Click it and Unblock the Notifications
ఇషాన్ ఔటైనా..
టాస్ గెలిచి ముందుగా బ్యాటింగ్ చేసిన టీమిండియాకు ఆదిలోనే గట్టి షాక్ తగిలింది. ఇన్నింగ్స్ మూడో ఓవర్ తొలి బంతికే స్టార్ ఓపెనర్ ఇషాన్ కిషన్(3) కీపర్ క్యాచ్గా వెనుదిరిగాడు. దాంతో క్రీజులోకి వచ్చిన దీపక్ హుడాభారీ సిక్సర్ బాది బౌండరీల ఖాతా తెరిచాడు. అతనికి తోడుగా సంజూ శాంసన్ కూడా మెరుపులు మెరిపించడంతో భారత్ స్కోర్ బోర్డు పరుగెత్తింది. ఇన్నింగ్స్ 6వ ఓవర్లో హుడా ఓ సిక్స్ బాదగా.. సంజూ శాంసన్ రెండు బౌండరీలు కొట్టాడు. దాంతో భారత్ పవర్ ప్లేలో వికెట్ నష్టానికి 54 పరుగులు చేసింది.
క్యాచ్ నేలపాలు చేసి..
అనంతరం భారత బ్యాటర్లు కాస్త నెమ్మదించగా.. 34 పరుగుల వ్యక్తిగత స్కోర్ వద్ద హుడా ఇచ్చిన క్యాచ్ను ఐర్లాండ్ ఆటగాళ్ల నేలపాలు చేశారు. ఈ అవకాశాన్ని అందుకున్న హుడా ఆకాశమే హద్దుగా చెలరేగాడు. ఇన్నింగ్స్ 10 ఓవర్లో రెండు సిక్స్లు బాదిన హుడా.. 27 బంతుల్లోనే హాఫ్ సెంచరీ అందుకున్నాడు. ఇది హుడాకు కెరీర్లో ఫస్ట్ ఫిఫ్టీ. అతని ధాటికి భారత్ 10 ఓవర్లలోనే 97 పరుగులు చేసింది. ఆ తర్వాత హుడా మరింత ధాటిగా ఆడాడు. ఇక డెలానీ వేసిన 13వ ఓవర్లో బౌండరీ బాదిన సంజూ.. కెరీర్లో తొలి హాఫ్ సెంచరీ పూర్తి చేసుకున్నాడు. అనంతరం ఈ జోడీ ఆకాశమే హద్దుగా చెలరేగింది.
సూపర్ సెంచరీ
వరుస సిక్సర్లు, బౌండరీలతో బౌలర్లకు చుక్కలు చూపించారు. సెంచరీ దిశగా దూసుకెళ్లిన సంజూను అడైర్ క్లీన్ బౌల్డ్ చేయడంతో రెండో వికెట్కు నమోదైన 176 పరుగుల భాగస్వామ్యానికి తెరపడింది. క్రీజులోకి వచ్చిన సూర్య వచ్చి రావడంతో వరుసగా రెండు బౌండరీలు బాదగా.. హుడా క్విక్ సింగిల్తో 55 బంతుల్లో సెంచరీ మార్క్ అందుకున్నాడు. ఆ తర్వాత భారీ షాట్లు ఆడే క్రమంలో సూర్య(15), హుడా(104), దినేశ్ కార్తీక్(0), అక్షర్ పటేల్(0) వరుసగా పెవిలియన్ చేరారు. చివరి ఓవర్లో హార్దిక్ పాండ్యా ఓ బౌండరీ బాదడంతో భారత్ 227 పరుగుల భారీ స్కోర్ చేయగలిగింది
Continue with Google