Click it and Unblock the Notifications
కెప్టెన్ అయ్యర్కు రికార్డు..
ఇందులో కేకేఆర్ ఫస్ట్ కెప్టెన్ సౌరవ్ గంగూలీతో పాటు బ్రెండన్ మెకల్లమ్, గౌతమ్ గంభీర్, దినేశ్ కార్తిక్, ఇయాన్ మోర్గాన్... ప్రస్తుత సారథి శ్రేయస్ అయ్యర్ ఉన్నారు. గతంలో ఢిల్లీ క్యాపిటల్స్కు కెప్టెన్గా వ్యవహరించి శ్రేయస్ అయ్యర్కు మంచి రికార్డు ఉంది. అయితే, గాయం కారణంగా ఐపీఎల్-2021 సీజన్ తొలి దశకు అతను దూరం కాగా.. టీమిండియా యువ కెరటం రిషభ్ పంత్ సారథ్య బాధ్యతలు స్వీకరించాడు. సూపర్ కెప్టెన్సీతో జట్టుకు అద్భుత విజయాలందించాడు.
గాయంతో దూరమవడంతో..
దాంతో శ్రేయస్ అయ్యర్ సెకండాఫ్ లీగ్కు అందుబాటులోకి వచ్చినప్పటికీ ఢిల్లీ మేనేజ్మెంట్ రిషభ్ పంత్నే కెప్టెన్గా కొనసాగించింది. అంతేకాకుండా మెగా వేలం నేపథ్యంలో శ్రేయస్ అయ్యర్ను రిటైన్ చేసుకోలేదు. దాంతో అతను ఆక్షన్లోకి రాగా అగ్గువ ధరకే కేకేఆర్ కొనుగోలు చేసింది. కాగా గత సీజన్లో రన్నరప్గా నిలిచిన కోల్కతా నైట్రైడర్స్ ఈసారి ఎలాగైనా టైటిల్ గెలవాలనే పట్టుదలతో ఉంది. గత సీజన్లో ఫైనల్కు చేర్చిన ఇంగ్లండ్ కెప్టెన్ ఇయాన్ మోర్గాన్పై వేటు వేసిన ఆ జట్టు వేలంలో అతనిపై కన్నెత్తి చూడలేదు. దాంతో అతను అన్సోల్డ్ లిస్ట్లో చేరాడు.
గౌరవంగా భావిస్తున్నా..
‘అత్యంత ఘన చరిత్ర కలిగిన కేకేఆర్ జట్టు సారథ్య బాధ్యతలను స్వీకరించడాన్ని గౌరవంగా భావిస్తున్నా. ఈ అవకాశాన్ని ఇచ్చిన టీమ్ ఓనర్స్, మేనేజ్మెంట్, సపోర్ట్ స్టాఫ్కు ప్రత్యేక ధన్యవాదాలు చెప్పాలనుకుంటున్నా. టీమ్ లక్ష్యాన్ని సాధించగలమనే ఆత్మవిశ్వాసం నాకుంది. భారత క్రికెట్లో కోల్కతా, ఈడెన్ గార్డెన్స్కు ప్రత్యేక స్థానం ఉంది. దాన్ని అలానే కొనసాగించేందుకు నా సాయశక్తులా కృషి చేస్తాను. నా జట్టు, అభిమానులు తలెత్తుకునేలా కష్టపడుతాను'అని అయ్యర్ చెప్పుకొచ్చాడు.
Continue with Google