Click it and Unblock the Notifications
చాంపియన్ టీమ్లో ముగ్గురే మిస్..
ఈసారి ధోనీ, రవీంద్ర జడేజా, రుతురాజ్ గైక్వాడ్, మొయిన్ అలీలాంటి ప్రధాన ప్లేయర్లను రిటైన్ చేసుకున్న ఈ జట్టు.. వేలంలో దీపక్ చహర్, అంబటి రాయుడు, రాబిన్ ఊతప్ప, డ్వేన్ బ్రావోలను మళ్లీ తీసుకుంది. దాంతో గతేడాది ఫైనల్ ఆడిన జట్టులో ముగ్గురు(ఫాఫ్ డుప్లెసిస్, శార్దూల్ ఠాకూర్, జోష్ హజెల్ వుడ్) మాత్రమే మిస్సయ్యారు. దాదాపు అదే కోర్ టీమ్ తో బరిలో దిగబోతుండటం సీఎస్కేకు కలిసొచ్చే అంశం. అలాగే 40 ఏళ్ల ధోనీకి ఇదే చివరి సీజన్ అయ్యే అవకాశం కానుంది. దీంతో ట్రోఫీ నెగ్గి మహీకి సెండాఫ్ ఇవ్వాలని మేనేజ్ మెంట్ భావిస్తోంది. గాయంతో దీపక్ చహర్ దాదాపు సగం సీజన్ కు దూరం కావడం, వీసా దొరకని కారణంగా మొదటి మ్యాచ్ కు మొయిన్ అలీ అందుబాటులో లేకుండానే శనివారం కోల్ కతా నైట్ రైడర్స్ తో చెన్నై పోటీ పడనుంది.
సీఎస్కే బలాలు
ధోనీ కెప్టెన్సీ బాధ్యతల నుంచి తప్పుకున్నా ఆటగాడిగా జట్టులో కొనసాగుతాడని సీఎస్కే స్పష్టం చేసింది. కాబట్టి పేరుకు జడేజానే కెప్టెన్ అయినా.. కీలక నిర్ణయాలన్నీ ధోనీ తీసుకుంటాడు. జడేజా సైతం ధోనీ సలహాలతోనే ముందుకు వెళ్తానని చెప్పాడు. చెన్నైకి కూడా ప్రధాన బలం ధోనీనే.
అతడు ఉన్నంత కాలం టీమ్కు తిరుగుండదు. వికెట్ల వెనుక ఉండి అతను తీసుకునే కీలక నిర్ణయాలు మ్యాచ్ స్వరూపాన్నే మారుస్తాయి. ముంబై, పుణె పిచ్లను పోలీ ఉండే సూరత్లో ప్రాక్టీస్ క్యాంప్ ఏర్పాటు చేయడం ధోనీ మాస్టర్ మైండ్కు చిన్న ఉదాహరణ. గతేడాది బ్యాటింగ్లో దుమ్మురేపిన రుతురాజ్ గైక్వాడ్ ఈ సారి కూడా కీలకం కానున్నాడు.
టాపార్డర్ లో డుప్లెసిస్ లేకపోవడం లోటే అయినా అతని స్థానంలో తీసుకున్న కివీస్ ప్లేయర్ డెవాన్ కాన్వే ఫామ్ కలిసొచ్చే అంశం. పెర్ఫామెన్స్ ఎలా ఉన్న మిడిలార్డర్లో అలీ, ఊతప్ప, జడేజా, రాయుడు, ధోనీ, బ్రావోల అనుభవం టీమ్కు కలిసి వస్తుంది. జడేజా, అలీ, బ్రావో, దూబే, శాంట్నర్ లతో ఆల్ రౌండర్ ఆప్షన్ కూడా బాగానే ఉంది.
సీఎస్కే బలహీనతలు..
