India Playing 11: సిరాజ్ ఇన్.. హర్షల్ ఔట్! రోహిత్ డౌట్! మూడో టీ20 ఆడే భారత తుది జట్టు ఇదే!

రోహిత్ శర్మ డౌట్..

ఇక రెండో టీ20లో కాస్త అసౌకర్యంగా కనిపించిన రోహిత్ శర్మ.. మూడో టీ20 ఆడటంపై సందేహాలు నెలకొన్నాయి. బ్యాటింగ్ సందర్భంగా స్కూప్ షాట్ ఆడే ప్రయత్నంలో రోహిత్ ఎడమ మణికట్టుకు బంతి బలంగా తాకింది. ఫిజియో వచ్చి ప్రథమ చికిత్స చేయడంతో తన ఆటను కొనసాగించాడు. ఇక ఫీల్డింగ్ సందర్భంగా కూడా రోహిత్ అసౌకర్యంగా కనిపించాడు. మైదానంలో ఉన్న ఉక్కపోత కారణంగా అతని ముక్కులో నుంచి రక్తం కారింది. కాస్త బ్రేక్ తీసుకొని మళ్లీ బరిలోకి దిగాడు. ఈ క్రమంలోనే రోహిత్‌‌కు విశ్రాంతిచ్చే అవకాశాలు కనిపిస్తున్నాయి. ఒకవేళ రోహిత్ రెస్ట్ తీసుకుంటే రాహుల్ జట్టును నడపించనున్నాడు.

సిరాజ్ ఇన్.. హర్షల్ ఔట్..

ఇంగ్లండ్‌లో కౌంటీ క్రికెట్‌ ఆడుతున్న సిరాజ్‌ను హుటాహుటినా భారత్‌కు రప్పించింది. బుమ్రాకు ప్రత్యామ్నాయంగా అతని సిద్దం చేయాలని ప్రణాళికలు రచిస్తోంది. కానీ రెండో టీ20లో బెంచ్ పరిమితం చేసింది. సిరీస్ గెలిచిన నేపథ్యంలో అతనికి తుది జట్టులో చోటు దక్కవచ్చు. అయితే అతన్ని ఎవరి ప్లేస్‌లో ఆడిస్తారా? అనేది తేలాల్సి ఉంది. ఆస్ట్రేలియా సిరీస్ నుంచి ఆడుతున్న హర్షల్ పటేల్‌‌కు రెస్ట్ ఇచ్చి సిరాజ్‌ను తీసుకునే అవకాశం ఉంది.

సూర్యకు రెస్ట్..

ఈ సిరీస్‌లో సూపర్ బ్యాటింగ్‌తో చెలరేగుతున్న సూర్యకుమార్ యాదవ్‌కు రెస్ట్ ఇచ్చే అవకాశం ఉంది. అదే జరిగితే అతని స్టానంలో స్టాండ్‌బై ప్లేయర్‌గా ఉన్న శ్రేయస్ అయ్యర్‌ను ఆడించనున్నారు. ఈ మ్యాచ్‌లో రెండు మ్యాచ్‌లు ఆడిన పంత్‌కు బ్యాటింగ్ చేసే అవకాశం రాలేదు. ఈ క్రమంలోనే అతన్ని నాలుగో స్థానంలో ఆడించే అవకాశం ఉంది. స్పిన్ ఆల్‌రౌండర్‌గా అక్షర్ ప్లేస్‌కు డోకా లేదు. స్పెషలిస్ట్ స్పిన్నర్‌గా చాహల్‌కు బదులు మరోసారి అశ్వినే ఆడనున్నాడు. సౌతాఫ్రికా జట్టులో ఎక్కువ లెఫ్టాండర్స్ ఉండటంతో టీమ్‌మేనేజ్‌మెంట్ అశ్విన్‌వైపు మొగ్గు చూపనుంది. చాహల్‌ను ఆడించాలనుకుంటే మాత్రం అశ్విన్‌కు ఉద్వాసన తప్పదు.

తుది జట్టు(అంచనా)

రోహిత్ శర్మ, కేఎల్ రాహుల్, విరాట్ కోహ్లీ, సూర్యకుమార్ యాదవ్/శ్రేయస్ అయ్యర్, రిషభ్ పంత్, దినేశ్ కార్తీక్, అక్షర్ పటేల్, హర్షల్ పటేల్/మహమ్మద్ సిరాజ్, అర్ష్‌దీప్ సింగ్, దీపక్ చాహర్, రవిచంద్రన్ అశ్విన్/యుజ్వేంద్ర చాహల్