Click it and Unblock the Notifications
ఓపెనర్లుగా ఇషాన్ కిషన్, రుతురాజ్ గైక్వాడ్..
రోహిత్ శర్మ గైర్హాజరీలో కెప్టెన్గా ఎంపికైన కేఎల్ రాహుల్ దురదృష్టవశాత్తు గాయంతో చివరి నిమిషంలో జట్టుకు దూరమయ్యాడు. దాంతో రుతురాజ్ గైక్వాడ్కు మార్గం సుగుమమైంది. తొలి టీ20లో విఫలమైనా.. అతని చోటుకు వచ్చే డోకా ఏం లేదు. ఫస్ట్ డౌన్లో శ్రేయస్ అయ్యర్ ఆడనున్నాడు. తొలి టీ20(36) పర్వాలేదనిపించాడు. రాహుల్ గాయంతో దూరమవడంతో కెప్టెన్సీ అందుకున్న రిషభ్ పంత్ నాలుగో స్థానంలో బ్యాటింగ్ చేయనున్నాడు. తొలి మ్యాచ్లో 29 పరుగులు చేసిన పంత్.. మరిన్ని ఎక్కువ పరుగులు చేయాల్సిన అవసరం ఉంది.
ఫినిషర్లుగా హార్దిక్, దినేశ్ కార్తీక్..
ఐపీఎల్ 2022 సీజన్లో బ్యాటింగ్, బౌలింగ్తో పాటు కెప్టెన్సీలో అదరగొట్టి టైటిల్ అందించిన గుజరాత్ సారథి హార్దిక్ పాండ్యా.. సౌతాఫ్రికాతో సిరీస్లో కూడా అదే జోరును కొనసాగించాడు. 12 బంతుల్లో 31 పరుగులతో అజేయంగా నిలిచి తన ఫినిషర్ పాత్రను సమర్థవంతంగా నిర్వర్తించాడు. అయితే ఆఖరి ఓవర్లో అతను చేసిన చిన్న తప్పిదం తీవ్ర విమర్శలకు దారి తీసింది. ఆరో స్థానంలో బ్యాటింగ్ చేస్తున్న మరో ఫినిషర్, వెటరన్ బ్యాటర్ దినేశ్ కార్తీక్కు స్ట్రైకింగ్ ఇవ్వకుండా హార్దిక్ విమర్శలపాలయ్యాడు. రెండో టీ20లో ఆ తప్పిదం రిపీట్ కాకపోవచ్చు.
ఉమ్రాన్ అరంగేట్రం.. ఆవేశ్ ఖాన్ ఔట్..
స్పిన్ ఆల్రౌండర్గా అక్షర్ పటేల్ తన మార్క్ చూపించలేకపోయాడు. 4 ఓవర్లు వేసి కేవలం ఒక వికెట్ మాత్రమే తీసి 40 పరుగులు సమర్పించుకున్నాడు. అయితే రెండో టీ20లో అతని చోటుకు డోకా లేదు. ఐపీఎల్ 2022 సీజన్లో పర్పుల్ క్యాప్ హోల్డర్గా నిలిచిన యుజ్వేంద్ర చాహల్ సేవలను పంత్ పూర్తిగా వాడుకోలేదు. అతనికి కేవలం 2.1 ఓవర్లు మాత్రమే ఇచ్చాడు. దాంతో యూజీ పెద్దగా ప్రభావం చూపలేకపోయాడు.
ఐపీఎల్ 2022 సీజన్లో తనదైన వేగంతో ఆకట్టుకున్న ఉమ్రాన్ మాలిక్ ఈ మ్యాచ్ బరిలోకి దిగే అవకాశం ఉంది. ఇంకా నేర్చుకునే దశలోనే ఉన్నాడంటూ అతన్ని పక్కనపెట్టిన ద్రవిడ్.. ఈ మ్యాచ్లో ఆడించే అవకాశం ఉంది. బలహీనంగా ఉన్న బౌలింగ్ విభాగాన్ని మరింత బలంగా మార్చే ప్రక్రియలో ఉమ్రాన్ను ఆడించనున్నారు. ఫస్ట్ టీ20లో తేలిపోయిన ఆవేశ్ ఖాన్పై వేటు పడనుంది. ఒక వేళ ఉమ్రాన్ను కాదనుకుంటే అర్షదీప్ను ఆడించవచ్చు. భువనేశ్వర్ కుమార్, హర్షల్ పటేల్లు సైతం తొలి టీ20లో తేలిపోయారు.
తుది జట్టు(అంచనా):
రుతురాజ్ గైక్వాడ్, ఇషాన్ కిషన్, శ్రేయస్ అయ్యర్, రిషభ్ పంత్(కీపర్), హార్దిక్ పాండ్యా, దినేశ్ కార్తీక్, అక్షర్ పటేల్, హర్షల్ పటేల్, భువనేశ్వర్ కుమార్, యుజ్వేంద్ర చాహల్, ఉమ్రాన్ మాలిక్/అర్షదీప్ సింగ్
Continue with Google