Click it and Unblock the Notifications
ఉమ్రాన్ 2.0
ఇక అంతర్జాతీయ క్రికెట్లో సత్తా చాటేందుకు ఉమ్రాన్ మాలిక్ సిద్దమవుతున్నాడని జమ్మూ కశ్మీర్ ఫీల్డింగ్ కోచ్ తన్మయ్ శ్రీవాత్సవ తెలిపాడు. ముఖ్యంగా యార్కర్లు వేయడంపై ఉమ్రాన్ మాలిక్ ఫోకస్ పెట్టాడని, బౌలింగ్ వేరియషన్స్ కూడా నేర్చుకుంటున్నాడని తెలిపాడు. న్యూజిలాండ్ పర్యటనలో ఉమ్రాన్ మాలిక్ 2.0ను చూస్తామని చెప్పాడు. ఇన్సైడ్ స్పోర్ట్ వెబ్సైట్తో మాట్లాడిన ఈ మాజీ అండర్19 ప్లేయర్.. ఉమ్రాన్ మాలిక్ను ఎదుర్కోవడం న్యూజిలాండ్ బ్యాటర్లకు కష్టమేనన్నాడు.
యార్కర్లపై ఫోకస్..
'ఉమ్రాన్ మాలిక్ చాలా ఓపెన్ మైండేడ్. నెట్స్లో ప్రతీ ఒక్కరితో మాట్లాడుతాడు. అతను యార్కర్లను ఎక్కువగా ప్రాక్టీస్ చేస్తున్నాడు. బీసీసీఐ కూడా అతన్ని జాగ్రత్తగా చూసుకుంది. ఎన్సీఏలో ప్రత్యేక ఫిట్నెస్ ట్రైనింగ్ ఇచ్చింది. అంతర్జాతీయలో ఎక్కువ మ్యాచ్లు ఆడితే అతను చాలా నేర్చుకోగలడు. జట్టు తరఫున అద్భుతాలు కూడా సృష్టించగలడు. ఐపీఎల్లో 154 కిలోమీటర్ల వేగంతో నిలకడగా బౌలింగ్ చేసిన ఉమ్రాన్ మాలిక్.. ఇంగ్లండ్, ఐర్లాండ్ పర్యటనలో మాత్రం 145 కిలోమీటర్ల వేగంతోనే బంతులు సంధించాడు.
కీపర్లు భయపడ్డారు..
దాంతో అతని బౌలింగ్ ప్రభావం కనబడలేదు. కానీ న్యూజిలాండ్ పర్యటనలో మనం ఉమ్రాన్ 2.0ను చూస్తాం. ఉమ్రాన్ మంచి అథ్లెట్. నేను ఇప్పటి వరకు అతనిలా వేగంగా బౌలింగ్ చేసే మరో బౌలర్ను చూడలేదు. సయ్యద్ ముస్తాక్ అలీ ట్రోఫీలో అతని బౌలింగ్లో కీపింగ్ చేయాలంటే కీపర్లు భయపడ్డారు. వేగంగా వేయడం అతనికి సహజసిద్దంగా వచ్చింది. ఆడుతున్నా కొద్దీ అతను మరింత మెరగవ్వనున్నాడు.'అని శ్రీవాత్సవ తెలిపాడు. 150 కిలోమీటర్ల వేగంతో యార్కర్లు సంధిస్తే ఎదుర్కోవడం ఏ బ్యాటర్కైనా కష్టమేనని, గాయపడే అవకాశాలు కూడా ఉంటాయన్నాడు. న్యూజిలాండ్ పర్యటనలో ఈ సీన్స్ చూడబోతున్నామని చెప్పాడు.
న్యూజిలాండ్ పర్యటనకు ఎంపికైన భారత టీ20 టీమ్
హార్దిక్ పాండ్యా(కెప్టెన్), శుభ్మన్ గిల్, ఇషాన్ కిషన్, దీపక్ హుడా, సూర్యకుమార్ యాదవ్, శ్రేయస్ అయ్యర్, రిషభ్ పంత్(వైస్ కెప్టెన్), సంజూ శాంసన్(కీపర్), వాషింగ్టన్ సుందర్, యుజ్వేంద్ర చాహల్, కుల్దీప్ యాదవ్, అర్ష్దీప్ సింగ్, హర్షల్ పటేల్, మహమ్మద్ సిరాజ్, భువనేశ్వర కుమార్, ఉమ్రాన్ మాలిక్
Continue with Google