IND vs ENG: అందుకే రవి బిష్ణోయ్‌ను పక్కనపెట్టాం: శ్రేయస్ అయ్యర్

ఐదు టీ20ల సిరీస్‌లో భాగంగా ఇంగ్లండ్‌తో జరుగుతున్న మూడో టీ20లో టీమిండియా టాస్ గెలిచి బౌలింగ్ ఎంచుకుంది. పిచ్ కండిషన్స్ నేపథ్యంలోనే ఈ నిర్ణయం తీసుకున్నానని టీమిండియా టీ20 కెప్టెన్ శ్రేయస్ అయ్యర్ అన్నాడు. తుది జట్టులో ఒక మార్పు చేశామని చెప్పిన శ్రేయస్ అయ్యర్.. రవి బిష్ణోయ్ స్థానంలో ప్రిన్స్ యాదవ్ జట్టులోకి వచ్చాడని చెప్పాడు.

అది ఒక గుణ పాఠం..

'మేం ముందుగా బౌలింగ్ చేస్తాం. గత మ్యాచ్‌‌లో రవి బిష్ణోయ్ ఓవర్ చిన్న ఎదురుదెబ్బ మాత్రమే. దానిని మనం నియంత్రించలేం. కానీ జట్టులోని ఆటగాళ్లంతా ఉత్సాహంగా ఉన్నారు. ప్రతీ ఆటగాడు జీవితంలో ఇలాంటి దశను దాటి రావాల్సిందే. రవిబిష్ణోయ్‌, జట్టుకు గత ఓటమి ఒక మంచి గుణపాఠం. పిచ్ చూస్తుంటే చాలా అద్భుతంగా ఉన్నట్లు అనిపిస్తోంది. ఒకసైడ్ బౌండరీ చిన్నగా ఉంది.

వీలైనంత వరకు మేం ఆ షార్ట్ బౌండరీని ఉపయోగించుకుంటాం. ఇంగ్లండ్ ఏం చేస్తుందో చూడాలి. జట్టులో ఒక మార్పు చేశాం. రవి బిష్ణోయ్ స్థానంలో ప్రిన్స్ యాదవ్ జట్టులోకి వచ్చాడు. టీమ్ కాంబినేషన్‌లో భాగంగానే ఈ నిర్ణయం తీసుకున్నాం.'అని శ్రేయస్ అయ్యర్ చెప్పుకొచ్చాడు. గత మ్యాచ్‌లో అరంగేట్రం చేసిన వైభవ్ సూర్యవంశీకి ఈ మ్యాచ్‌లోనూ అవకాశం దక్కింది. దాంతో సంజూ శాంసన్ బెంచ్‌కే పరిమితమయ్యాడు.

గెలవడమే మా లక్ష్యం..

మరోవైపు టాస్ గెలిస్తే ముందుగా బ్యాటింగ్ ఎంచుకోవాలనుకున్నామని ఇంగ్లండ్ కెప్టెన్ హ్యారీ బ్రూక్ అన్నాడు. ఈ మ్యాచ్ ఎలాగైనా గెలవాలనే లక్ష్యంతో ఉన్నట్లు చెప్పాడు. 'వాస్తవానికి టాస్ గెలిస్తే ఏం చేయాలనే దానిపై మేం ఒక నిర్ణయానికి రాలేకపోయాం. కానీ ఒకవేళ టాస్ గెలిస్తే మాత్రం ముందుగా బ్యాటింగ్ చేయాలనుకున్నాం.

ఈ జట్టుతో మ్యాచ్‌లో మేం ఎప్పుడూ వెనుకబడినట్లు భావించం. భారత్‌తో లేదా మరే ఇతర దేశంతోనైనా సరే ప్రతి మ్యాచ్ మాకు పెద్దదే. మేం ఈ సిరీస్‌లో 2-0 ఆధిక్యంలోకి వెళ్లాలని అనుకుంటున్నాం.'అని హ్యారీ బ్రూక్ చెప్పుకొచ్చాడు.

తుది జట్లు:

ఇంగ్లండ్: ఫిలిప్ సాల్ట్, జోస్ బట్లర్ (వికెట్ కీపర్), హ్యారీ బ్రూక్ (కెప్టెన్), జాకబ్ బెథెల్, టామ్ బాంటన్, సామ్ కరన్, విల్ జాక్స్, లియామ్ డాసన్, జోఫ్రా ఆర్చర్, ఆదిల్ రషీద్, జోష్ టంగ్.

ఇండియా : అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్ కీపర్), శ్రేయాస్ అయ్యర్ (కెప్టెన్), శివమ్ దూబే, తిలక్ వర్మ, అక్షర్ పటేల్, హర్షిత్ రాణా, ప్రిన్స్ యాదవ్, అర్ష్‌దీప్ సింగ్, వరుణ్ చక్రవర్తి.