Click it and Unblock the Notifications
నిరాశలో గెలుపు కోసం..
గతేడాది ఇదే యూఏఈ గడ్డపై దుమ్మురేపి టైటిల్ అందుకున్న ముంబై ఇండియన్స్ .. ఈ ఏడాది పేలవ ప్రదర్శనతో ఆకట్టుకోలేకపోయింది. ఇప్పటివరకు లీగ్లో 12 మ్యాచ్లు ఆడిన రోహిత్ సేన కేవలం 5 మ్యాచ్ల్లో గెలుపొంది పాయింట్ల పట్టికలో 7వ స్థానంలో నిలిచింది. ఇక ప్లేఆఫ్స్కు చేరాలంటే నేడు జరగబోయే మ్యాచ్తో పాటు మరో పోరులోనూ కచ్చితంగా గెలవాల్సిన అవసరం ఉంది. ఈ నేపథ్యంలో రాజస్థాన్తో జరిగే మ్యాచ్లో గెలుపొంది పాయింట్ల పట్టికలో మెరుగవ్వాలని ముంబై భావిస్తోంది. అయితే ఢిల్లీ క్యాపిటల్స్తో ఎదురైన ఓటమితో జట్టులో పూర్తి నిరాశ నెలకొంది. దాంతో పాటు పేలవ ప్రదర్శన గత కొన్ని మ్యాచ్ల్లో జట్టును వెంటాడుతోంది.
తుది జట్టులో మార్పుల్లేవ్..
ఢిల్లీ క్యాపిటల్స్తో బరిలోకి దిగినే జట్టునే కొనసాగించే అవకాశం ఉంది. ఓపెనింగ్ బ్యాట్స్మెన్ రోహిత్ శర్మ, క్వింటన్ డికాక్ బాధ్యతాయుతంగా ఆడుతూ మంచి శుభారంభాలందించాల్సిన అవసరం ఉంది. యూఏఈ గడ్డపై వరుసగా విఫలమైన సూర్యకుమార్ యాదవ్ గతమ్యాచ్లో టచ్లోకి వచ్చాడు. మరీ అదే జోరును కొనసాగిస్తాడా? లేదా? అనేది చూడాలి.
ఆ తర్వాత మిడిల్ ఆర్డర్లో సౌరభ్ తివారితో పాటు ఆల్రౌండర్లు కీరన్ పొలార్డ్, హార్దిక్ పాండ్యా, కృనాల్ పాండ్యాలు జట్టుకు అవసరమైన సమయంలో రాణించడంలో విఫలమవుతున్నారు. ముఖ్యంగా పొలార్డ్, హార్దిక్ పేలవ ఫామ్ జట్టును దెబ్బతీస్తోంది.
చాహర్కు నిరాశే..
అటు బౌలింగ్ లైనప్లో బౌల్ట్, కృనాల్ పాండ్యా, బుమ్రా, కౌల్టర్ నైల్ వికెట్లు తీస్తున్నా.. పరుగులు కట్టడి చేయలేకపోతున్నారు. గత మ్యాచ్లో ఢిల్లీ క్యాపిటల్స్లో లెఫ్టాండర్స్ ఎక్కువగా ఉన్నారని, వ్యూహాత్మకంగా జయంత్ యాదవ్ను తీసుకున్న ముంబై.. ఈ మ్యాచ్లో కూడా అతన్నే కొనసాగించవచ్చు. రాజస్థాన్లో కూడా లెఫ్టాండర్స్ ఎక్కువగా ఉన్నారు కాబట్టి అదే వ్యూహాన్ని అమలు చేయవచ్చు. దాంతో రాహుల్ చాహర్ మరోసారి డగౌట్కు పరిమితం కానున్నాడు.
రాజస్థాన్ జోరు కొనసాగించేనా?
మరోవైపు రాజస్థాన్ రాయల్స్ ఇప్పటికే 12 మ్యాచ్ల్లో 5 గెలిచి 10 పాయింట్లతో.. ముంబై కంటే మెరుగైన రన్రేట్తో 6వ స్థానంలో నిలిచింది. నేడు జరిగే మ్యాచ్లో ముంబైని ఓడించి ప్లే ఆఫ్స్ ఆశలను సజీవంగా ఉంచుకోవాలనే పట్టుదలతో ఉంది. పైగా గత మ్యాచ్లో పటిష్ట చెన్నై సూపర్ కింగ్స్ను చిత్తు చేసింది. కొండంత లక్ష్యాన్ని విధ్యంసకర బ్యాటింగ్తో చేధించింది.
ఇదే జోరును ముంబైతో మ్యాచ్లోనూ కొనసాగించాలని చూస్తోంది. రాజస్థాన్ జట్టులో ఓపెనింగ్ బ్యాట్స్మన్ లూయిస్, జైశ్వాల్ సహా మిడిల్ ఆర్డర్లో సంజూ శాంసన్, శివమ్ దుబే, ఫిలిప్స్ వంటి వారితో బ్యాటింగ్ లైనప్ బలంగా ఉంది. మరోవైపు బౌలింగ్ లైనప్లో రాహుల్ తెవాతియా తిరిగి ఫామ్లోకి రాగా.. సకారియా, ముస్తఫిజుర్ ఫర్వాలేదనిపిస్తున్నారు. .
తుదిజట్లు(అంచనా):
ముంబై ఇండియన్స్: రోహిత్ శర్మ(కెప్టెన్), క్వింటన్ డికాక్(వికెట్ కీపర్), సూర్యకుమార్ యాదవ్, సౌరభ్ తివారి, కృనాల్ పాండ్యా, హార్దిక్ పాండ్యా, కిరన్ పొలార్డ్, కౌల్టర్ నైల్, జయంత్ యాదవ్, జస్ప్రిత్ బుమ్రా, ట్రెంట్ బౌల్ట్.
రాజస్థాన్ రాయల్స్: ఎవిన్ లూయిస్, యశస్వి జైస్వాల్, సంజూ శాంసన్(కెప్టెన్, వికెట్ కీపర్), శివమ్ దుబే, గ్లెన్ ఫిలిప్స్, డేవిడ్ మిల్లర్, రాహుల్ తెవాటియా, ఆకాశ్ సింగ్, మయాంక్ మార్కండే, చేతన్ సకారియా, ముస్తాఫిజుర్ రెహ్మన్.
Continue with Google