Click it and Unblock the Notifications
ఆర్సీబీ టీమ్ బలాలు..
ప్రతిసారి బ్యాటింగ్ బలంతో బరిలో దిగే ఆర్సీబీ ఈసారి మాత్రం బౌలింగ్ విభాగం కాస్త బలంగా కనిపిస్తోంది. వేలానికి ముందు జెమీసన్ ను వదులుకున్న ఫ్రాంచైజీ అతడి ప్లేస్ లో మరో పొడగరి హేజిల్వుడ్ ను తీసుకుంది. తను లాస్ట్ సీజన్ లో చెన్నై టీమ్ విక్టరీతో పాటు గతేడాది ఆస్ట్రేలియా టీ20 వరల్డ్ కప్ గెలవడంలో కీలకపాత్ర పోషించాడు. అతనికి తోడు గతేడాది పర్పుల్ క్యాప్ విన్నర్ హర్షల్ పటేల్ ఈసారి కూడా కీలకం కానున్నాడు. ఇక సిరాజ్, సిద్దార్థ్ కౌల్ రూపంలో మరో ఇద్దరు ఇండియా బౌలర్లు, బెరెండార్ఫ్, డేవిడ్ విల్లే రూపంలో ఫారిన్ పేసర్లు ఉండనే ఉన్నారు. స్పిన్లో నంబర్ వన్ ఆల్ రౌండర్ వానిందు హసరంగ మంచి ఆప్షన్ గా కనిపిస్తున్నాడు. అలాగే షాబాజ్ అహ్మద్, కర్ణ్ శర్మ, లామ్రోర్ వంటి ఇండియా స్పిన్నర్లతో పాటు మ్యాక్స్వెల్ కూడా తన బంతితో మాయ చేయగలగడం ఈ టీమ్ కు ప్లస్ అనొచ్చు. ఇక కెప్టెన్ డుప్లెసిస్ కూడా టీమ్కు సానుకూలంశం.
అతడి ఎటాకింగ్ కెప్టెన్సీ, ఆటను అర్థం చేసుకునే సామర్థ్యం జట్టుకు చాలా ఉపయోగపడతాయనడంలో సందేహం లేదు. బ్యాట్స్మన్గా కూడా అతడు కీలకం కానున్నాడు. గత సీజన్లో అతడు 16 మ్యాచ్ల్లో 633 పరుగులతో చెన్నై టైటిల్ అందుకోవడంలో కీలక పాత్ర పోషించాడు. డుప్లెసిస్, కోహ్లీల ఓపెనింగ్ జోడీతో ప్రత్యర్థులకు ముప్పే. ఇద్దరూ క్రీజులో పాతుకుపోగలరు. ఇద్దరూ బ్యాట్ ఝుళిపించగలరు. వీళ్లిద్దరు బలమైన ఆరంభాలనిస్తే.. మిగతా పని మ్యాక్స్వెల్, కార్తీక్ చూసుకుంటారని బెంగళూరు ఆశిస్తోంది.
బలహీనతలు
కొద్ది మంది స్టార్లున్నా బెంగళూరు బ్యాటింగ్ ఒకప్పటంత గొప్పగా కనిపించట్లేదు. డివిలియర్స్ దూరం కావడం ఆ జట్టుకు పెద్ద లోటే. అతడి రిటైర్మెంట్తో మధ్య, ఆఖరి ఓవర్లలో విధ్వంసం సృష్టించే ఓ బ్యాట్స్మన్ను ఆ జట్టు కోల్పోయింది. దీంతో గ్లెన్ మ్యాక్స్వెల్, డుప్లెసిస్పై మరింత భారం పడనుంది. ఇక కోహ్లీ కొంతకాలంగా సరైన ఫామ్ లో లేకపోవడం టీమ్కు మైనస్. కెప్టెన్సీ వదులుకున్న కోహ్లీ స్వేచ్ఛగా బ్యాట్ కు పని చెబితేనే టీమ్ పెర్ఫామెన్స్ ఓ తీరుగా ఉంటుంది. లేదంటే జట్టుకు కష్టాలు తప్పవు.
