Click it and Unblock the Notifications
బౌలింగ్ సెట్ అయితే..
టోర్నీని విజయంతో మొదలుపెట్టిన పంజాబ్ గత మూడు మ్యాచ్ల్లో ఓటమిపాలైంది. ఢిల్లీతో జరిగిన మ్యాచ్లో భారీ టార్గెట్ను కాపాడుకోలేకపోయిన పంజాబ్.. చెన్నై, సన్రైజర్స్తో జరిగిన పోటీల్లో బ్యాటింగ్ వైఫల్యంతో ఓడింది. ఓపెనర్లు కేఎల్ రాహుల్, మయాంక్ అగర్వాల్ మంచి ఆరంభాలు ఇస్తున్నా క్రిస్ గేల్, నికోలస్ పూరన్ వైఫల్యం పంజాబ్ను బాగా దెబ్బతీస్తోంది. దీపక్హుడా టచ్లో ఉండగా షారుఖ్ ఖాన్ బ్యాటింగ్లో ఫర్వాలేదనిపిస్తున్నాడు. పంజాబ్ బౌలింగ్ యూనిట్ చాలా వీక్గా ఉంది. మహ్మద్ షమీ నేతృత్వంలోని బౌలర్లు అస్సలు ప్రభావం చూపలేకపోతున్నారు. దీంతో ముంబైతో మ్యాచ్కు బౌలింగ్లో కొన్ని మార్పులు చేసే చాన్సుంది. క్రిస్ జోర్డాన్, రవి బిష్ణోయ్ తుది జట్టులోకి రావొచ్చు.
హిట్టర్లు మెరిస్తేనే..
ఈ మ్యాచ్లో సత్తా చాటాలంటే డిఫెండింగ్ చాంపియన్ ముంబై తమ బ్యాటింగ్ సమస్యను పరిష్కరించుకుని తీరాలి. కెప్టెన్ రోహిత్ శర్మ మినహా ఇతర బ్యాట్స్మెన్ నిలకడగా పెర్ఫామ్ చేయడం లేదు. అడపాదడపా మెరిపిస్తున్న సూర్యకుమార్ యాదవ్, ఇషాన్ కిషన్ మరింత బాధ్యతగా ఆడాల్సి ఉంది. పొలార్డ్, హార్దిక్ పాండ్యా, కృనాల్ పాండ్యా కూడా సత్తా చూపెట్టాల్సి ఉంది. లేదంటే ఢిల్లీ మ్యాచ్ ఫలితం రిపీట్ అయ్యే అవకాశం ఉంది. పంజాబ్తో జరిగే మ్యాచ్లో తమ బ్యాట్స్మెన్ నిలకడగా ఆడతారని ముంబై మేనేజ్మెంట్ భావిస్తోంది. బౌలింగ్లోనూ ముంబైకి కొన్ని సమస్యలున్నాయి. కోల్కతా, సన్రైజర్స్తో జరిగిన మ్యాచ్ల్లో సూపర్ హిట్ అయిన ముంబై బౌలర్లు ఢిల్లీతో పోరులో మాత్రం తేలిపోయారు. దీంతో బౌలర్లు కూడా పుంజుకుంటేనే ముంబైకి అవకాశాలున్నాయి.
ముంబైదే పైచేయి..
ఐపీఎల్లో ఈ ఇరు జల్లు ఇప్పటి వరకు 26 సార్లు తలపడగా.. 14 విజయాలతో ముంబైనే పై చేయిసాధించింది. పంజాబ్ 12 మ్యాచ్ల్లోనే గెలిచింది. గత రెండు సీజన్లలో మాత్రం ఇరు జట్లు చెరొక విజయాన్నందుకున్నాయి. యూఏఈ వేదికగా జరిగిన ఐపీఎల్ 2020 సీజన్లో తొలి మ్యాచ్ను ముంబై అలవోకగా గెలవగా.. సెకండ్ మ్యాచ్ డబల్ సూపర్ ఓవర్కు దారితీసింది. చివరకు పంజాబే విజయం సాధించింది. ఈ మ్యాచ్ ఐపీఎల్ చరిత్రలోనే నిలిచిపోయింది. పంజాబ్పై కీరన్ పోలార్డ్(498), రోహిత్ శర్మ(423), ముంబైపై రాహుల్(383), క్రిస్ గేల్కు మంచి రికార్డు ఉంది.
తుది జట్లు:(అంచనా)
పంజాబ్ కింగ్స్: కేఎల్ రాహుల్(కెప్టెన్/కీపర్), మయాంక్ అగర్వాల్, క్రిస్ గేల్, దీపక్ హుడా, నికోలస్ పూరన్, షారుఖ్ ఖాన్, మోయిసెస్ హెన్రీక్స్, రవిబిష్ణోయ్, మహ్మద్ షమీ, మురుగన్ అశ్విన్, అర్షదీప్
ముంబై ఇండియన్స్: క్వింటన్ డికాక్(కీపర్), రోహిత్ శర్మ(కెప్టెన్), సూర్యకుమార్ యాదవ్, ఇషాన్ కిషన్, కీరన్ పోలార్డ్, హార్దిక్ పాండ్యా, కృనాల్ పాండ్యా, జయంత్ యాదవ్, రాహుల్ చాహర్, ట్రెంట్ బౌల్ట్, జస్ప్రీత్ బుమ్రా
డ్రీమ్ 11 ప్రిడిక్షన్: క్వింటన్ డికాక్, కేఎల్ రాహుల్(కెప్టెన్), సూర్యకుమార్ యాదవ్, రోహిత్ శర్మ(వైస్ కెప్టెన్), మయాంక్ అగర్వాల్, కృనాల్ పాండ్యా, ఫాబియన్ అలెన్, ట్రెంట్ బౌల్ట్, మురుగన్ అశ్విన్, అర్షదీప్ సింగ్, రాహుల్ చాహర్
Continue with Google