Click it and Unblock the Notifications
ఇర్ఫాన్ పఠాన్ కీలక అడ్వైజ్..
గత సీజన్లో రుతురాజ్తో కలిసి ఓపెనింగ్ చేసిన ఫాఫ్ డుప్లెసిస్ను వేలంలో ఆర్సీబీ కొనుగోలు చేసి కెప్టెన్గా నియమించుకుంది. ఈ క్రమంలోనే ఈ రెండు సమస్యలనుద్దేశించి టీమిండియా మాజీ ఆల్రౌండర్ ఇర్ఫాన్ పఠాన్ ఆసక్తికర వ్యాఖ్యలు చేశాడు. దీపక్ చహర్ను రీప్లేస్ చేయగల సత్తా అండర్ -19 వరల్డ్కప్ స్టార్ రాజ్వర్ధన్ హంగర్కర్కు ఉందని అభిప్రాయపడ్డాడు. ఈ మేరకు ఇర్ఫాన్ పఠాన్ స్టార్ స్పోర్ట్స్తో మాట్లాడుతూ.. చెన్నై సూపర్ కింగ్స్కు కీలక అడ్వైజ్ ఇచ్చాడు.
హంగర్కర్ సేవలు..
'దీపక్ చహర్ గొప్ప బౌలర్. అతను దూరం కావడం సీఎస్కేకు ఎదురు దెబ్బే. నిజానికి శార్దూల్ ఠాకూర్ కూడా ఇప్పుడు సీఎస్కేలో లేడు. చహర్ స్థానాన్ని భర్తీ చేసే క్రమంలో యువ ఆటగాడు హంగర్కర్ సేవలను సీఎస్కే ఉపయోగించుకుంటే ఫలితం ఉంటుంది. అతను ప్రతిభావంతుడు. అయితే, హంగర్కర్ చాలా చిన్నవాడు. తనకు అనుభవం తక్కువ. కానీ ధోనీ వంటి సారథి ఉన్నపుడు ఇలాంటి విషయాలకు భయపడాల్సిన పనిలేదు. యువ ఆటగాళ్లను ప్రోత్సహిస్తూ ఫలితాలు రాబట్టడం, వారిని సౌకర్యంగా మెదిలేలా చేయడంలో ధోనీ దిట్ట. కాబట్టి హంగర్కర్ను చహర్ ప్లేస్లో జట్టులోకి తీసుకుంటే బాగుంటుంది'అని అభిప్రాయం వ్యక్తం చేశాడు.
ఊతప్పను తీసుకుంటే.
ఇక ఫాఫ్ స్థానం విషయంలో సీఎస్కేకు రెండు ఆప్షన్లు ఉన్నాయి. న్యూజిలాండ్ ఓపెనర్ డెవాన్ కాన్వే. మరొకరు రాబిన్ ఊతప్ప. ఊతప్ప సైతం ఓపెనర్గా రాణించగలడనే నమ్మకం ఉంది. అయితే, సీఎస్కే వ్యూహం ప్రకారం ఓపెనింగ్ జోడీలో కచ్చితంగా ఒక విదేశీ ఓపెనర్ ఉండాలనుకుంటే... కాన్వే మంచి ఆప్షన్. అయితే కాన్వేకు బదులు రాబిన్ ఊతప్పకు అవకాశం ఇస్తే శ్రీలంక మిస్టరీ స్పిన్నర్ మహేశ్ తీక్షణను జట్టులోకి తీసుకొవచ్చు.' అని ఇర్ఫాన్ పఠాన్ చెప్పుకొచ్చాడు.
Continue with Google