Click it and Unblock the Notifications
రాహుల్ గోల్డెన్ డక్..
టాస్ ఓడి బ్యాటింగ్కు దిగిన లక్నో సూపర్ జెయింట్స్కు ఆదిలోనే గట్టి షాక్ తగిలింది. మహమ్మద్ షమీ వేసిన ఇన్నింగ్స్ ఫస్ట్ ఓవర్ ఫస్ట్ బాల్కే కెప్టెన్ కేఎల్ రాహుల్ గోల్డెన్ డక్గా వెనుదిరిగాడు. అనంతరం షమీ మరుసటి ఓవర్లో మరో ఓపెనర్ క్వింటన్ డికాక్(7) క్లీన్ బౌల్డ్ అయ్యాడు. 2 బౌండరీలతో జోరు కనబర్చిన ఎవిన్ లూయిస్ను శుభమన్ గిల్ స్టన్నింగ్స్ క్యాచ్ సాయంతో వరుణ్ అరుణ్ పెవిలియన్ చేర్చాడు. ఆ తర్వాత ఎన్నో అంచనాల మధ్య బ్యాటింగ్కు వచ్చిన మనీశ్ పాండేను షమీ క్లీన్ బౌల్డ్ చేశాడు. షమీ వరుసగా తన మూడు ఓవర్లలో మూడు వికెట్లు తీయడంతో లక్నో 29 పరుగులకే కీలక 4 వికెట్లు కోల్పోయి పీకల్లోతు కష్టాల్లో పడింది.
ఆదుకున్న దీపక్ హుడా..
ఈ పరిస్థితుల్లో క్రీజులోకి వచ్చిన దీపక్ హుడా.. యువ ప్లేయర్ ఆయుష్ బాదానితో కలిసి ఇన్నింగ్స్ చక్కదిద్దాడు. ఆచితూచి ఆడిన ఈ జోడీ వీలు చిక్కిన బంతిని బౌండరీకి తరలించింది. వరుణ్ అరోన్ వేసిన 13వ ఓవర్లో రెండు ఫోర్లు, ఓ భారీ సిక్సర్ బాదిన దీపక్ హుడా.. రషీద్ ఖాన్ వేసిన మరుసటి ఓవర్లో ఓ భారీ సిక్సర్తో పాటు క్విక్ సింగిల్ తీసి హాఫ్ సెంచరీ పూర్తి చేసుకున్నాడు. దీపక్ హాఫ్ సెంచరీ అనంతరం ఆయుష్ బాదోని హిట్టింగ్ మొదలుపెట్టాడు.
చెలరేగిన ఆయూష్..
హార్దిక్ పాండ్యా వేసిన 15వ ఓవర్లో వరుసగా 6,4,4తో హ్యాట్రిక్ బౌండరీలు బాదాడు. దీపక్ హుడా కూడా ఓ బౌండరీ కొట్టడంతో ఈ ఓవర్లో 19 రన్స్ వచ్చాయి. రషీద్ ఖాన్ బౌలింగ్లో బాదోని ఓ సిక్స్ కొట్టగా.. దీపక్ హుడా ఎల్బీగా వెనుదిరిగాడు. దాంతో 5వ వికెట్కు నమోదైన 87 పరుగుల భాగస్వామ్యానికి తెరపడింది. క్రీజులోకి వచ్చిన కృనాల్ సైతం బౌండరీలతో విరుచుకు పడటంతో లక్నో స్కోర్ బోర్డు పరుగెత్తింది. ఫెర్గూసన్ వేసిన 19వ ఓవర్లో ఓ భారీ సిక్సర్ బాదిన ఆయుష్ అరంగేట్ర మ్యాచ్లో తొలి హాఫ్ సెంచరీ సాధించాడు. చివరి ఓవర్లో అతను ఔటవ్వడంతో లక్నో 158/7 పరుగులకు పరిమితమైంది.
Continue with Google