అనుమానాలన్నింటినీ ఎగరగొట్టిన అంబటి రాయుడు

రాయుడు బ్యాటింగ్‌‌ను ప్రశంసించిన రోహిత్

మ్యాచ్ విజయంలో వీరి భాగస్వామ్యం కీలక పాత్ర పోషించింది. కొంతకాలంగా విపరీతంగా చర్చకు కారణమైన నాలుగో స్థానంలో వచ్చిన అంబటి రాయుడు.. రోహిత్ శర్మకు మంచి సహకారం అందించాడు. మొదట క్రీజులో నిలదొక్కుకోవడానికి ప్రయత్నించిన రాయుడు.. హాఫ్ సెంచరీ తరవాత చెలరేగిపోయాడు. రాయుడు బ్యాటింగ్‌‌ను వైస్ కెప్టెన్ రోహిత్ శర్మ ప్రశంసించాడు. రాయుడికి అండగా నిలిచాడు.

కోహ్లీ.. బ్యాటింగ్‌లోనే కాదు.. ఫీల్డింగ్‌లోనూ సూపరే!!

నం.4పై ఉన్న అనుమానాలన్నింటినీ:

ప్రపంచ కప్ వరకు ఇక ఎవరూ నాలుగో స్థానం గురించి మాట్లాడరని అనుకుంటున్నా. నం.4పై ఉన్న అనుమానాలన్నింటినీ రాయుడు తొలగించాడు. ఒత్తిడిలో అతను ఆడిన తీరు అద్భుతం. అతను మొదట నాతో భాగస్వామ్యాన్ని ఏర్పరిచాడు. 50 పరుగులు పూర్తిచేసిన తరవాత షాట్స్ ఆడటం మొదలుపెట్టాడు. రాయుడు సామర్థ్యం గురించి మనకు ఎప్పటి నుంచో తెలుసు. సోమవారం ఆడిన ఇన్నింగ్స్ లాంటివి రాయుడు ఎన్నో ఆడగలడని మనందరికీ తెలుసు.

యో-యోలో ఫెయిలవడంతో పర్యటనకు వెళ్లలేక

ఇంగ్లండ్ పర్యటనకు మొదట ఎంపికైన రాయుడు.. ఆ తరవాత యో-యో టెస్టులో ఫెయిలవడం కారణంగా పర్యటనకు వెళ్లలేకపోయాడు. దీనిపై రోహిత్ మాట్లాడుతూ.. ‘దీనిలో చెప్పుకోవడానికి ఏమీ లేదు. నువ్వు టెస్టులో పాస్ అయితే ఆడొచ్చు. కానీ అతను ఆ టెస్టులో విఫలమయ్యాడు. అందుకే ఇంగ్లండ్ టూర్‌కు వెళ్లలేకపోయాడు' అని చెప్పుకొచ్చాడు.

సత్తా నిరూపించుకున్న రాజస్థాన్ పేసర్

అలాగే ఎడమచేతి వాటం సీమర్ ఖలీల్ అహ్మద్‌పై కూడా రోహిత్ ప్రశంసలు కురిపించాడు. యూఏఈలో జరిగిన ఆసియా కప్‌లో ఈ రాజస్థాన్ పేసర్ తన సత్తా ఏంటో నిరూపించుకున్నాడని, అందుకే ఈ సిరీస్‌కు ఎంపికయ్యాడని చెప్పాడు.