India vs South Africa మూడో టీ20 సజావుగా సాగేనా? వాతావరణం ఎలా ఉందంటే..?

కోహ్లీ, రాహుల్‌కు రెస్ట్..

సిరీస్‌ ఫలితం తేలడంతో.. పెద్దగా ప్రాధాన్యం లేని మ్యాచ్‌లో కోహ్లీ, రాహుల్‌కు విశ్రాంతినిచ్చారు. దీంతో కోహ్లీ స్థానంలో శ్రేయాస్‌ అయ్యర్‌ తుది జట్టులో ఆడే అవకాశం ఉండగా.. సూర్యకుమార్‌, పంత్‌లలో ఒకరు రోహిత్‌తో కలసి ఓపెనింగ్‌ చేయొచ్చు. షాబాజ్‌ అహ్మద్‌, సిరాజ్‌ లేదా ఉమేశ్‌కు చాన్స్‌ దక్కొచ్చు. చివరి మ్యాచ్‌ ముగిసిన తర్వాత.. ఈనెల 6న ప్రపంచకప్‌ కోసం బయల్దేరే భారత జట్టులో కోహ్లీ, రాహుల్‌ చేరతారని బీసీసీఐ అధికారి ఒకరు చెప్పారు. ఇక, మెగా ఈవెంట్‌ ముందు భారత బ్యాటింగ్‌ గాడిలో పడినట్టుగానే కనిపిస్తోంది. రాహుల్‌ మంచి స్ట్రయిక్‌ రేట్‌తో బ్యాటింగ్‌ చేస్తుండగా.. కోహ్లీ నిలకడగా ఆడుతున్నాడు. రోహిత్‌ తనదైన రోజు రెచ్చిపోతుండగా.. సూర్య దూకుడైన బ్యాటింగ్‌తో అదరగొడుతున్నాడు. కాగా, పంత్‌, దినేష్‌ కార్తీక్‌కు తగిన మ్యాచ్‌ ప్రాక్టీస్‌ కావాలి.

వాతావరణం..

ఈ మ్యాచ్‌కు వర్ష సూచనలేదు. ఎలాంటి ఆటంకం లేకుండా సజావుగా జరగనుంది. ఉష్ణోగ్రతలు 21 డిగ్రీలు నమోదయ్యే అవకాశం ఉంది. ఇండోర్ నగరాన్ని మేఘాలు కమ్మేయడంతో ఉక్కపోతగా ఉంది. ఇది కాస్త ఆటగాళ్లకు అసౌకర్యం కల్పించవచ్చు. ఇప్పటికే మధ్యప్రదేశ్ క్రికెట్ అసోసియేషన్ ఈ మ్యాచ్ కావాల్సిన అన్ని ఏర్పాట్లు చేసింది.

పిచ్ రిపోర్ట్..

ఈ మైదానం చాలా చిన్నది. కాబట్టి మరోసారి బ్యాటర్లు పండుగ చేసుకోనున్నారు. అయితే పిచ్‌పై కాస్త బౌన్స్ లభించినప్పటికీ బౌలర్లకు కష్టాలు తప్పవు. ఇదే మైదానంలో టీమిండియా టీ20ల్లో 260 ప రుగులు చేసింది. ఆ మ్యాచ్‌లో రోహిత్ శర్మ 118 పరుగులతో రాణించాడు. కాబట్టి ఈ మ్యాచ్‌లోనూ పరుగుల వరద పారనుంది.