Click it and Unblock the Notifications
అశ్విన్పై నోరుపారేసుకున్న పైన్..
ముఖ్యంగా కెప్టెన్ టిమ్ పైన్ తీవ్ర అసహనానికి గురయ్యాడు. అశ్విన్- విహారీ బ్యాటింగ్కు విసిగిపోయాడు. దాంతో ఏం చేయలేక నోరు పారేసుకున్నాడు. షార్ట్ బాల్స్ ఆడే విషయంలో అశ్విన్ తడబడగా బంతులన్నీ అతని చెస్ట్పైకి దూసుకొచ్చాయి. అతను విహారీ చెస్ట్ ప్యాడ్ తీసుకున్నాడు. ఈ సమయంలో పైన్ ఇంగిత జ్ఞానం లేకుండా ప్రవర్తించారు. భారత ఆటగాళ్లిద్దరూ కావాలనే బ్రేక్ తీసుకుంటున్నారని ఆరోపించాడు. 'ఇది నిజంగా హస్యాస్పదకం.. చెస్ట్ ప్యాడ్ అవసరమా?'అని పైన్ అన్న వ్యాఖ్యలు స్టంప్ మైక్లో రికార్డు అయ్యాయి. ఈ వ్యాఖ్యలకు అశ్విన్ కూడా తనదైన రీతీలో బదులిచ్చాడు.
పైన్ నీకిది తగదు..
ఇక పైన్ వ్యాఖ్యలపై భారత అభిమానులు కూడా ఆగ్రహం వ్యక్తం చేశారు. ట్విటర్ వేదికగా ఆసీస్ కెప్టెన్పై దుమ్మెత్తిపోశారు. 'ఆస్ట్రేలియా ఆటగాళ్లు వారి బుద్దిని పోనిచ్చుకోలేదు. గెలవడం కోసం వారు ఏమైనా చేస్తారని మరోసారి అర్థమైంది.'అని ఒకరు కామెంట్ చేయగా.. 'నోరుపారేసుకుంటూ మ్యాచ్ గెలవరు పైన్.. బాగా ఆడితేనే విజయం దక్కుతుంది'అని ఇంకొకరు కామెంట్ చేశారు. టిమ్ పైన్ తన చేష్టలతో గౌరవం పోగుట్టుకున్నారని మరికొందరు కామెంట్ చేశారు.
మాథ్యూ వేడ్ ఎగతాళి!
ఇక షార్ట్ పిచ్ బంతులు ఆడలేక అశ్విన్ ఇబ్బంది పడగా.. కొన్ని బంతులు అతని చాతికి బలంగా తాకాయి. దాంతో ఈ గాయాలను ఎగతాళి చేస్తూ మాథ్యూవేడ్ స్లెడ్జింగ్కు దిగగా.. కెప్టెన్గా ఆపాల్సిందిపోయి పైన్ మరింత ప్రోత్సహించాడు. అతను కామెంట్ చేస్తూ ఉంటే నవ్వుతూ కనిపించాడు. దీనిపై కూడా అభిమానులు ఆగ్రహం వ్యక్తం చేశారు. ఒకప్పుడు షేన్ వాట్సన్ గాయం పట్ల శిఖర్ ధావన్ ఇలానే ఎగతాళిగా మాట్లాడితే.. అప్పటి భారత కెప్టెన్ ధోనీ గబ్బర్ను వారించడని గుర్తు చేసుకుంటున్నారు. కానీ పైన్ మాత్రం సిగ్గులేకుండా నవ్వుతూ ప్రోత్సహిస్తున్నాడని మండిపడ్డారు.
Rishabh Pant then returns and has to take guard again.#AUSvIND #AUSvsIND #AUSvINDtest pic.twitter.com/aDkcGKgUJC — Cricket Badger (cricket_badger) January 11, 2021 '>
స్టీవ్ స్మిత్ చిల్లరవేషాలు
పంత్ బ్యాటింగ్ను ఓర్వలేకపోయిన స్టీవ్ స్మిత్ చిల్లర వేషాలకు దిగాడు. జోరుమీదున్న రిషబ్ పంత్ గార్డ్ మార్క్లను స్టీవ్ స్మిత్ కావాలనే చెరిపేశాడు. డ్రింక్స్ బ్రేక్లో ఈ చిల్లర పనిచేస్తూ స్టంప్స్ కెమెరాకు అడ్డంగా దొరికిపోయాడు. తన గార్డ్ చెరిపేయడంతో పంత్ మరోసారి మార్క్ చేసుకోవాల్సి వచ్చింది. స్మిత్ చేసిన పనిపై కూడా అభిమానులు తీవ్ర ఆగ్రహం వ్యక్తం చేశారు. బాల్ట్యాంపరింగ్ ఉదంతంతో ఏడాది నిషేధం ఎదుర్కొన్న స్మిత్కు బుద్ది రాలేదని కామెంట్ చేశారు.
Continue with Google