అదే టైమ్లో 3, 5 నంబర్లలో బ్యాటింగ్ చేసే ప్లేయర్లు ఎవరనేదానిపై ఫ్యాన్స్ ఆసక్తిగా ఎదురుచూస్తున్నారు. యంగ్ ప్లేయర్ అనూజ్ రావత్ వన్డౌన్లో వచ్చే చాన్సున్నా.. కీలకమైన ఆ ప్లేస్ లో అతడు ఏమాత్రం రాణిస్తాడన్నది ప్రశ్న. లోమ్రోర్ లేదా కార్తీక్ ఐదో నంబర్లో రావొచ్చు. అయితే, ఇద్దరిలో పెద్దగా నిలకడ లేకపోవడం టీమ్ ను ఆందోళనలో పడేస్తోంది. మొత్తంగా ఆర్సీబీ మిడిలార్డర్ బలహీనంగా ఉంది. బ్యాటింగ్లో బ్యాకప్ ఆప్షన్ కూడా లేదు.
ఆర్సీబీ టీమ్
భారతీయులు: విరాట్ కోహ్లీ, అనూజ్, దినేశ్ కార్తీక్, సిసోడియా, అనీశ్వర్, హర్షల్, మహిపాల్ లామ్రోర్, షాబాజ్, ప్రభుదేశాయ్, ఆకాశ్ దీప్, సీవీ మిలింద్, కర్ణ్ శర్మ, సిరాజ్, సిద్దార్థ్ కౌల్.
ఫారిన్ ప్లేయర్లు : డుప్లెసిస్ (కెప్టెన్), హేజిల్వుడ్, బెరెండార్ఫ్, హసరంగ, డేవిడ్ విల్లే, మ్యాక్స్వెల్, ఫిన్ అలెన్.
ఆర్సీబీ ఫ్లే ఆఫ్స్ అంచనా..
గ్రూప్‑బిలో ఉన్న బెంగళూరు అదే గ్రూప్ లోని చెన్నై, హైదరాబాద్, పంజాబ్, గుజరాత్ తో పాటు గ్రూప్-ఎలోని రాజస్థాన్ తో రెండేసి మ్యాచ్ లు ఆడుతుంది. ముంబై, కోల్ కతా, ఢిల్లీ, లక్నోలతో ఒక్కో మ్యాచ్ లో తలపడుతుంది. ఈ నెల 27న పంజాబ్తో జరిగే మ్యాచ్తో ఆర్సీబీ తమ టైటిల్ వేటను మొదలుపెట్టనుంది. అంచనాలకు అనుగుణంగా రాణిస్తే ఆర్సీబీ సులువుగా ప్లే ఆఫ్స్ చేరుతోంది. ముఖ్యంగా విరాట్ కోహ్లీ 2016 సీజన్ మాదిరి చెలరేగితే ఆ జట్టుకు తిరుగే ఉండదు. ఇక తమ టీమ్ ట్రోఫీ సాధిస్తే చూడాలని ప్రతి ఫ్యాన్ కోరుకుంటున్నాడు.
ఆర్సీబీ తుది జట్టు(అంచనా)
ఫాఫ్ డుప్లెసిస్(కెప్టెన్), అనూజ్ రావత్, విరాట్ కోహ్లీ, గ్లేన్ మ్యాక్స్వెల్, దినేశ్ కార్తీక్(కీపర్), మహిపాల్ లోమ్రోర్, వానిందు హసరంగా, శబాజ్ అహ్మద్/సిద్దార్థ్ కౌల్, హర్షల్ పటేల్, జోష్ హజెల్ వుడ్, మహమ్మద్ సిరాజ్.
Continue with Google