కుక్కలు మొరుగుతూనే ఉంటాయి.. మేం పట్టించుకోవాల్సిన అవసరం లేదు: హార్దిక్ పాండ్యా

మేం ప్రొఫెషనల్ ఆటగాళ్లం..

ప్రపంచకప్ వైఫల్యం నుంచి జట్టు బయటపడాల్సిన అవసరం ఉందని చెప్పాడు. 'ప్రపంచకప్‌ ఫలితంతో జట్టులో నిరాశ ఉన్న విషయం తెలుసు. కానీ మేమంతా ప్రొఫెషనల్‌ ఆటగాళ్లం. విజయాలను ఎలా ఆస్వాదిస్తామో.. వైఫల్యాన్ని అలాగే జీర్ణించుకోవాలి. లోపాలను సరిదిద్దుకోవాలి. వచ్చే ప్రపంచకప్‌ దాదాపు రెండేళ్ల తర్వాత జరగనుంది. అప్పటిలోపు కొత్త ప్రతిభావంతులను వెలికితీయడానికి మాకు సమయం ఉంది. ఈ లోపు చాలా క్రికెట్‌ జరుగుతుంది. చాలా మందికి చాలినన్ని అవకాశాలు లభిస్తాయి.

రోడ్ మ్యాప్ షురూ..

వచ్చే ప్రపంచకప్‌కు సంబంధించిన రోడ్ మ్యాప్ ఇప్పుడే మొదలైంది. అయితే మాకు చాలా సమయం ఉంది. ఏం చేయాలన్నదానిపై కూర్చుని మాట్లాడతాం. ఇప్పుడైతే మా లక్ష్యం ఆటను ఆస్వాదించడమే. భవిష్యత్తు గురించి తర్వాత మాట్లాడతాం'' అని హార్దిక్‌ చెప్పాడు. సీనియర్ల గైర్హాజరీలో అవకాశాలు అందుకున్న యువ ఆటగాళ్లకు ఈ న్యూజిలాండ్ సిరీస్ చాలా కీలకమని హార్దిక్ తెలిపాడు. 'మా ప్రధాన ఆటగాళ్లు లేకపోయినా పలువురు టాలెంటెడ్ ప్లేయర్లు బరిలో నిలిచారు. కొత్త శక్తి, ఉత్సాహంతో కూడిన కుర్రాళ్లతో కలిసి ఆడేందుకు నేను సిద్దంగా ఉన్నా.

ప్రతీ సిరీస్ ముఖ్యమైనదే..

నా వరకు ప్రతీ సిరీస్ ముఖ్యమైనది. ఇది ముఖ్యమైనది కాదని ఏ మ్యాచ్ ఆడలేం. వచ్చే ఏడాది ప్రపంచకప్ ఉన్నప్పటికీ అదే వేరే ఫార్మాట్. కానీ ఈ సిరీస్ కుర్రాళ్లకు చాలా ముఖ్యమైనది. ఇక్కడ రాణిస్తే వాళ్లు మరింత ముందుకెళ్లేందుకు తగిన అవకాశం లభిస్తుంది.'అని హార్దిక్ చెప్పుకొచ్చాుడ.

టీ20 ప్రపంచకప్ సెమీస్ ఓటమి తర్వాత టీమిండియా చాలా విమర్శలు వచ్చాయి. 2011 వన్డే ప్రపంచకప్ తర్వాత భారత్ సాధించింది ఏమీ లేదని, పరిమిత ఓవర్ల క్రికెట్‌లో అత్యంత పేలవ జట్టుగా మారిందని ఇంగ్లండ్ మాజీ కెప్టెన్ మైకేల్ వాన్ విమర్శించడంపై హార్దిక్ స్పందించాడు.

నిరూపించుకోవాల్సిన అవసరం లేదు..

'మేం బాగా ఆడనప్పుడు ప్రజలు వారి అభిప్రాయాన్ని చెబుతున్నారు. దాన్ని మేం గౌరవిస్తాం. కానీ, అంతర్జాతీయ క్రికెట్‌లో ఉన్నందున మేం ఎవ్వరికీ నిరూపించాల్సిన అవసరం లేదని నేను అనుకుంటున్నాను. ఇది ఒక ఆట మరింత మెరుగవ్వడానికి నిత్యం ప్రయత్నిస్తూనే ఉంటాం. ఫలితం కావాల్సిన టైంలో వస్తుంది. ఇప్పుడు కొన్ని అంశాలపై ఫోకస్ పెట్టాలి. మా తప్పిదాలను గుర్తించి కచ్చితంగా సరిదిద్దుకుంటాం.'అని హార్దిక్ పేర్కొన్నాడు. హార్దిక్ పాండ్యా వ్యాఖ్యలకు ఫ్యాన్స్ ఫిదా అవుతున్నారు. కుక్కలు మొరుగుతూనే ఉంటాయి.. పట్టించుకోవాల్సిన అవసరం లేదని రీతిలో హార్దిక్.. మైఖేల్ వాన్‌కు బదిలిచ్చాడని కామెంట్ చేస్తున్నారు.