RCB vs SRH: 22 సిక్సర్లు.. 19 ఫోర్లు.. చరిత్ర సృష్టించిన సన్‌రైజర్స్ హైదరాబాద్!

సన్‌రైజర్స్ హైదరాబాద్ చరిత్ర సృష్టించింది. విధ్వంసకర బ్యాటింగ్‌తో పరుగుల సునామీ సృష్టించిన ఆరెంజ్ ఆర్మీ.. ఐపీఎల్ చరిత్రలోనే అత్యధిక సిక్స్‌లు బాదిన జట్టుగా నిలిచింది. ఐపీఎల్ 2024 సీజన్‌లో భాగంగా రాయల్ ఛాలెంజర్స్ బెంగళూరు(ఆర్‌సీబీ)తో జరిగిన మ్యాచ్‌లో సన్‌రైజర్స్ హైదరాబాద్ ఈ ఫీట్ సాధించింది.

ఈ మ్యాచ్‌లో 25 పరుగుల తేడాతో గెలిచిన సన్‌రైజర్స్.. టోర్నీలో నాలుగో విజయాన్ని నమోదు చేసింది. ఈ మ్యాచ్‌లో ముందుగా బ్యాటింగ్ చేసిన సన్‌రైజర్స్ హైదరాబాద్ నిర్ణీత 20 ఓవర్లలో 3 వికెట్లకు 287 పరుగుల భారీ స్కోర్ చేసింది. ట్రావిస్ హెడ్(41 బంతుల్లో 9 ఫోర్లు, 8 సిక్స్‌లతో 102) సెంచరీతో చెలరేగగా.. హెన్రీచ్ క్లాసెన్(31 బంతుల్లో 2 ఫోర్లు, 7 సిక్స్‌లతో 67) విధ్వంసకర బ్యాటింగ్‌తో చెలరేగారు.

అనంతరం లక్ష్యచేధనకు దిగిన ఆర్‌సీబీ నిర్ణీత 20 ఓవర్లలో 7 వికెట్లకు 262 పరుగులే చేసి ఓటమిపాలైంది. దినేశ్ కార్తీక్(35 బంతుల్లో 5 ఫోర్లు, 7 సిక్స్‌లతో 83), ఫాఫ్ డుప్లెసిస్(28 బంతుల్లో 7 ఫోర్లు, 4 సిక్స్‌లతో 62)హాఫ్ సెంచరీలతో చెలరేగినా ఫలితం లేకపోయింది. ఈ మ్యాచ్‌లో సన్‌రైజర్స్ హైదరాబాద్ పలు రికార్డులను నమోదు చేసింది.

1.అత్యధిక సిక్స్‌లు..
ఈ మ్యాచ్‌లో సన్‌రైజర్స్ హైదరాబాద్ 22 సిక్స్‌లు బాదింది. ఐపీఎల్ చరిత్రలోనే ఒక ఇన్నింగ్స్‌లో ఇన్ని సిక్స్‌లు నమోదవ్వడం ఇదే తొలిసారి. ఈ క్రమంలోనే ఆర్‌సీబీ పేరిట ఉన్న రికార్డును సన్‌రైజర్స్ హైదరాబాద్ అధిగమించింది. 2013లో పుణేవారియర్స్‌తో జరిగిన మ్యాచ్‌లో ఆర్‌సీబీ 21 సిక్స్‌లు బాదింది. ఐపీఎల్‌లో ఇప్పటి వరకు ఇదే రికార్డుగా ఉండగా.. సన్‌రైజర్స్ హైదరాబాద్ అధిగమించింది.

22 సిక్స్‌లు - సన్‌రైజర్స్ వర్సెస్ ఆర్‌సీబీ - 2024
21 సిక్స్‌లు - ఆర్‌సీబీ వర్సెస్ పీడబ్ల్యూఐ - 2013
20 సిక్స్‌లు - ఆర్‌సీబీ vs గుజరాత్ లయన్స్ - 2016
20 సిక్స్‌లు - ఢిల్లీ డేర్‌డెవిల్స్ vs గుజరాత్ లయన్స్ - 2017
20 సిక్స్‌లు - ముంబై ఇండియన్స్ vs సన్‌రైజర్స్ హైదరాబాద్ - 2024