Rajvardhan Hangargekar: చిక్కుల్లో సీఎస్‌కే యువ బౌలర్.. అండర్ 19 ప్రపంచకప్ హీరోపై చీటింగ్ ఆరోపణలు!

ఏజ్ ఫ్రాడ్ చేశాడని..

అండర్​-19 వరల్డ్​కప్​లో టీమిండియాకు ఆడిన హంగర్గేకర్​​.. వయసు తగ్గించి చూపాడని, బీసీసీఐ చీటింగ్ చేశాడని మహారాష్ట్ర స్పోర్ట్స్​ అండ్​ యూత్​ డిపార్ట్​మెంట్​ కమిషనర్​ ఓం ప్రకాశ్​ బకోరియా ఆరోపించారు. ఈ విషయాన్ని ఓ వార్తా పత్రిక వెల్లడించింది. ఈ మేరకు ఓంప్రకాశ్​ బీసీసీఐకి లేఖ కూడా రాసినట్లు పేర్కొంది. హంగర్గేకర్​ ప్రస్తుత వయసు 21 ఏళ్లు అని.. ఇందుకు సంబంధించి తన వద్ద ఆధారాలు కూడా ఉన్నట్లు ఓంప్రకాశ్​ తన లేఖలో పేర్కొన్నారు.

2001 అయితే..

హంగర్గేకర్​.. ధారాశివ్​లోని తెర్నా పబ్లిక్​ స్లూల్​లో చదివాడని ఓం ప్రకాశ్​ తెలిపారు. ఆ పాఠశాల రికార్డుల ప్రకారం హంగర్గేకర్​​ పుట్టినతేదీ 2001 జనవరి 10గా ఉందని.. అయితే ఎనిమిదో తరగతికి వచ్చాక హంగర్గేకర్​​ తన పుట్టినతేదీ వివరాలను మార్చుకున్నాడని ఆరోపించారు. ఆ తేదీని 2002 నవంబరు 10గా మార్పించుకున్నాడని లేఖలో ఆరోపించాడు. దీనికి సంబంధించిన పూర్తి ఆధారాలు తన దగ్గర ఉన్నాయని ఆ లేఖలో పేర్కొన్నాడు.

రెండేళ్ల నిషేధం..

ఒకవేళ ఈ ఆరోపణలే నిజమైతే హంగర్గేకర్​కు ఇబ్బందులు తప్పవు. విచారణలో దోషిగా తేలితే బీసీసీఐ హంగర్గేకర్​పై రెండేళ్ల పాటు నిషేధం విధిస్తుంది. అలా కాకుండా తన తప్పును దర్యాప్తునకు ముందే ఒప్పుకొంటే ఈ శిక్ష నుంచి హంగర్గేకర్​కు కొంత మినహాయింపు లభించే అవకాశం ఉంది.

ఈ తరహా ఘటనలు ఇదివరకు కూడా జరిగాయి. 2018 అండర్​-19 ప్రపంచకప్​ ఆటగాడు మన్జోత్​​ కల్రా కూడా ఇలాంటి ఆరోపణలు ఎదుర్కొన్నాడు.

గతంలో షమీపై కూడా..

మాజీ ఆటగాడు కీర్తి ఆజాద్​ వ్యాఖ్యల ప్రకారం.. కల్రా అండర్​-16 స్థాయి నుంచే ఏజ్​ ఫ్రాడ్​కు పాల్పడ్డాడని పేర్కొన్నారు. ఈ విషయంపై దర్యాప్తు చేపట్టిన బీసీసీఐ మన్జోత్​పై రెండేళ్ల పాటు నిషేధం విధించింది. టీమిండియా స్టార్ పేసర్ మహమ్మద్ షమీపై అతని మాజీ భార్య హసీన్ జహాన్ కూడా ఇదే తరహా ఆరోపణలు చేసింది.