IND vs WI: చరిత్ర సృష్టించిన విరాట్ కోహ్లీ, శుభ్‌మన్ గిల్!

IND vs WI: తిరువనంతపురంలోని గ్రీన్ ఫీల్డ్ ఇంటర్నేషనల్ స్టేడియంలో వెస్టిండీస్‌తో జరుగుతున్న తొలి వన్డే మ్యాచ్‌లో భారత ఆటగాళ్లు విరాట్ కోహ్లీ, శుభ్‌మన్ గిల్ చరిత్ర సృష్టించారు. భారత క్రికెట్ దిగ్గజం కింగ్ కోహ్లీ మరో చారిత్రాత్మక మైలురాయిని అధిగమించగా.. టీమిండియా కెప్టెన్ శుభ్‌మన్ గిల్ బాధ్యతాయుతమైన సెంచరీతో చెలరేగాడు.

Viral Video: కుల్దీప్ మాట విన్న గిల్.. క్షణాల్లో మారిన మ్యాచ్!

15 వేల పరుగుల క్లబ్‌లో విరాట్ కోహ్లీ
కింగ్ కోహ్లీ వన్డే ఫార్మాట్లో తన ఆధిపత్యాన్ని మరోసారి ప్రపంచానికి చాటిచెప్పాడు. తిరువనంతపురంలో వెస్టిండీస్‌తో జరిగిన తొలి వన్డే మ్యాచ్ లో తన వ్యక్తిగత స్కోరును 59 పరుగులకు చేర్చడం ద్వారా వన్డే కెరీర్లో 15,000 పరుగుల క్లబ్‌లో అడుగుపెట్టాడు. ప్రపంచ క్రికెట్ చరిత్రలోనూ, భారత్ తరఫున క్రికెట్ దేవుడు సచిన్ టెండూల్కర్ తర్వాత ఈ రికార్డును సాధించిన రెండో బ్యాటర్‌గా కోహ్లీ చరిత్ర సృష్టించాడు. ప్రపంచంలోని అగ్రశ్రేణి దిగ్గజ బ్యాటర్లందరినీ వెనక్కి నెట్టి అత్యంత వేగంగా ఈ అరుదైన ఘనత సాధించడం విశేషం. విరాట్ కోహ్లీ కేవలం 315 మ్యాచ్‌ల్లో(303 ఇన్నింగ్స్‌లు) ఈ 15,000 పరుగుల మార్కును పూర్తి చేసి సచిన్ టెండూల్కర్(377 ఇన్నింగ్స్‌లు) పేరిట ఉన్న వేగవంతమైన రికార్డును స్పష్టమైన తేడాతో అధిగమించాడు.

శతకంతో చెలరేగిన శుభ్‌మన్ గిల్
296 పరుగుల లక్ష్యంతో బరిలోకి దిగిన భారత జట్టుకు గిల్ అద్భుతమైన కెప్టెన్సీతో పాటు తన ఆధిపత్యాన్ని ప్రదర్శించాడు. 96 బంతుల్లోనే 12 ఫోర్లు, ఒక సిక్సర్‌తో సెంచరీ మార్కును అందుకుని భారత విజయాన్ని ఖాయం చేసే దిశగా జట్టును నడిపించాడు. ఈ ఇన్నింగ్స్ ద్వారా గిల్ వన్డే క్రికెట్లో పలు అరుదైన రికార్డులను తన పేరిట లిఖించుకున్నాడు. వన్డే క్రికెట్లో వేగంగా 10 సెంచరీలు పూర్తి చేసిన భారత బ్యాటర్ గా కొత్త అధ్యాయాన్ని సృష్టించాడు. కేవలం 67 ఇన్నింగ్స్‌ల్లోనే(68వ మ్యాచ్) ఈ ఘనత సాధించి గతంలో 77 ఇన్నింగ్స్‌ల్లో 10 సెంచరీలు చేసిన మాజీ ఓపెనర్ శిఖర్ ధావన్ రికార్డును చెరిపివేశాడు. అంతర్జాతీయంగా అత్యంత వేగంగా 10 వన్డే సెంచరీలు చేసిన రికార్డు దక్షిణాఫ్రికా స్టార్ బ్యాటర్ క్వింటన్ డికాక్(55 ఇన్నింగ్స్‌లు) పేరిట ఉంది.

Also Read

IND vs WI: తిప్పేసిన కుల్దీప్ యాదవ్.. భారత్ ముందు భారీ లక్ష్యం!

ఈ క్రమంలో భారత మాజీ కెప్టెన్ ఎంఎస్ ధోని సాధించిన 10 వన్డే సెంచరీల రికార్డును కూడా గిల్ సమం చేశాడు. మ్యాచ్ ఆరంభం నుంచి నిలకడగా ఆడిన గిల్.. 49 బంతుల్లోనే అర్థశతకాన్ని పూర్తి చేసుకున్నాడు. ఆ తర్వాత కూడా అదే జోరు కొనసాగించి వెస్టిండీస్ బౌలర్ జేడెన్ సీల్స్ వేసిన బంతిని ఫోర్ కొట్టి తన వన్డే కెరీర్లో 10వ శతకాన్ని నమోదు చేశాడు.