IPL 2022: పాపం డానియల్ సామ్స్.. కమిన్స్ దెబ్బకు చెత్త రికార్డు! కాపాడిన సూర్య.. లేకుంటే..?

37 పరుగులతో..

ఈ చెత్త రికార్డు జాబితాలో 37 పరుగులతో భారత బౌలర్లు పీ పరమేశ్వరన్, హర్షల్ పటేల్ టాప్-2లో కొనసాగుతుండగా.. తాజా చెత్త ప్రదర్శనతో డానియల్ సామ్స్ మూడో స్థానంలో నిలిచాడు. 2011లో ఆర్‌సీబీతో జరిగిన మ్యాచ్‌లో క్రిస్ గేల్ విధ్వంసంతో పరమేశ్వరన్ ఒకే ఓవర్‌లో 37 పరుగులు ఇచ్చుకోగా.. గతేడాది చెన్నై సూపర్ కింగ్స్‌తో జడేజా విధ్వంసానికి హర్షల్ పటేల్ బలయ్యాడు. ఇక డానియల్ సామ్స్ తర్వాత విండీస్ బౌలర్ రవి బొపరా, పర్వీందర్ అవానా 35 పరుగులతో టాప్-5లో కొనసాగుతున్నారు.

కాపాడిన సూర్య..

కోల్‌కతా విజయానికి చివరి అయిదు ఓవర్లలో 35 పరుగులు కావాలి.. మ్యాచ్‌ మరో మూడు ఓవర్లయినా సాగుతుందని అందరూ అనుకున్నారు. కానీ కమిన్స్‌ ఆ అవకాశమే ఇవ్వలేదు. ఒక్క ఓవర్లోనే కథ ముగించాడు. సామ్స్‌ (1/50) బౌలింగ్‌లో వరుసగా 6, 4, 6, 6 కొట్టిన అతను.. ఆ తర్వాత చివరి రెండు బంతులను 4, 6గా మలచి 16వ ఓవర్లోనే జట్టుకు విజయాన్ని అందించాడు. బంతి ఎలా, ఎక్కడ పడ్డా దానికి బౌండరీ దారే చూపించాడు. మధ్యలో ఓ బంతిని బౌండరీ దగ్గర సిక్సర్‌ వెళ్లకుండా సూర్య అద్భుతంగా అందుకున్నప్పటికీ అది నోబాల్‌గా తేలింది. అయితే సూర్య సూపర్ ఫీల్డింగ్‌తో 4 పరుగులు సేవ్ అయ్యాయి. అది గనుక సిక్స్ వెళ్లి ఉంటే.. ఐపీఎల్ చరిత్రలోనే ఒకే ఓవర్‌లో 39 పరుగులు ఇచ్చిన చెత్త బౌలర్‌గా సామ్స్ అప్రతిష్టను మూటగట్టుకునేవాడు.

IPL 2022 : Pat Cummins ఊచకోత.. ఐపీఎల్ చరిత్రలో బిగ్గెస్ట్ రికార్డ్ | KKR vs MI | Oneindia Telugu

14 బంతుల్లో హాఫ్ సెంచరీ..

ఈ మ్యాచ్‌లో ముందుగా బ్యాటింగ్ చేసిన ముంబై నిర్ణీత 20 ఓవర్లలో 4 వికెట్లకు 161 పరుగులు చేసింది. సూర్యకుమార్‌ ( 36 బంతుల్లో 5 ఫోర్లు, 2 సిక్స్‌లతో 52) అర్ధశతకంతో సత్తాచాటాడు. తిలక్‌ వర్మ ( 27 బంతుల్లో 3 ఫోర్లు, 2 సిక్స్‌లతో 38 నాటౌట్), పొలార్డ్‌ ( 5 బంతుల్లో 3 సిక్స్‌లతో 22 నాటౌట్) రాణించారు. కమిన్స్‌ (2/49) రెండు వికెట్లు పడగొట్టాడు. ఛేదనలో కోల్‌కతా 5 వికెట్లు కోల్పోయి 16 ఓవర్లలో లక్ష్యాన్ని అందుకుంది. కమిన్స్‌ ( 15 బంతుల్లో 4 ఫోర్లు, 6 సిక్స్‌లతో 56 నాటౌట్‌) వీరవిహారం చేశాడు. వెంకటేశ్‌ అయ్యర్‌ ( 41 బంతుల్లో 6 ఫోర్లు, సిక్స్‌తో 50 నాటౌట్‌) కీలక ఇన్నింగ్స్‌ ఆడాడు. మురుగన్‌ అశ్విన్‌ (2/25), మిల్స్‌ (2/38) ఆకట్టుకున్నారు.