ఐపీఎల్ 2018: నమోదు కాని ఆ రెండు రికార్డులివే

హైదరాబాద్: గత ఆదివారంతో ఐపీఎల్ 11వ సీజన్ ముగిసింది. రెండేళ్ల నిషేధం తర్వాత ఐపీఎల్‌లోకి పునరాగమనం చేసిన చెన్నై సూపర్ కింగ్స్ టైటిల్ విజేతగా నిలిచింది. ఈ సీజన్‌లో చెన్నై సూపర్ కింగ్స్ టైటిల్ విజేతగా నిలవడంతో మూడోసారి ఐపీఎల్ ట్రోఫీని ముద్దాడింది.

ఈ సీజన్‌లో ఎన్నో రికార్డులు బద్దలయ్యాయి. మరికొన్ని కొత్త రికార్డులు సైతం నమోదయ్యాయి. అయితే, ఈ సీజన్‌లో ఆ రెండు రికార్డుల్ని మాత్రం క్రికెట్ అభిమానులు వీక్షించలేకపోయారు. ఆ రెండు రికార్డులు ఏంటంటే సూపర్ ఓవర్, హ్యాట్రిక్ వికెట్లు. ఈ రెండు రికార్డులు ఈ సీజన్‌లో నమోదు కాలేదు.

ఐపీఎల్ 2018 స్పెషల్ వెబ్ సైట్ | ఐపీఎల్ 2018 పూర్తి షెడ్యూల్

దీంతో పాటు ఈ సీజన్‌లో నమోదైన అతిపెద్ద విజయాలివే. కోల్‌కతాపై ముంబై ఇండియన్స్‌ 102 పరుగులతో గెలిచి ఈ సీజన్‌లో అతిపెద్ద విజయాన్ని నమోదు చేసింది. ఈ మ్యాచ్‌లో ముంబై ఇండియన్స్ 210 పరుగులు చేయగా, కోల్‌కతా 108 పరుగులకే ఆలౌటైంది.

ఐపీఎల్ 11వ సీజన్‌లో నమోదైన పలు రికార్డులివే:

* టోర్నీలో జరిగిన మొత్తం మ్యాచ్‌లు: 60

* టోర్నీలో అందరు బ్యాట్స్‌మెన్ కలిసి చేసిన పరుగులు: 19,901, అందులో బౌండరీల ద్వారా వచ్చినవే 11,840.

* పవర్‌ప్లేలో బ్యాట్స్‌మెన్ చేసిన పరుగులు: 5,983

* బౌండరీల ద్వారా వచ్చిన పరుగులు: 11,840

* బ్యాట్స్‌మెన్‌ సాధించిన హాఫ్ సెంచరీలు 101, సెంచీలు 5

* డకౌట్ అయిన బ్యాట్స్‌మెన్: 67 మంది

* ఫీల్డర్లు అందుకున్న క్యాచ్‌లు: 488

* నమోదైన సెంచరీలు: ఐదు

* మొత్తం హాఫ్ సెంచరీలు: 91

* బౌలర్లు తీసిన వికెట్లు: 720

* ఫోర్ల సంఖ్య: 1,652

* సిక్సర్ల సంఖ్య: 872

* డాట్‌ బాల్స్‌ 4,754

* మొయిడిన్ ఓవర్లు: 14, ఫ్రీ హిట్స్: 37

* చివరి బంతికి ముగిసిన మ్యాచ్‌లు 2

* ఈ సీజన్‌లో వేగవంతమైన బంతిని గంటకు 152.30 కిమీ వేగంతో రాజస్థాన్‌ బౌలర్‌ జోఫ్రా ఆర్చర్‌ వేశాడు.

* ఈ ఐపీఎల్‌లో కోల్‌కతా ఆటగాడు సునీల్‌ నరైన్‌ 300 పరుగులు చేసి 15 వికెట్లు తీశాడు. ఈ రికార్డు అతొనక్కడి పేరిటే నమోదైంది.

* తొలి క్వాలిఫయర్‌, ఎలిమినేటర్‌ మ్యాచ్‌ రెండింట్లోనూ నలుగురు ఆటగాళ్లు బౌలర్‌కే క్యాచ్‌లు ఇచ్చారు.