Click it and Unblock the Notifications
అసలు విషయం ఏంటంటే..?
పాకిస్థాన్ ఇన్నింగ్స్ సందర్భంగా విండీస్ పేసర్ అకీల్ హొసేన్ వేసిన 28వ ఓవర్లో ఇమామ్ ఉల్ హక్ రనౌటయ్యాడు. మిడ్వికెట్ దిశగా ఆడి క్విక్ సింగిల్కు ప్రయత్నించాడు. రన్ కోసం మూమెంటమ్ ఇచ్చిన బాబర్.. బంతి ఎక్కువ దూరం వెళ్లకపోవడంతో పరుగుకు నిరాకరించాడు. అయితే అప్పటికే ఇమాముల్ హక్ సగం క్రీజు దాటి నాన్స్ట్రైకర్ ఎండ్కు వచ్చేశాడు. బాబర్ పిలుపుతో వెనక్కి వెళ్లినప్పటికి జరగాల్సిన నష్టం జరిగిపోయింది.
బంతిని అందుకున్న షెయ్ హోప్ వికెట్లను గిరాటేయడంతో ఇమాముల్ హక్ 72 పరుగుల వద్ద రనౌట్ అయ్యాడు.
మాదర్ అంటూ..
దాంతో ఇమామ్ ఉల్ హక్ తీవ్ర ఆగ్రహానికి గురయ్యాడు. పెవిలియన్కు వెళ్తూ బ్యాట్ను కింద కొట్టుకుంటూనే తిట్ల దండకం అందుకున్నాడు. సెంచరీ చేయాలనే తన ఆశను బాబర్ ఆజమ్ చిదిమేసాడని ఇమామ్ అసహనానికి గురయ్యాడు. ఇక బాబర్, ఇమామ్ రెండో వికెట్కు ఏకంగా 120 పరుగుల భాగస్వామ్యాన్ని అందించారు. బాబర్ ఆజామ్ కూడా ఔటవ్వడంతో భారీ స్కోర్ దిశగా సాగిన పాకిస్థాన్ ఇన్నింగ్స్ సాధారణ స్కోర్కే పరిమితమైంది.
పాక్దే సిరీస్..
వెస్టిండీస్తో మూడు వన్డేల సిరీస్ను మరో మ్యాచ్ మిగిలుండగానే పాకిస్థాన్ చేజిక్కించుకుంది. శుక్రవారం రెండో వన్డేలో పాక్ 120 పరుగుల తేడాతో విండీస్ను చిత్తు చేసింది. ఇమాముల్ హక్ (72), బాబర్ అజామ్ (77) రాణించడంతో మొదట పాక్ 50 ఓవర్లలో 8 వికెట్లకు 275 పరుగులు చేసింది. నవాజ్ (4/19), మహ్మద్ వసీమ్ (3/34) విజృంభించడంతో ఛేదనలో విండీస్ 32.2 ఓవర్లలో 155 పరుగులకే ఆలౌటైంది.
Continue with Google