విభేదాల మధ్య విండిస్ పర్యటన: ఫ్లోరిడాలో రోహిత్‌పై కోహ్లీ పైచేయి సాధించేనా?

రోహిత్‌ను ప్రతిసారీ మెచ్చుకున్నా

రోహిత్‌ను తాను ప్ర‌తిసారి మెచ్చుకున్నాన‌ని, అత‌నో గొప్ప ప్లేయ‌ర్ అని, మా ఇద్ద‌రి మ‌ధ్య ఎటువంటి స‌మ్య‌లు లేవ‌ని, ఎందుకు ఇలా జ‌రుగుతుందో అర్థంకావ‌డం లేద‌ని విరాట్ కోహ్లీ ఆవేదన వ్యక్తం చేశాడు. ఇలా మా ఇద్ద‌రి మ‌ధ్య గొడ‌వ సృష్టించ‌డం వ‌ల్ల ఎవ‌రు లాభ‌ప‌డుతారో తెలియ‌ద‌ని విరాట్ కోహ్లీ వివరించాడు.

అగ్రస్థానంలో రోహిత్ శర్మ

ఇక, టీ20ల్లో టీమిండియా ఓపెనర్ రోహిత్ శర్మ అగ్రస్థానంలో కొనసాగుతున్నాడు. ఇప్పటివరకు 94 మ్యాచ్‌లు ఆడిన రోహిత్ శర్మ 32.37 యావరేజితో 2331 పరుగులు చేశాడు. ఈ జాబితాలో రెండో స్థానంలో మార్టిన్ గుప్టిల్ ఉండగా... మూడో స్థానంలో విరాట్ కోహ్లీ ఉన్నాడు. కోహ్లీ 67 మ్యాచ్‌ల్లో 50.28 యావరేజితో 2263 పరుగులు చేశాడు.

ఏడో స్థానంలో ధోనీని పంపడంపై ఎట్టకేలకు నోరువిప్పిన సంజయ్ బంగర్

పనిభారం కారణంగా కోహ్లీకి విశ్రాంతి

గతేడాది వన్డే వరల్డ్‌కప్‌ను దృష్టిలో పెట్టుకుని పనిభారం కారణంగా సెలక్టర్లు అనేక టీ20 సిరిస్‌ల్లో విరాట్ కోహ్లీ విశ్రాంతినిచ్చారు. గతేడాది విరాట్ కోహ్లీ మొత్తం 9 టీ20లాడగా... అదే రోహిత్ శర్మ 19 టీ20లు ఆడాడు. ఇక, 2019లో ఇప్పటివరకు రోహిత్ శర్మ 4టీ20లు ఆడగా... విరాట్ కోహ్లీ కేవలం రెండింట మాత్రం కనిపించాడు.

68 పరుగుల దూరంలో కోహ్లీ

రోహిత్ శర్మ రికార్డుని అందుకునేందుకు విరాట్ కోహ్లీ కేవలం 68 పరుగుల దూరంలో ఉన్నాడు. ఇదిలా ఉంటే, వెస్టిండిస్ పర్యటనలో రోహిత్ శర్మ మరో రికార్డుకి చేరువయ్యాడు. రోహిత్ శర్మ మరో 5 సిక్సులు బాదితే టీ20ల్లో అత్యధిక సిక్సులు బాదిన ఆటగాళ్ల జాబితాలో క్రిస్ గేల్ రికార్డుని అధిగమిస్తాడు.

రోహిత్ ఖాతాలో సిక్సర్ల రికార్డు

ప్రస్తుతం ఈ జాబితాలో వెస్టిండిస్ విధ్వంసకర బ్యాట్స్‌మన్ క్రిస్ గేల్(105 సిక్సులు), మార్టిన్ గుప్టిల్(103) సిక్సులతో మొదటి రెండు స్థానాల్లో ఉండగా... రోహిత్ శర్మ 94 టీ20ల్లో 101 సిక్సులతో మూడో స్థానంలో కొనసాగుతున్నాడు. ఇదిలా ఉంటే కోహ్లీ-రోహిత్ మధ్య విభేదాల వార్తలు వచ్చిన నేపథ్యంలో టీమిండియా విండిస్ పర్యటనకు బయల్దేరింది. దీంతో ఈ సిరిస్ మరింత ఆసక్తికరంగా మారింది.

అత్యధిక పరుగులు చేసేది అతడే: యాషెస్ విజేత ఎవరో చెప్పేసిన లారా!