Click it and Unblock the Notifications
దంచికొట్టిన ఊతప్ప...
టాస్ ఓడి బ్యాటింగ్కు దిగిన చెన్నై సూపర్ కింగ్స్కు ఆదిలోనే గట్టి షాక్ తగిలింది. ఓపెనర్ రుతురాజ్ గైక్వాడ్(1).. రవి బిష్ణోయ్ సూపర్ ఫీల్డింగ్కు రనౌట్గా వెనుదిరిగాడు. అప్పటికే మూడు ఫోర్లు, ఓ సిక్స్ బాదిన ఊతప్ప.. వికెట్ కోల్పోయినా అదే జోరును కొనసాగించాడు. అగ్నికి ఆయువు తోడైనట్లు అతనికి మొయిన్ అలీ తోడయ్యాడు. భారీ సిక్సర్తో ఈ సీజన్ను ప్రారంభించాడు. ఇక ఆండ్రూ టై వేసిన ఐదో ఓవర్లో ఊతప్ప నాలుగు ఫోర్లు బాదగా.. కృనాల్ వేసిన 6వ ఓవర్లో మొయిన్ అలీ వరుసగా 4, 6, 4 కొట్టాడు. దాంతో సీఎస్కే పవర్ ప్లేలో వికెట్ నష్టానికి 73 పరుగులు చేసింది.
మొయిన్ అలీ సైతం..
రవి బిష్ణోయ్ వేసిన 8వ ఓవర్ తొలి బంతికి క్విక్ డబుల్ తీసిన ఊతప్ప హాఫ్ సెంచరీ పూర్తి చేసుకున్నాడు. అదే ఓవర్లో వికెట్ల ముందు దొరికి పోయాడు. అంపైర్ నాటౌట్ ఇవ్వగా రివ్యూ ద్వారా రాహుల్ ఫలితం రాబట్టాడు. దాంతో రెండో వికెట్కు నమోదైన 54 పరుగుల భాగస్వామ్యానికి తెరపడింది. ఆ కొద్దిసేపటికే మొయిన్ అలీని ఆవేశ్ ఖాన్ క్లీన్ బౌల్డ్ చేశాడు. ఈ పరిస్థితుల్లో క్రీజులోకి వచ్చిన శివమ్ దూబే, అంబటి రాయుడు ఇన్నింగ్స్ను ముందుకు నడిపించాడు. భారీ సిక్సర్లు, బౌండరీలు బాదారు.
ధోనీ మెరుపులు..
ఇక రాయుడి(27)ని బిష్ణోయ్ ఔట్ చేయగా.. క్రీజులోకి వచ్చిన జడేజాతో దూబే ఇన్నింగ్స్ను నడిపించాడు. హాఫ్ సెంచరీకి చేరువైన అతన్ని ఆవేశ్ ఖాన్ క్యాచ్ ఔట్గా పెవిలియన్ చేర్చాడు. క్రీజులోకి వచ్చి రావడంతోనే భారీ సిక్సర్ బాదిన ధోనీ.. మరో ఫోర్తో జట్టు స్కోర్ను 200కు చేర్చాడు. చివరి ఓవర్లో ఫోర్ బాదిన జడేజా(17).. ఆ వెంటనే భారీ షాట్కు ప్రయత్నించి క్యాచ్ ఔట్గా వెనుదిరిగాడు. ఆ వెంటనే ప్రిటోరియస్ కూడా ఎల్బీగా పెవిలియన్ చేరాడు. చివర్లో ధోనీ బౌండరీ ఇన్నింగ్స్ ఫినిష్ చేశాడు.
Continue with Google