KKR vs DC:వారెవ్వా వాటే మ్యాచ్.. సిక్స్ కొట్టి గెలిపించిన రాహుల్ త్రిపాఠి! పాపం ఢిల్లీ!

ఓపెనర్ల శుభారంభం..

136 పరుగుల లక్ష్యంతో బరిలోకి దిగిన కోల్‌కతా నైట్‌రైడర్స్‌కు ఓపెనర్లు వెంకటేశ్ అయ్యర్, శుభ్‌మన్ గిల్ శుభారంభం అందించారు. ఇన్నింగ్స్ ఫస్ట్ బాల్‌నే గిల్.. బౌండరీ తరలించగా.. అశ్విన్ వేసిన రెండో ఓవర్‌లో వెంకటేశ్ అయ్యర్ బౌండరీ బాదాడు. ఇక అక్షర్ వేసిన నాలుగో ఓవర్‌లో భారీ సిక్సర్ బాదిన వెంకీ.. రబడా వేసిన మరుసటి ఓవర్‌లో మరో భారీ సిక్సర్ బాదాడు. ఆ తర్వాత కూడా అతను ఇదే జోరు చూపెట్టడంతో పవర్‌ప్లేలో ఢిల్లీ వికెట్ నష్టపోకుండా 56 రన్స్ చేసింది.

వెంకీ హాఫ్ సెంచరీ

అనంతరం అదే జోరు కనబర్చిన ఈ జోడీ.. స్కోర్ బోర్డు పరుగెత్తించింది. ఈ క్రమంలో అక్షర్ వేసిన 11వ ఓవర్‌లో సింగిల్‌తో వెంకటేశ్ అయ్యర్ హాఫ్ సెంచరీ పూర్తి చేసుకున్నాడు. క్రీజులో పాతుకుపోయిన ఈ జోడీని రబడా విడదీసాడు. అయ్యర్‌ను క్యాచ్‌ ఔట్‌గా పెవిలియన్ చేర్చడంతో తొలి వికెట్‌కు నమోదైన 96 పరుగుల భాగస్వామ్యానికి తెరపడింది. ఆ తర్వాత క్రీజులోకి వచ్చిన నితీశ్ రాణా భారీ షాట్లతో దూకుడు కనబర్చాడు.

చెలరేగిన రబడా, నోర్జ్..

అయితే అతనికి నోర్జ్ కళ్లెం వేసాడు. క్యాచ్ ఔట్‌గా పెవిలియన్ చేర్చాడు. ఆ మరుసటి ఓవర్‌లో హాఫ్ సెంచరీకి చేరువైన గిల్(46) అవేశ్ ఖాన్ కీపర్ క్యాచ్‌గా పెవిలియన్ చేర్చడంతో మ్యాచ్‌పై ఢిల్లీ పట్టుబిగించింది. రబడా వేసిన 18వ ఓవర్‌లో ఓ వికెట్ తీసి 1 పరుగు మాత్రమే ఇవ్వడంతో మ్యాచ్ ఉత్కంఠగా మారింది. చివరి 12 బంతుల్లో కేకేఆర్ విజయానికి 10 పరుగులు అవసరమవ్వగా.. అన్రిచ్ నోర్జ్ వేసిన 19వ ఓవర్‌లో నోర్జ్ మూడు పరుగులిచ్చే ఓ వికెట్ తీయడంతో మ్యాచ్ పూర్తిగా ఢిల్లీ వైపు మళ్లీంది.

పాపం అశ్విన్

చివరి ఓవర్‌లో ఢిల్లీ విజయానికి 7 పరుగులు అవసరం కాగా.. బంతిని అందుకున్న అశ్విన్ వరుసగా రెండు వికెట్లు తీశాడు. దాంతో చివరి రెండు బంతులకు కేకేఆర్ విజయానికి 6 పరుగులు అవసరమయ్యాయి. అయితే రాహుల్ త్రిపాఠి భారీ సిక్సర్ కొట్టడంతో కేకేఆర్ విజయాన్నందుకొని ఫైనల్ చేరింది.