PBKS vs DC: గాలికి పోయే కంపను తగిలించుకోవడం అంటే ఇదే.. డేవిడ్ వార్నర్ ఔటైన తీరుపై ఫ్యాన్స్ సెటైర్స్!

అసలేం జరిగిందంటే..?

టాస్ ఓడి ఢిల్లీ క్యాపిటల్స్ బ్యాటింగ్‌కు దిగగా.. ఇన్నింగ్స్ ఫస్ట్ బాల్‌కే వార్నర్ పెవిలియన్ చేరాడు. లివింగ్ స్టోన్ వేసిన ఫస్ట్ బాల్‌ను వార్నర్ డ్రైవ్ షాట్ ఆడే ప్రయత్నం చేయగా.. బ్యాట్ ఎడ్జ్‌లో తాకిన బంతి గాల్లోకి లేచింది. బ్యాక్‌వర్డ్ పాయింట్‌లో ఫీల్డింగ్ చేస్తున్న రాహుల్ చాహల్ సింపుల్‌గా అందుకున్నాడు. వాస్తవానికి డేవిడ్ వార్నర్ ఎప్పుడైన బ్యాటింగ్ చేయకుండా నాన్ స్ట్రైకింగ్‌లోకి వెళ్తాడు. ఈ మ్యాచ్ లోనూ మొదట నాన్ స్ట్రయికింగ్ ఎండ్ లో వెళ్లి నిలబడ్డాడు.

అనవసరంగా స్ట్రైకింగ్ తీసుకొని..

కానీ ఆ తర్వాత ఏం జరిగిందో ఏమో తెలియదు కానీ.. సర్ఫరాజ్‌ను వద్దని చెప్పి మరీ స్ట్రైకింగ్‌లోకి వచ్చాడు. బహుషా గత మ్యాచ్ ల్లో ఓపెనర్లుగా వచ్చిన మన్ దీప్ సింగ్, కేఎస్ భరత్ లు తొలి ఓవర్లోనే అవుటవ్వడాన్ని గుర్తు తెచ్చుకున్నాడో ఏమో.. సడెన్ గా పిచ్ మధ్యకు వచ్చి సర్ఫరాజ్ ను నాన్ స్ట్రయికింగ్ ఎండ్ లోకి వెళ్లాల్సిందిగా సూచించాడు. సీనియర్ చెప్పడంతో సర్ఫరాజ్ మరో మాట చెప్పకుండా నాన్ స్ట్రయికింగ్ ఎండ్ లోకి వెళ్లి నిలబడ్డాడు. అయితే లివింగ్ స్టోన్ వేసిన తొలి బంతికే వార్నర్ ఔటవ్వడంతో అత్యుత్సాహం కొంపముంచిందని నెటిజన్లు కామెంట్ చేస్తున్నారు. సర్ఫరాజ్ ధనాధన్ బ్యాటింగ్‌తో చెలరేగాడు.

మార్ష్ చెలరేగడంతో..

ఈ మ్యాచ్‌లో ముందుగా బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 7 వికెట్లకు 159 పరుగులు చేసింది. మిచెల్ మార్ష్(48 బంతుల్లో 4 ఫోర్లు, 3 సిక్స్‌లతో 63) హాఫ్ సెంచరీతో చెలరేగగా.. సర్ఫరాజ్ ఖాన్(16 బంతుల్లో 5 ఫోర్లు, సిక్స్‌తో 32) మెరుపులు మెరిపించాడు. పంజాబ్ బౌలర్లలో లివింగ్ స్టోన్, అర్షదీప్ సింగ్ మూడేసి వికెట్లు తీయగా.. రబడా ఓ వికెట్ పడగొట్టాడు. అనంతరం పంజాబ్ 67 పరుగులకే 6 వికెట్లు కోల్పోయి పీకల్లోతు కష్టాల్లో పడింది.