఎల్లిస్, మొహ్మద్ షమీ, రవి బిష్ణోయ్, అర్షదీప్ సింగ్.