Click it and Unblock the Notifications
డేవిడ్ వార్నర్పై వేటు..
భారత్ వేదికగా జరిగిన ఐపీఎల్ 2021 సీజన్ ఫస్టాఫ్ మ్యాచ్ల్లో వార్నర్ దారుణంగా విఫలమయ్యాడు. 6 మ్యాచ్ల్లో కేవలం 191 రన్సే చేశాడు. స్ట్రైక్రేట్ కూడా గొప్పగా లేదు. ఇది టీమ్ పర్ఫెమెన్స్పై ప్రభావం చూపించింది. దాంతో వార్నర్ పట్ల సన్రైజర్స్ హైదరాబాద్ టీమ్ చాలా కఠినంగా వ్యవహరించింది. ఈ సీజన్ ఫస్టాఫ్లో జట్టు వైఫల్యానికి బాధ్యుణ్ని చేస్తూ కెప్టెన్సీపై వేటు వేయడమే కాకుండా జట్టు నుంచి తప్పించింది.
కేన్ విలియమ్సన్కు సారథ్య బాధ్యతలు అప్పగించింది. ఆ తర్వాత ఏకైక మ్యాచ్ జరగ్గా.. ఆ మ్యాచ్లో వార్నర్ 12వ ఆటగాడిగా డ్రింక్స్ అందించాడు. దీన్ని సన్రైజర్స్ అభిమానులు జీర్ణించుకోలేకపోయారు. ఈ నేపథ్యంలోనే వార్నర్ ఎస్ఆర్హెచ్కు ఆడడం అదే చివరిసారని ప్రచారం జరిగింది.
సెకండాఫ్కు వార్నర్..
కరోనాతో వైరస్ మహమ్మారి కారణంగా వాయిదా పడిన ఐపీఎల్ 2021 సెకండాఫ్ మ్యాచ్లకు డేవిడ్ వార్నర్ దూరంగా ఉంటాడని అంతా భావించారు. కానీ అందరి అంచనాలను తలకిందులు చేస్తూ వార్నర్ తాను ఐపీఎల్ 14వ సీజన్ మిగతా మ్యాచులు కూడా ఆడతానని క్లారిటీ ఇచ్చేశాడు.
వార్నర్ ఐపీఎల్ ఆడడంపై క్లారిటీ ఇవ్వడంతో అభిమానుల్లో జోష్ పెరిగింది. కరోనాతో వాయిదా పడిన మిగతా లీగ్ మ్యాచ్లు సెప్టెంబర్ 19 నుంచి ఆరంభం కానున్నాయి. అక్టోబర్ 15న ఐపీఎల్ 14వ సీజన్ ఫైనల్ మ్యాచ్ జరగనుంది. ఇప్పటివరకు జరిగిన మ్యాచుల్లో ఢిల్లీ టేబుల్ టాపర్గా కొనసాగుతుండగా.. సన్రైజర్స్ చివరిస్థానంలో నిలిచింది.
వార్నర్ కెప్టెన్సీలోనే టైటిల్..
2012లో డెక్కన్ చార్జర్స్ నుంచి సన్రైజర్స్ హైదరాబాద్గా పేరు మార్చుకొని బరిలోకి దిగిన ఆ జట్టుకు డారెన్ సామి, శిఖర్ ధావన్, కామెరున్ వైట్ లాంటి ఎంతో మంది ఆటగాళ్లు కెప్టెన్లుగా పనిచేశారు. అయితే 2015లో డేవిడ్ వార్నర్ ఆ జట్టుకు కెప్టెన్గా ఎంపిక చేసిన తర్వాత సన్రైజర్స్ తలరాత మారిపోయింది. 2016లో వార్నర్ కెప్టెన్సీలోనే ఐపీఎల్ టైటిల్ను సన్రైజర్స్ అందుకుంది.
ఆ సీజన్లో వార్నర్ బ్యాటింగ్లో అసాధారణ ఆటతీరుతో అదరగొట్టి ఒంటిచేత్తో జట్టుకు టైటిల్ను అందించాడు. అప్పటినుంచి 2018 సీజన్ మినహా మిగతా అన్ని సీజన్లకు కెప్టెన్గా పనిచేసిన వార్నర్ ప్రతీసారి ఫ్లేఆఫ్కు తీసుకురావడం విశేషం.
ఇదే చివరి సీజనా?
ఇక సన్రైజర్స్ హైదరాబాద్ తరఫున డేవిడ్ వార్నర్ ఆడటం ఇదే చివరిసారా? అంటే అవుననే సమాధానం వినిపిస్తోంది. పేలవ బ్యాటింగ్తో అతను జట్టుకు భారంగా మారాడు. ఈ పరిస్థితుల్లో వచ్చే సీజన్ కోసం జరిగే మెగా వేలంలో అతన్ని సన్రైజర్స్ రిటైన్ చేసుకోకపోవచ్చు. పైగా మెగా ఆక్షన్ నిబంధనల నేపథ్యంలో డేవిడ్ వార్నర్, కెప్టెన్ కేన్ విలియమ్సన్, మిస్టరీ స్పిన్నర్ రషీద్ ఖాన్, స్టార్ పేసర్ భువనేశ్వర్ కుమార్, యంగ్ సెన్సేషన్ నటరాజన్లలో నలుగురిని తీసుకునే చాన్స్ ఉంది.
విదేశీ కోటాలో ఇద్దరు ప్లేయర్లు తీసుకున్నా.. అందులో రషీద్ ఖాన్ ఉండటం ఖాయం. ఈ మిస్టరీ స్పిన్నర్ను వదులుకునే సాహసం సన్రైజర్స్ చేయకపోవచ్చు. దాంతో మిగిలిన ఓ స్లాట్లో కెప్టెన్ కేన్ విలియమ్సన్, డేవిడ్ వార్నర్ మధ్య తీవ్ర పోటీ నెలకొంది. ప్రస్తుత పరిస్థితులను చూస్తే మాత్రం విలియమ్సన్కే మొగ్గు చూపే అవకాశం ఉంది. ఒకవేళ సెకండాఫ్లో వార్నర్ దుమ్మురేపితే మాత్రం.. ఫ్రాంచైజీ తమ ఆలోచనను మార్చుకోవచ్చు.
Continue with Google