Click it and Unblock the Notifications
అంచనాలే..
ఈ నేపథ్యంలో స్టార్ స్పోర్ట్స్ షోలో శుభ్‌మన్ గిల్ గురించి మాట్లాడిన గవాస్కర్ అతని వైఫల్యానికి గల కారణాలను విశ్లేషించాడు.'శుభ్‌మన్ గిల్ ఇలా ఉన్నపళంగా విఫలమవ్వడానికి కారణం నాకు తెలిసి అంచనాల పెరిగి ఒత్తిడికి గురవ్వడమే. ఐపీఎల్‌ కన్నా ముందు పరిస్థితులు వేరు. అతడో నమ్మకమైన యువ బ్యాట్స్‌మన్‌గా ఉన్నాడు. అయితే, ఆస్ట్రేలియా పర్యటనలో అతడి ఆట చూశాక బాగా ఆడతాడనే అంచనాలు పెరిగాయి. ఆ ఒత్తిడి కారణంగానే ఇలా విఫలమవుతున్నాడని అనిపిస్తోంది.
స్వేచ్చగా ఆడుతూ..
అతనిప్పుడు ప్రశాంతంగా ఉండాలి. ఇంకా 21 ఏళ్ల కుర్రాడే. ఎవరికైనా వైఫల్యాలు ఉంటాయి. వాటి నుంచి నేర్చుకోవాలి. అతను ఓపెనింగ్‌ చేస్తూ దేని గురించి ఆలోచించకుండా స్వేచ్ఛగా ఆడాలి. బయటి అంచనాలను పట్టించుకోకుండా సహజసిద్ధమైన ఆట ఆడితే పరుగులవే వస్తాయి. భారీ అంచనాల కారణంగా ప్రతీ బంతికి పరుగులు చేయాలనే ఒత్తిడి ఉంటుంది. వీలైనం త్వరగా ఆ ఒత్తిడి నుంచి శుభ్‌మన్ బయటపడాలి' అని గవాస్కర్ వివరించాడు.
జోరు కొనసాగించలేక..
ఆస్ట్రేలియా పర్యటనలో 91, 50 కీలక ఇన్నింగ్స్‌లతో పాటు ఓపెనర్‌గా మంచి శుభారంభాలు అందించి టీమ్ విజయంలో కీలక పాత్ర పోషించాడు. అయితే ఆ జోరును ఇంగ్లండ్‌తో సిరీస్‌లో కొనసాగించలేకపోయాడు. 6 ఇన్నింగ్స్‌ల్లో కేవలం ఒకే ఒక హాఫ్ సెంచరీ చేశాడు. అనంతరం ఐపీఎల్‌లోనూ దారుణంగా విఫలయ్యాడు. కనీసం ఒక్క హాఫ్ సెంచరీ కూడా చేయలేకపోయాడు. కేకేఆర్ తరఫున 7 మ్యాచ్‌ల్లో వరుసగా 0, 15, 33, 21, 0, 11, 9, 43 విఫలమయ్యాడు.
