Click it and Unblock the Notifications
అక్షర్తో స్మిత్కు కష్టమే..
అయితే ఆస్ట్రేలియా ఎంత సిద్దమైనా.. భారత స్పిన్నర్లతో ఆ జట్టుకు కష్టాలు తప్పవని మాజీ క్రికెటర్లు అంటున్నారు. ముఖ్యంగా అక్షర్ పటేల్ బౌలింగ్ను ఎదుర్కోవడం ఆస్ట్రేలియా మాజీ కెప్టెన్ స్టీవ్ స్మిత్కు పెద్ద సవాల్ అని టీమిండియా మాజీ ఆల్రౌండర్ ఇర్ఫాన్ పఠాన్ హెచ్చరించాడు. అతని బౌలింగ్లో స్మిత్కు చుక్కలు తప్పవని తెలిపాడు. అయితే భారత్ కూడా స్మిత్ను తక్కువ అంచనా వేయకూడదని, సరైన ప్రణాళికలతో స్మిత్ను కట్టడి చేయాలని సూచించాడు.
స్మిత్ను తక్కువ అంచనా వేయవద్దు..
ఫిబ్రవరి 9న నాగ్పూర్ వేదికగా జరగనున్న తొలి టెస్ట్తో ఈ సిరీస్ ప్రారంభం కానుంది. ఈ సిరీస్ నేపథ్యంలో స్టార్ స్పోర్ట్స్ షోలో పాల్గొన్న ఇర్ఫాన్ పఠాన్ ఆసక్తికర వ్యాఖ్యలు చేశాడు. 'స్టీవ్స్మిత్.. అతను ఆస్ట్రేలియా సూపర్ స్టార్ బ్యాటర్. ఆసీస్ చరిత్రను ఒకసారి గమనిస్తే స్మిత్ అగ్రస్థానంలో ఉంటాడు. భారత బౌలర్లను ముప్పు తిప్పలు పెట్టి టన్నుల కొద్దీ పరుగులు సాధించాడు. ఆఫ్, లెగ్ సైడ్లో పరుగులు చేయడానికి ప్రయత్నిస్తాడు. కాబట్టి టీమిండియా సరైన ప్రణాళికతో ముందుకు వెళ్లాలి. అతన్ని కట్టడి చేయడం సవాలే.
అక్షర్ పటేల్ వల్లే సాధ్యం..
కానీ, స్పిన్నర్ అక్షర్పటేల్కు అతడిపై మంచి గణాంకాలు ఉన్నాయి. అతను బంతిని సూటిగా విసురుతాడు కాబట్టి స్మిత్ను ఎల్బీ లేదా క్లీన్ బౌల్డ్ చేయగలడు. భారత జట్టులో పదే పదే బంతిని స్టంప్స్కి విసిరే ఏకైక ఆటగాడు అక్షర్. అతను క్రమం తప్పకుండా అన్ని మ్యాచులు ఆడితే కచ్చితంగా స్మిత్కు పెద్ద ఆటంకంగా మారుతాడు' అని ఇర్ఫాన్ పఠాన్ చెప్పుకొచ్చాడు. బెంగళూరు సమీపంలో ఆలూరులో ఏర్పాటు చేసిన ప్రాక్టీస్ క్యాంప్లో ఆసీస్ సన్నదమవుతుండగా.. నాగ్పూర్లో భారత్ ప్రిపేర్ అవుతోంది.
Continue with Google