India vs Australia, 2nd T20I: చెలరేగిన మాథ్యూ, స్మిత్.. భారత్ ముందు భారీ లక్ష్యం! ఆకట్టుకున్న నట్టూ!

చెలరేగిన మాథ్యూవేడ్..

టాస్ ఓడి బ్యాటింగ్‌కు దిగిన ఆస్ట్రేలియాకు తాత్కలిక కెప్టెన్ మాథ్యూ వేడ్ మంచి శుభారంభాన్ని అందించాడు. ఫస్ట్ బాల్ నుంచే భారత బౌలర్లపై విరుచుకుపడ్డ వేడ్ స్కోర్ బోర్డును పరుగెత్తించాడు. ఈ స్థితిలో బంతిని నటరాజన్‌కు అందించిన కెప్టెన్ విరాట్ కోహ్లీ ఫలితం రాబట్టాడు. ఓపెనర్ డీఆర్సీ షాట్‌(9)ను అయ్యర్ సూపర్ క్యాచ్ సాయంతో నట్టూ పెవిలియన్‌కు చేర్చాడు. ఆ మరుసటి ఓవర్‌లోనే మాథ్యూ వేడ్ ఇచ్చిన క్యాచ్‌ను హార్దిక్ పాండ్యా జారవిడిచాడు. దాంతో మరింత ధాటిగా ఆడిన అతను 25 బంతేల్లోనే హాఫ్ సెంచరీ పూర్తి చేసుకున్నాడు.

లక్కీ రనౌట్..

అయితే సుంధర్ వేసిన ఆ తర్వాతి ఓవర్‌లోనే మాథ్యూవేడ్ రనౌట్‌గా వెనుదిరిగాడు. వేడ్ ఇచ్చిన క్యాచ్‌ను విరాట్ కోహ్లీ జారవిడచగా.. ఔటైనట్లు భావించిన అతను నిర్లక్షంగా వెనుదిరిగే ప్రయత్నం చేశాడు. కానీ స్మిత్ అలర్ట్ చేయడంతో మళ్లీ క్రీజులోకి రావడానికి యత్నించినప్పటికీ.. కోహ్లీ, రాహుల్‌కు బంతిని అందివ్వడంతో రనౌట్‌గా వెనుదిరిగాడు. ఆ తర్వాత బ్యాటింగ్‌కు వచ్చిన మ్యాక్స్‌వెల్ భారత్‌కు చేయాల్సిన నష్టం చేశాడు. 13 బంతులే ఆడిన అతను రెండు భారీ సిక్సర్లతో 22 పరుగులు చేశాడు. ప్రమాదకరంగా మారుతున్న అతన్ని ఠాకూర్ ఔట్ చేశాడు.

T Natarajan Amazing, Super Pair with Bumrah- Now Shami Under Pressure: Sanjay Manjrekar

చెలరేగిన స్మిత్..

ఈ క్రమంలో స్మిత్ తన బ్యాటింగ్ వేగం పెంచాడు. చాహల్ బౌలింగ్‌లో సిక్సర్లతో విరుచుకుపడ్డాడు. చివరకు అతని బౌలింగ్‌లోనే భారీ షాట్‌కు ప్రయత్నించి పాండ్యాకు చిక్కాడు. అయితే బంతి పాండ్యా చేతిలో దోబుచులాడినప్పటికీ ఆఖరి చిక్కింది. చివర్లో హెన్రీక్స్ (25)ను నట్టూ ఔట్ చేయడంతో ఆసీస్ జోరు కొంచె తగ్గింది. అయితే స్టోయినిస్ (16 నాటౌట్), డానియల్ సామ్స్(8 నాటౌట్) బౌండరీలు రాబట్టడంతో ఆసీస్ భారీ స్కోర్ చేయగలిగింది.