IPL 2026: ముంబై గెలుపు వెనుక రోహిత్ శర్మ.. ఇదిగో వీడియో ప్రూఫ్!

ముంబై ఇండియన్స్ ఎట్టకేలకు తమ పరాజయాల పరంపరకు బ్రేక్ వేసింది. కోల్‌కతా నైట్‌రైడర్స్‌(కేకేఆర్)పై విజయంతో ఘనంగా ఈ సీజన్‌ను ప్రారంభించిన హార్దిక్ సేన.. ఆ తర్వాత అనూహ్యంగా వరుస ఓటములను ఎదుర్కొంది.

18 ఏళ్ల సుదీర్ఘ నిరీక్షణ తర్వాత ముంబై ఇండియన్స్ శుభారంభం చేయడంతో ఆ జట్టుకు తిరుగులేదని అంతా అనుకున్నారు. జట్టు నిండా స్టార్ ఆటగాళ్లు ఉండటంతో ఈ సారి ముంబైదే టైటిల్ అని క్రికెట్ ఎక్స్‌పర్ట్స్‌తో పాటు ఏఐ ఫ్లాట్‌ఫామ్స్ జోస్యం చెప్పాయి. కానీ 15 ఏళ్ల బుడ్డోడు వైభవ్ సూర్యవంశీ ఇచ్చిన షాక్‌తో దివాళ తీసిన ముంబై ఇండియన్స్ వరుస పరాజయాలను చవిచూసింది.

కెప్టెన్ ఎవడైతే ఏంది భాయ్.. దిగిండంటే సీన్ సీతారామాయణమే!

టోర్నీలో నిలవాలంటే తప్పక గెలవాల్సిన మ్యాచ్‌లో సత్తా చాటి విజయాన్ని అందుకుంది. సోమవారం గుజరాత్ టైటాన్స్‌తో జరిగిన మ్యాచ్‌లో ముంబై 99 పరుగుల భారీ తేడాతో విజయం సాధించిన సంగతి తెలిసిందే. అయితే ఈ మ్యాచ్‌‌ను కూడా ముంబై ఇండియన్స్ పేలవంగా ప్రారంభించింది.

44 పరుగులకే మూడు వికెట్లు.. సూర్యకుమార్ యాదవ్ మరోసారి ఫెయిల్. తిలక్ వర్మ కూడా తొలి 19 బంతుల్లో 22 పరుగులే చేశాడు. ఇక ఈ జట్టుకు మరోపరాజయం తప్పదని అనుకుంటున్న క్రమంలో తిలక్ వర్మ హఠాత్తుగా చెలరేగాడు. 23బంతుల్లో 82 పరుగులు చేసి సెంచరీతో పాటు జట్టుకు విజయాన్ని అందించాడు.

బౌలింగ్‌లో అనామక పేసర్ అశ్వని కుమార్ నాలుగు వికెట్లతో గుజరాత్ టైటాన్స్ పతనాన్ని శాసించాడు. అయితే తొడకండరాల గాయంతో ఈ మ్యాచ్‌‌కు దూరంగా ఉన్న రోహిత్ శర్మ కూడా ఈ విజయంలో కీలక పాత్ర పోషించాడు. టీమ్ డగౌట్‌లో కూర్చొని ముంబై విజయానికి కావాల్సిన వ్యూహాలు రచించాడు. కెప్టెన్‌గా హార్దిక్ పాండ్యా తడబడుతుండటంతో అతనికి గైడెన్స్ ఇస్తూ జట్టు విజయానికి పరోక్షంగా తోడ్పడ్డాడు. ఫీల్డ్ సెటప్, బౌలింగ్ వ్యూహాలను డగౌట్ నుంచి హార్దిక్‌కు చెరవేసాడు.

తిలక్ వర్మకు చెప్పింది అదే.. బుమ్రా ఎప్పుడూ తోపే: హార్దిక్ పాండ్యా

ఒకానొక సందర్భంలో డగౌట్ నుంచి మైదానంలోకి పరుగెత్తుకొచ్చి మరీ సూర్యకుమార్ యాదవ్‌తో తన సలహాలను పంచుకున్నాడు. ప్రస్తుతం ఇందుకు సంబంధించిన వీడియో నెట్టింట వైరల్‌గా మారగా.. రోహిత్ ఫ్యాన్స్ సంతోషం వ్యక్తం చేస్తున్నారు. ముంబై గెలుపు వెనుక రోహిత్ శర్మ ఉన్నాడని.. ఇదిగో వీడియో ప్రూఫ్ అని కామెంట్ చేస్తున్నారు. ఈ విజయంతో ముంబై ఇండియన్స్ పాయింట్స్ టేబుల్‌లో 10వ స్థానం నుంచి ఏడో స్థానానికి ఎగబాకింది.