David Warner: మీకు మీ ఫ్రాంచైజీకి ఓ దండం రా అయ్యా!

వద్దురా అయ్యా..

దాంతో ఏ జట్టు ఏ ఆటగాళ్లను రిటైన్ చేసుకుంటుందనే అంచనాలు ఊపందుకున్నాయి. ఈ క్రమంలోనే సన్‌రైజర్స్ హైదరాబాద్ డేవిడ్ వార్నర్‌ను రిటైన్ చేసుకుంటుందా? లేదా? అనే చర్చ కూడా నడుస్తోంది. ఇప్పటికే వచ్చే సీజన్‌లో సన్‌రైజర్స్‌కు ఆడే అవకాశాలు లేవని డేవిడ్ వార్నర్ సంకేతాలు ఇచ్చాడు.

ఐపీఎల్ 2021 సీజన్ సందర్భంగా ఫ్రాంచైజీ యాజమాన్యంతో తలెత్తిన విభేధాల నేపథ్యంలో అతన్ని రిటైన్ చేసుకోదని విశ్లేషకులు భావిస్తున్నారు. ఈ క్రమంలో ఇన్‌స్టాగ్రామ్ వేదికగా ఓ అభిమాని.. చేసిన కామెంట్‌కు వార్నర్ ఇచ్చిన రిప్లే చర్చనీయాంశమైంది.

వీఆర్ ఆరేంజ్ ఆర్మీ ట్విటర్ యూజర్.. సన్‌రైజర్స్ హైదరాబాద్ రిటెన్షన్ జాబితాను అంచనా వేయండంటూ పెట్టిన పోస్ట్‌కు ఓ యూజర్.. టామ్ మూడీ హెడ్ కోచ్, డేవిడ్ వార్నర్ కెప్టెన్ అంటూ కామెంట్ చేశాడు. దీనికి వార్నర్.. నో థ్యాంక్స్ అని బదులిచ్చాడు. మీకు మీ ఫ్రాంచైజీకి ఓ దండం రా అయ్యా అని పరోక్షంగా చెప్పుకొచ్చాడు.

కారణం లేకుండా..

ఎలాంటి కారణం లేకుండా జట్టు నుంచి తొలగించడం, కెప్టెన్సీ నుంచి తప్పించడంతో బాధేసిందని ఇటీవల వార్నర్ తెలిపాడు. ఈ విషయంపై తాను ఎలాంటి ఫిర్యాదులు చేయాలనుకోవడం లేదన్నాడు. తనకు ఇంకా ఐపీఎల్‌ ఆడేందుకు మరో అవకాశం ఉందనే నమ్ముతున్నానని వార్నర్ ధీమా వ్యక్తం చేశాడు.

'కొన్నేళ్ల పాటు ఎంతో ఇష్టపడిన జట్టు ఉన్నట్టుండి ఏ తప్పూ లేకుండా, ఏ కారణం లేకుండా నన్ను తొలగించడం, కెప్టెన్సీ నుంచి తప్పించడం చేస్తే చాలా బాధపడ్డాను. అయితే ఈ విషయంపై నేనెలాంటి ఫిర్యాదులు చేయాలనుకోవడం లేదు. భారత్‌లో నాకెంతో మంది అభిమానులున్నారు. వారు ఎల్లప్పుడూ నాకు అండగా నిలిచారు. వాళ్ల కోసమే నేను ఈ ఆట ఆడుతున్నా. అభిమానులను అలరించడానికే నేను ఉన్నాను' అని వార్నర్ అన్నాడు.

ఐపీఎల్ విఫలమై..

డేవిడ్ వార్నర్‌ ఐపీఎల్ 14 సీజన్‌లో పూర్తిగా తేలిపోయాడు. అటు కెప్టెన్‌గా, ఇటు బ్యాటర్‌గా విఫలమయ్యాడు. భారత్‌లో జరిగిన తొలి అర్ధ భాగంలో ఫర్వాలేదనిపించిన వార్నర్.. యూఏఈలో ఆడిన తొలి రెండు మ్యాచ్‌ల్లో పూర్తిగా నిరాశపరిచాడు. ఆడిన 8 మ్యాచ్‌ల్లో రెండు అర్ధ శతకాలతో 195 పరుగులు మాత్రమే చేశాడు. ఇక హైదరాబాద్ జట్టు ఆడిన 14 మ్యాచ్‌ల్లో కేవలం మూడే విజయాలు సాధించి అత్యంత దారుణమైన ప్రదర్శన చేసింది.

ఈ క్రమంలోనే సన్‌రైజర్స్‌ యాజమాన్యం వార్నర్‌ను పక్కనపెట్టి.. కెప్టెన్సీ బాధ్యతలను కేన్‌ విలియమ్సన్‌కు అప్పగించింది. ఇక ఐపీఎల్ అనంతరం జరిగిన టీ20 ప్రపంచకప్‌లో దేవ్ 289 పరుగులతో చెలరేగి.. ఆస్ట్రేలియా తొలిసారి పొట్టి కప్ సాధించడంలో కీలక పాత్ర పోషించాడు.