సంజూ శాంసన్కు చోటు దక్కెనా..?
టీ20 సిరీస్లో అవకాశం దక్కని సంజూ శాంసన్కు కనీసం వన్డే సిరీస్లోనైనా అవకాశం దక్కుతుందా? అంటే అవునని చెప్పలేని పరిస్థితి నెలకొంది. అతనికి ఆల్రౌండర్ దీపక్ హుడాతో పోటీ నెలకొంది. ఓపెనర్లుగా కెప్టెన్ శిఖర్ ధావన్, శుభ్మన్ గిల్ ఆడటం ఖాయం కాగా.. మూడో స్థానంలో సూర్యకుమార్ యాదవ్ ఆడనున్నాడు. నాలుగో స్థానంలో శ్రేయస్ అయ్యర్ బరిలోకి దిగుతాడు. అయితే టీ20 ఫార్మాట్లో వరుసగా విఫలమైన శ్రేయస్ అయ్యర్ను పక్కనపెట్టాలని భావిస్తే మాత్రం సంజూ శాంసన్ చోటుకు డోకా లేదు. కానీ అయ్యర్కు మరో అవకాశం ఇచ్చే సూచనలు కనిపిస్తున్నాయి.
వైస్ కెప్టెన్సీ హోదాలో..
పేలవ ఫామ్తో సతమతమవుతున్న రిషభ్ పంత్.. వైస్ కెప్టెన్సీ హోదాలో జట్టులో చోటు దక్కించుకోనున్నాడు. టీ20ల్లో దారుణంగా విఫలమైన అతనికి ఈ సిరీస్ చాలా కీలకం. ఇక్కడ విఫలమైతే.. జట్టులో చోటు కోల్పోయే ప్రమాదం ఉంది. ఆరో స్థానంలో సంజూ శాంసన్, దీపక్ హుడాలో ఒకరిని తీసుకోనున్నారు. ఆల్రౌండర్ కావాలని భావిస్తే దీపక్ హుడా జట్టులోకి వస్తాడు. టీ20ల్లో అతను సత్తా చాటాడు. దీపక్ హుడా జట్టులో ఉంటే టీమిండియాకు ఎక్స్ట్రా బౌలింగ్ ఆప్షన్ ఉంటుంది. టీమ్మేనేజ్మెంట్ సైతం ఆల్రౌండర్లకే ప్రాధాన్యత ఇస్తుందనే విషయం టీ20 సిరీస్తో స్పష్టమైంది.
ఉమ్రాన్ మాలిక్ ఆడేనా..?
పేస్ ఆల్రౌండర్ శార్దూల్ ఠాకూర్ ఆడటం ఖాయం కాగా.. అర్ష్దీప్ సింగ్ మరో పేస్ బౌలర్గా బరిలోకి దిగనున్నాడు. ఇక మూడో పేసర్ ఆప్షన్స్లో ఉమ్రాన్ మాలిక్కు సీనియర్ దీపక్ చాహర్తో పోటీ నెలకొంది. ప్రపంచకప్ ముందు గాయంతో జట్టు దూరమైన దీపక్ చాహర్ మళ్లీ ఈ సిరీస్తో రీఎంట్రీ ఇవ్వనున్నాడు. బ్యాటింగ్ చేసే సామర్థ్యం దీపక్ చాహర్కు ఉండటం అదనపు బలం.
చాలా రోజుల తర్వాత కుల్దీప్ యాదవ్, యుజ్వేంద్ర చాహల్ కుల్చా జోడీ బరిలోకి దిగే అవకాశం ఉంది. ఆల్రౌండర్లు వాషింగ్టన్ సుందర్, షెహ్బాజ్ అహ్మద్లను పరిగణలోకి తీసుకుంటే మాత్రం కుల్దీప్ యాదవ్ బెంచ్కే పరిమితమయ్యాడు.
|
తుది జట్టు(అంచనా)
శిఖర్ ధావన్, శుభ్మన్ గిల్, సూర్యకుమార్ యాదవ్, శ్రేయస్ అయ్యర్, రిషభ్ పంత్, సంజూ శాంసన్/దీపక్ హుడా, ఉమ్రాన్ మాలిక్ /దీపక్ చాహర్, శార్దూల్ ఠాకూర్, అర్ష్దీప్ సింగ్, కుల్దీప్ యాదవ్, యుజ్వేంద్ర చాహల్