Click it and Unblock the Notifications
వర్ష గండం ఉందా?
అయితే వెస్టిండీస్ వాతావరణం ఎప్పుడూ వేడిగా ఉంటోంది. అక్కడ వర్షాలు వచ్చే అవకాశం తక్కువే. కానీ భారత జట్టు వెస్టిండీస్ గడ్డపై అడుగుపెట్టినప్పటి నుంచి అక్కడి వాతావరణం చల్లగా మారింది. మేఘాలు కమ్ముకోవడంతో పాటు చిరు జల్లులు పడ్డాయి. రెండో వన్డే జరిగే పోర్ట్ ఆఫ్ స్పెయిన్లో వర్షాలు పడుతున్నాయి. అయితే ఇక్కడే జరిగిన తొలి వన్డేకు ఎలాంటి అంతరాయం కలగలేదు. పోర్ట్ ఆఫ్ స్పెయిన్ వాతావరణ శాఖ కూడా ఈ రోజు కూడా వర్షం వచ్చే అవకాశం లేదని చెబుతోంది. ఉష్ణోగ్రతలు 25 డిగ్రీల నుంచి 32 డిగ్రీల నమోదు కానున్నాయని, గంటకు 11 కిలోమీటర్ల వేగంతో గాలులు వీచనున్నాయని తెలిపింది.
పిచ్ రిపోర్ట్..
తొలి వన్డేలో పిచ్ మొదట బ్యాటింగ్కు చక్కగా సహకరించింది. కానీ బంతి కాస్త పాతబడ్డాక పరుగులు కష్టంగా వచ్చాయి. ఛేదనలోనూ బ్యాటర్లు పరుగులు రాబట్టారు. ఈ మ్యాచ్లోనూ పిచ్ స్వభావంలో పెద్దగా మార్పులేమీ ఉండకపోవచ్చు. పిచ్ కాస్త నెమ్మదిస్తే బౌలర్లు ఎక్కువగా ప్రభావం చూపే ఆస్కారముంది. ఈ మైదానంలో టీమిండియా ఆడిన చివరి 10 మ్యాచ్ల్లో 9 గెలిచింది. మరో మ్యాచ్ వర్షం కారణంగా రద్దయింది.
మిడిలార్డర్ చెలరేగితే..
కెప్టెన్ ధావన్, శుభ్మన్ గిల్, శ్రేయస్.. ఈ టాప్ఆర్డర్ తొలి వన్డేలో భారత్ భారీస్కోరుకు బాటలు వేసింది. కొంతకాలంగా ఫామ్ లేమితో సతమతమవుతున్న ధావన్, శ్రేయస్ తిరిగి పరుగులు చేయడం ఊరట కలిగించే విషయం. రుతురాజ్, ఇషాన్ను దాటి ఓపెనర్గా వచ్చిన గిల్ రాణించడం శుభ పరిణామం.
రెండో వన్డేలోనూ ఈ త్రయం ఇదే జోరు కొనసాగించాలని జట్టు ఆశిస్తోంది. ఇక గత మ్యాచ్లో విఫలమైన మిడిలార్డర్ సత్తాచాటాల్సిన అవసరం ఉంది. ఆ మ్యాచ్లో 350కి పైగా పరుగులు చేసేలా కనిపించిన జట్టు మిడిలార్డర్ వైఫల్యంతో తక్కువ స్కోరుకే సరిపెట్టుకుంది. దీపక్ హుడా, సూర్య కుమార్ కాస్త సమయం క్రీజులో గడిపితే సరిపోతుంది. ఈ అవకాశాన్ని సద్వినియోగం చేసుకోవడం శాంసన్కు అత్యావశ్యకం. బౌలింగ్లో సిరాజ్, శార్దూల్, చాహల్తో పాటు మిగతా బౌలర్లూ వికెట్లు తీయాలి. ప్రమాదకర బ్యాటింగ్ లైనప్తో కూడిన విండీస్ను ఎంత త్వరగా కట్టడి చేస్తే అంత మంచింది.
తుది జట్లు (అంచనా):
భారత్: శిఖర్ ధావన్ (కెప్టెన్), శుభ్మన్ గిల్, శ్రేయస్ అయ్యర్, దీపక్ హుడా, సంజూ శాంసన్, సూర్యకుమార్ యాదవ్, రవీంద్ర జడేజా, శార్దూల్ ఠాకూర్, ప్రసిద్ధ్ కృష్ణ, చాహల్, సిరాజ్
వెస్టిండీస్: షై హోప్, కింగ్, బ్రూక్స్, మేయర్స్, పూరన్ (కెప్టెన్), పావెల్, హోల్డర్, అకీల్, అల్జారి జోసెఫ్, మోటీ, సీల్స్
Continue with Google