Click it and Unblock the Notifications
సుకుమారంగా..
ఈ నేపథ్యంలో భారత పేసర్ మహ్మద్ షమీతో ఇన్‌స్టాగ్రామ్ లైవ్ సెషన్ నిర్వహించిన ఇర్ఫాన్ పఠాన్.. హిట్‌మ్యాన్‌పై ప్రశంసల జల్లు కురిపించాడు.
`మైదానంలో రోహిత్ శ‌ర్మ ఆడుతుంటే.. స్టార్ బ్యాట్స్‌మ‌న్‌లా కాకుండా.. అత‌డో క‌విలా క‌నిపిస్తాడు. అత‌డి బ్యాటింగ్ చ‌క్క‌టి క‌విత్వాన్ని త‌ల‌పిస్తుంది. క‌విత్వం ఏ విధంగానైతే సున్నితంగా వినసొంపుగా అనిపిస్తుందో.. అత‌డి బ్యాటింగ్ అచ్చం అలాగే ఉంటుంది'అని ఇర్ఫాన్ కొనియాడాడు.
స్వచ్చమైన బ్యాట్స్‌మన్
ఇక పఠాన్ వ్యాఖ్యలకు బదులిస్తూ మహ్మద్ షమీ కూడా భారత ఓపెనర్‌పై ప్రశంసల జల్లు కురిపించాడు. ‘రోహిత్ గొప్ప ఓపెనర్. అతడు క్రికెట్‌లోని అన్నీ నైపుణ్యాలు తెలిసిన ప్యాకేజీ లాంటివాడు. యువ బ్యాట్స్‌మెన్ అత‌డి ఆట చూసి ఎంతో నేర్చుకోవచ్చు. బంతిని అతడు బాదే తీరును చూసి బౌలర్లు.. విభిన్న పరిస్థితుల్లో అతను ఆడే షాట్స్‌తో బ్యాట్స్‌మెన్ ఎంతో నేర్చుకోవచ్చు.`అని షమీ కొనియాడాడు. ప్రస్తుతం వన్డేల్లో విరాట్ కోహ్లీ తర్వాత రెండో ర్యాంకుల్లో ఉన్న రోహిత్.. గతేడాది జరిగిన వన్డే వరల్డ్‌కప్‌లో అత్యధిక పరుగులు చేసిన బ్యాట్స్‌మన్‌గా రికార్డు నెలకొల్పిన విషయం తెలిసిందే.
కూలీల గోస చూస్తే కడుపు తరుక్కుపోతుంది..
ఇటీవల స్పిన్నర్ యుజ్వేంద్ర చహల్‌తో ఇన్‌స్టాగ్రామ్ లైవ్ సెషన్‌లో పాల్గొన్న షమీ.. దేశంలోని లాక్‌డౌన్ వలస కూలీల పడుతున్న కష్టాలను చూస్తే కడుపు తరుక్కు పోతుందని ఆవేదన వ్యక్తం చేశాడు. రాజస్థాన్ నుంచి బిహార్ బయలు దేరిన ఓ వలస కూలి తిండిలేక తన ఇంటి ముందు సొమ్మసిల్లి పడిపోయాడని తెలిపాడు. అతనికి ఆహారం అందించి తనకు తోచిన సాయం చేశానన్నాడు. తన ఇళ్లు హైవేకు సమీపంగా ఉండటంతో వలస కూలీల అవస్థలు తనకు కనబడుతున్నాయని, వారి గోస చూస్తే కడుపు తరుక్కుపోతుందని ఆవేదన వ్యక్తం చేశాడు.
