Click it and Unblock the Notifications
8 మ్యాచ్‌లకే ఒత్తిడా?
తాజాగా ఈ విషయంపై ఓ బీసీసీఐ అధికారి మాట్లాడుతూ కీలక వ్యాఖ్యలు చేశాడు. 'విరాట్ కోహ్లీ నుంచి వచ్చిన ప్రకటన ఎలాంటిదో అర్థం కావడం లేదు. ఈ నిర్ణయం వల్ల పనిభారం తగ్గిందని అనుకుంటున్నాడా? కరోనా కారణంగా డిసెంబర్ 2020 నుంచి ఇప్పటివరకు టీమింయా 8 టీ20లు మాత్రమే ఆడింది. వీటికంటే ఐపీఎల్ మ్యాచ్‌లే ఎక్కువగా జరిగి ఉండొచ్చు.
ఐపీఎల్ కెప్టెన్సీ కూడా చిన్న విషయమేమీ కాదు. టోర్నీని క్షుణ్ణంగా గమనిస్తే అది మీకే అర్థమవుతుంది. మ్యాచ్లు, టైటిల్ గెలవాలన్న ఫ్రాంచైజీల ఒత్తిడి కూడా విపరీతంగా ఉంటుంది. మరి ఆర్‌సీబీ కెప్టెన్సీని కూడా కోహ్లీ వదిలేస్తాడా? మూడు ఫార్మాట్ల (వన్డే, టెస్టు, ఐపీఎల్)కూ ఇంకా అతను సారథ్యం వహిస్తున్నందున ఇప్పటికీ పని భారం తగ్గలేదనే భావిస్తున్నా.'అని సదరు అధికారి ఏఎన్‌ఐతో అన్నాడు.
ఆర్‌సీబీ కెప్టెన్గా..
ఆర్‌సీబీ కెప్టెన్గా.. విరాట్ కోహ్లీకి చెత్త రికార్డే ఉంది. 2013లో ఈ ఫ్రాంచైజీ కెప్టెన్సీ బాధ్యతలు తీసుకున్న విరాట్.. ఇప్పటివరకు జట్టుకు ఒక్క టైటిల్ కూడా అందించలేకపోయాడు. 2016 సీజన్లో అద్వితీయమైన ఆటతో జట్టును ఒక్కసారి మాత్రమే ఫైనల్కు చేర్చగలిగాడు. ఆ తర్వాత మళ్లీ గత సీజన్లో ప్లే ఆఫ్స్ వరకూ చేరుకోగలిగినా..టైటిల్ ఫైట్‌కు మాత్రం తీసుకోలేకపోయాడు. 2017, 2019లో అయితే ఆర్‌సీబీ పాయింట్ల పట్టికలో అట్టడుగు స్థానంలో నిలిచింది. 2018లో మాత్రం ఆరో స్థానంతో సరిపెట్టుకుంది.
టైటిల్ గెలవకుంటే..
ఐపీఎల్ 2021 సీజన్ ఫస్టాప్‌లో దుమ్మురేపిన ఆర్‌సీబీ.. టైటిల్ ఆశలు రేకెత్తిస్తుంది. ఫస్టాఫ్‌లో 7 మ్యాచ్‌ల్లో 5 విజయాలందుకున్న ఆజట్టు పాయింట్ల పట్టికలో మూడో స్థానంలో ఉంది. సెప్టెంబర్ 19 నుంచి ప్రారంభమయ్యే సెకండాఫ్‌లో ఏడు మ్యాచ్‌ల్లో మూడింటిలో నెగ్గినా ప్లేఆఫ్‌ చేరొచ్చు. దీంతో ఈసారైనా ఫ్రాంచైజీ టైటిల్ గెలుస్తుందని అభిమానులు ఆశిస్తున్నారు. ఒకేవేళ ఈ సీజన్లోనూ ఆర్‌సీబీ ఫైనల్కు చేరడంలో విఫలమైతే.. ఐపీఎల్ కెప్టెన్సీకి కూడా కోహ్లీ గుడ్బై చెప్పే అవకాశాలు ఎక్కువగా ఉన్నాయని విశ్లేషకులు అంటున్నారు. ఒకవేళ టైటిల్ సాధిస్తే మాత్రం మెగాటోర్నీ ముందు అతని ఆత్మవిశ్వాసం అమాంతం పెరుగుతుందంటున్నారు.
తప్పించారా? తప్పుకున్నాడా?
టీ20 ప్రపంచకప్ ఫలితంపై కోహ్లీ కెప్టెన్సీ భవితవ్యం ఆధారపడి ఉందనే విషయం స్పష్టంగా అర్థమవుతోంది. టోర్నీలో విజయం సాధిస్తే అతని కెప్టెన్సీ హోదాకు ఎలాంటి డోకా ఉండదు. కానీ విఫలమైతే మాత్రం అన్ని ఫార్మాట్ల నుంచి తప్పుకోవాల్సిన పరిస్థితి ఏర్పడుతుంది. బీసీసీఐ కూడా కోహ్లీపై ఒత్తిడి తీసుకొచ్చినట్లు తెలుస్తోంది. ఈ క్రమంలోనే అతను కెప్టెన్సీ నుంచి వైదొలుగుతున్నానని ముందుగానే చెప్పి గౌరవం కాపాడుకున్నాడని విశ్లేషకులు అభిప్రాయపడుతున్నారు. ఇటీవల భారత క్రికెట్‌లో నెలకొన్న పరిణామాలు ఈ అనుమానాలకు తావిస్తున్నాయి.
