Click it and Unblock the Notifications
భువనేశ్వర్ ఔట్..
తొలి రెండు వన్డేల్లో ఒక్క వికెట్ కూడా తీయకుండా 64, 67 పరుగులు ఇచ్చుకొని దారుణంగా విఫలమైన స్టార్ పేసర్ భువనేశ్వర్ కుమార్పై వేటు పడటం ఖాయం. అతని స్థానంలో యువ పేసర్ దీపక్ చాహర్ తుది జట్టులోకి రానున్నాడు. జస్ప్రీత్ బుమ్రా, శార్దూల్ ఠాకూర్తో కలిసి దీపక్ చాహర్ పేస్ బాధ్యతలు పంచుకోనున్నాడు. అయితే వర్క్లోడ్ నేపథ్యంలో జస్ప్రీత్ బుమ్రాకు రెస్ట్ ఇవ్వాలని భావిస్తే మాత్రం మహమ్మద్ సిరాజ్ జట్టులోకి వచ్చే అవకాశం ఉంది. ఇక స్పిన్నర్లలో రవిచంద్రన్ అశ్విన్, యుజ్వేంద్ర చాహల్ ఆడటం ఖాయం. పవర్ప్లేతో పాటు మిడిల్ ఓవర్లలో వికెట్లు తీయడంలో భారత ఆటగాళ్లు తడబడుతున్నారు. ఆ సమస్యను అధిగమించకుంటే క్లీన్ స్వీప్ అయ్యే ప్రమాదం ఉంది.
రుతురాజ్కు చోటిస్తే..
ఓపెనర్లు శిఖర్ ధావన్, కేఎల్ రాహుల్ బరిలోకి దిగడంలో మార్పు ఉండకపోవచ్చు. అయితే సూపర్ ఫామ్లో ఉన్న రుతురాజ్ గైక్వాడ్ను ఆడించాలనుకుంటే మాత్రం శిఖర్ ధావన్ బెంచ్కే పరిమితం కావాల్సి ఉంది. ఫస్ట్ వన్డేలో హాఫ్ సెంచరీతో రాణించి.. రెండో వన్డేలో దారుణంగా విఫలమైన విరాట్ కోహ్లీ ఆడటంపై కూడా అనుమానాలున్నాయి. నామమాత్రపు వన్డే నేపథ్యంలో కోహ్లీకి రెస్ట్ ఇవ్వాలని భావిస్తే అతని స్థానంలో సూర్యకుమార్ యాదవ్ జట్టులోకి రావచ్చు. లేకుంటే రెండు మ్యాచ్ల్లో విఫలమైన శ్రేయస్ అయ్యర్పై వేటు పడవచ్చు.
వెంకటేశ్ అయ్యర్ డౌట్..
హార్దిక్ పాండ్యాకు ప్రత్యామ్నాయంగా జట్టులోకి తీసుకువచ్చిన యువ ప్లేయర్ వెంకటేశ్ అయ్యర్.. రెండు మ్యాచ్ల్లో ఆశించిన స్థాయిలో రాణించలేకపోయాడు. బ్యాట్స్మన్గా.. బౌలర్గా విఫలమయ్యాడు. ఈ క్రమంలోనే మూడో వన్డేలో అతనికి చోటు ఇస్తారా? లేదా? అనేది చూడాలి. శార్దూల్ ఠాకూర్ మెరుగ్గా బ్యాటింగ్ చేస్తున్న క్రమంలో వెంకీ బదులు స్పెషలిస్ట్ బ్యాట్స్మన్ తీసుకోవచ్చు.
తుది జట్టు(అంచనా)
కేఎల్ రాహుల్, శిఖర్ ధావన్/రుతురాజ్ గైక్వాడ్, విరాట్ కోహ్లీ, శ్రేయస్ అయ్యర్, రిషభ్ పంత్, వెంకటేశ్ అయ్యర్/ సూర్యకుమార్ యాదవ్, శార్దూల్ ఠాకూర్, రవిచంద్రన్ అశ్విన్, దీపక్ చాహర్, జస్ప్రీత్ బుమ్రా/మహమ్మద్ సిరాజ్
Continue with Google