బంగర్ పనితీరుపై విమర్శలు:
ప్రస్తుత బ్యాటింగ్ కోచ్ సంజయ్ బంగర్ పనితీరుపై తీవ్ర విమర్శలు వచ్చిన నేపథ్యంలో ఆ పదవి కోసం పెద్ద ఎత్తున దరఖాస్తులు వచ్చాయి. టీమిండియా ప్రధాన కోచ్ అవకాశం దక్కని లాల్చంద్ రాజ్పుత్ ఇప్పుడు బ్యాటింగ్ కోచ్ రేసులో నిలిచాడు. జింబాబ్వే, ఆఫ్ఘనిస్థాన్ జాతీయ జట్లకు కోచ్గా పనిచేసిన రాజ్పుత్.. సొంత జట్టుకు ఎలాగైనా సేవలదించేందుకు సిద్ధమయ్యాడు.
రేసులో లాల్చంద్:
రాజ్పుత్, విక్రమ్ రాఠోడ్, ప్రవీణ్ ఆమ్రే, అమోల్ మజుందార్, సితాంషు కొటక్, హృషికేశ్ కనిత్కర్, మిథున్ మన్హాస్ బ్యాటింగ్ కోచ్ పదవికి దరఖాస్తు చేసుకున్నారు. అయితే లాల్చంద్ రాజ్పుత్కే ఎక్కువ అవకాశాలు ఉన్నాయని సమాచారం. ఈ జాబితాలో మాజీ ఓపెనర్ విక్రమ్ రాథోడ్ కూడా ముందు వరసలో ఉన్నాడట. మరి ఎవరికి అవకాశం దక్కుతుందో చూడాలి.
భరత్ అరుణ్కే అవకాశం:
ప్రస్తుత బౌలింగ్ కోచ్ భరత్ అరుణ్, ఫీల్డింగ్ కోచ్ ఆర్.శ్రీధర్లు తిరిగి ఎంపికవడం ఖాయంగా కనిపిస్తోంది. ప్రధాన కోచ్ రవిశాస్త్రి సైతం వీరికి అండగా ఉన్నాడని సమాచారం. భరత్ అరుణ్ నేతృత్వంలో టీమిండియా బౌలింగ్ చాలా మెరుగైంది. ముఖ్యంగా పేస్ విభాగంలో మరింత బలోపేతమైంది. దీంతో అరుణ్ పదవి పదిలంగానే ఉండనుంది. అయితే బౌలింగ్ కోచ్ పదవి కోసం వెంకటేశ్ ప్రసాద్, పారస్ మాంబ్రే, అమిత్ భండారీలు పోటీ పడుతున్నారు.
విజ్జీ ట్రోఫీ నుండి వైదొలిగిన జమ్మూకాశ్మీర్
శ్రీధర్ వైపే మొగ్గు:
ఆర్.శ్రీధర్ పర్యవేక్షణలో భారత జట్టు ఫీల్డింగ్ కూడా గత కొంత కాలంగా ఉన్నత ప్రమాణాలతో ఉంది. ఆటగాళ్లు మెరుపు ఫీల్డింగ్ చేస్తున్నారు. విరాట్ కోహ్లీ, జడేజా, రోహిత్ రాహుల్ ఫీల్డింగ్ మరింత మెరుగైంది. ఈ నేపథ్యంలో జాంటీ రోడ్స్ పోటీలో ఉన్నా.. ఎమ్మెస్కే కమిటీ శ్రీధర్ వైపే మొగ్గు చూపే అవకాశాలు ఉన్నాయి. నిబంధనల ప్రకారం బ్యాటింగ్, బౌలింగ్, ఫీల్డింగ్ కోచ్ పదవులకు దరఖాస్తు చేసుకునే అభ్యర్థులు 10 టెస్టులు లేదా 25 వన్డేలు ఆడిన అనుభవం ఉండాలి. ఇక 60 ఏళ్లలోపు వయసుండాలి.