ఒకవైపు ఉత్కంఠ మ్యాచ్.. మరోవైపు ఆకాశంలో అద్భుతం!! అభిమానులంతా..!

సుందరమైన దృశ్యం

అభిమానులంతా ఆసక్తికరంగా మ్యాచ్‌ వీక్షిస్తున్న సమయంలో ఓ అద్భుతం చోటుచేసుకుంది. ఆకాశంలో గురుడు, శని గ్రహాలు దగ్గరగా చేరి ప్రకాశవంతంగా కనిపించాయి. ఈ సుందరమైన దృశ్యం సెడెన్ పార్క్‌లో న్యూజిలాండ్‌, పాకిస్థాన్ జట్ల మధ్య జరిగిన రెండో టీ20లో చోటు చేసుకుంది. లక్ష్య ఛేదనకు దిగిన కివీస్‌ 10వ ఓవర్‌లో బ్యాటింగ్‌ చేస్తుండగా.. కెమెరామన్‌ దీన్ని బంధించాడు. అభిమానులు అందరూ ఈ రమణీయమైన దృశ్యంను ఆసక్తికరంగా చూశారు. ప్రస్తుతం ఈ ఫొటో నెట్టింట్లో వైరల్‌గా మారింది.

గ్రేట్‌ కంజక్షన్

భూమి నుంచి చూస్తే ఏవైనా రెండు గ్రహాలు అతి దగ్గరగా చేరినట్లు కనిపించే దృశ్యాన్ని 'కంజక్షన్'‌ అని అంటారు. ఇలా గురు-శని గ్రహాలు కనిపించడాన్ని మాత్రం 'గ్రేట్‌ కంజక్షన్‌' అంటారు. ప్రస్తుతం ఈ రెండు గ్రహాలు నిత్యం కొంత దగ్గరగా వస్తున్నాయి. ఇక సోమవారం అతి దగ్గరగా చేరి అత్యంత ప్రకాశవంతంగా కనిపించనున్నాయి. దాదాపు నాలుగు శతబ్దాల తర్వాత ఈ అద్భుతం చోటు చేసుకోనుంది. అంతకుముందు 1623లో ఇలా జరిగింది.

తృటిలో సెంచరీ మిస్

ఈ మ్యాచులో టాస్‌ గెలిచి ముందుగా బ్యాటింగ్‌ చేసిన పాకిస్తాన్‌ 20 ఓవర్లలో 6 వికెట్లకు 163 పరుగులు చేసింది. మొహమ్మద్‌ హఫీజ్‌ (57 బంతుల్లో 99 నాటౌట్‌; 10 ఫోర్లు, 5 సిక్సర్లు) అద్భుత బ్యాటింగ్‌తో అలరించాడు. అతడు తృటిలో సెంచరీ చేజార్చుకున్నాడు. హఫీజ్‌ ఒంటరి పోరాటం చేయగా.. మిగతా బ్యాట్స్‌మెన్‌ పరుగులు చేయడంలో పూర్తిగా విఫలమయ్యారు. రిజ్వాన్ మాత్రమే 22 రన్స్ చేశాడు. ‘ప్లేయర్‌ ఆఫ్‌ ద మ్యాచ్‌' టిమ్‌ సౌతీ 4 వికెట్లతో చెలరేగాడు. జేమ్స్‌ నీషమ్, ఇష్‌ సోధి చెరో వికెట్‌ దక్కించుకున్నారు.

సీఫెర్ట్ హాఫ్ సెంచరీ

అనంతరం న్యూజిలాండ్‌ 19.2 ఓవర్లలో వికెట్‌ నష్టానికి 164 పరుగులు చేసి విజయాన్ని అందుకుంది. మార్టిన్ గప్టిల్‌ (11 బంతుల్లో 21; 1 ఫోర్, 2 సిక్సర్లు) రాణించాడు. టీమ్ సీఫెర్ట్, కేన్ విలియమ్సన్‌ (42 బంతుల్లో 57 నాటౌట్‌; 8 ఫోర్లు, 1 సిక్స్‌) రెండో వికెట్‌కు అజేయంగా 95 బంతుల్లో 124 పరుగులు జోడించి జట్టును గెలిపించారు. అష్రఫ్‌కు ఒక వికెట్‌ దక్కింది. నామమాత్రమైన మూడో టీ20 మంగళవారం జరుగుతుంది.

'నాపై తప్పుడు ప్రచారం చేశారు.. రిటైర్మెంట్‌కు వారే కారణం.. అందుకే ప్రజలముందుకు వచ్చా'