కెప్టెన్గా అనుభవం లేని జడేజా ఈ సవాల్ను ఎలా స్వీకరిస్తాడనేది చూడాలి. కెప్టెన్సీ ఒత్తిడికి గురై అతని వ్యక్తిగత ప్రదర్శనపై ప్రభావం చూపితే జట్టుకు తీవ్ర నష్టం జరుగుతుంది. ఇక రూ.14 కోట్ల భారీ ధరతో కొనుగోలు చేసిన దీపక్ చాహర్ గాయం కారణంగా సగం లీగ్కు దూరమవ్వడం చెన్నైకి పెద్ద దెబ్బ.
పవర్ ప్లేలో కీలక వికెట్లతో ప్రత్యర్థిని ఒత్తిడిలోకి నెట్టే చహర్ స్థాయిలో పెర్ఫామెన్స్ ఇచ్చే మరో బౌలర్ కనిపించడం లేదు. కేఎం ఆసిఫ్, తుషార్ దేశ్ పాండే ఉన్నా వాళ్ల నుంచి ఎక్కువ ఆశించలేం. దీంతో బ్రావోతో పాటు ఆడమ్ మిల్నేకు పేస్ బాధ్యతలు అప్పగించే అవకాశం ఉంది. పేస్ ఆల్ రౌండర్ దూబే, అండర్-19 టీమ్ పేసర్ రాజ్ వర్ధన్ ల బౌలింగ్పై పెద్దగా నమ్మకముంచలేం. ఇక ధోనీ ఫామ్ టీమ్ ను కొంతకాలంగా ఇబ్బంది పెడుతోంది. మిడిలార్డర్లోనూ టీమ్ కొంచెం బలహీనంగా కనిపిస్తోంది.
ప్లే ఆఫ్స్ అంచనా..
గ్రూప్ బి టాప్ టీమ్గా ఉన్న చెన్నై.. ముంబై ఇండియన్స్తో పాటు సన్రైజర్స్, ఆర్సీబీ, పంజాబ్ కింగ్స్, గుజరాత్ టైటాన్స్తో రెండేసి మ్యాచ్లు ఆడుతుంది. కేకేఆర్, రాజస్థాన్ రాయల్స్, ఢిల్లీ క్యాపిటల్స్, లక్నో సూపర్ జెయింట్స్తో ఒక్కో మ్యాచ్ ఆడనుంది. నయా కెప్టెన్ జడేజా తడబడకుండా.. దీపక్ చహర్ లోటును భర్తీ చేసే బౌలర్ దొరికి.. కీలక సమయాల్లో మిడిల్ బ్యాటర్లు రాణిస్తే చెన్నై మరోసారి ప్లేఆఫ్స్ చేరడం దాదాపు ఖాయం.
చెన్నై సూపర్ కింగ్స్ టీమ్
భారత ఆటగాళ్లు : ధోనీ (కెప్టెన్), రాయుడు, జడేజా, శివం దూబే, దీపక్ చహర్, ఊతప్ప, రుతురాజ్, హరి నిశాంత్, శుభ్రాన్షు సేనాపతి, నారాయణ్ జగదీశన్, భగత్ వర్మ, రాజ్ వర్ధన్, కేఎం ఆసిఫ్, ముఖేశ్ చౌదరి, ప్రశాంత్ సోలంకి, సిమర్జీత్ సింగ్, తుశార్ దేశ్ పాండే.
ఫారిన్ ప్లేయర్లు: మహీశ్ తీక్షణ, ఆడం మిల్నే, మొయిన్ అలీ, శాంట్నర్, డ్వేవ్ బ్రావో, డ్వేన్ ప్రిటోరియస్, క్రిస్ జోర్డాన్, డెవాన్ కాన్వే.
తుది జట్టు (అంచనా)
డేవాన్ కాన్వే, రుతురాజ్ గైక్వాడ్, మోయిన్ అలీ, శివమ్ ధూబే/ఊతప్ప, అంబటి రాయుడు, రవీంద్ర జడేజా, మహేంద్ర సింగ్ ధోనీ, డ్వేన్ బ్రావో/క్రిస్ జోర్డాన్, రాజవర్థన్ హంగార్గేకర్, ఆడమ్ మిల్నే, తుషార్ దేశ్పాండే/సోలంకి
Continue with Google