IND vs ENG: బుమ్రా మ్యాజిక్.. ఇన్నింగ్స్ ఫస్ట్ బాల్‌కే వికెట్!(వీడియో)

టీమిండియా స్టార్ పేసర్ జస్‌ప్రీత్ బుమ్రా మరోసారి నిప్పులు చెరిగాడు. మూడు వన్డేల సిరీస్‌లో భాగంగా ఇంగ్లండ్‌తో గురువారం జరిగిన రెండో మ్యాచ్‌లో ఇన్నింగ్స్ తొలి బంతికే బుమ్రా వికెట్ తీసాడు. బుమ్రా ధాటికి పరుగుల ఖాతా తెరవకుండా ఇంగ్లండ్ వికెట్ కోల్పోయింది.

IND vs ENG: చరిత్ర సృష్టించిన విరాట్ కోహ్లీ.. రాహుల్ ద్రవిడ్ ఆల్‌టైమ్ రికార్డ్ బ్రేక్!

ఈ మ్యాచ్‌లో టాస్ ఓడి ముందుగా బ్యాటింగ్ చేసిన భారత్ 44 ఓవర్లలో 233 పరుగులకు ఆలౌటైంది. విరాట్ కోహ్లీ(66 బంతుల్లో 8 ఫోర్లతో 65), శ్రేయస్ అయ్యర్(71 బంతుల్లో 5 ఫోర్లు, 2 సిక్స్‌లతో 66) హాఫ్ సెంచరీలతో రాణించగా.. శుభ్‌మన్ గిల్ (30 బంతుల్లో 6 ఫోర్లతో 31), జస్‌ప్రీత్ బుమ్రా(13 బంతుల్లో 3 ఫోర్లు, సిక్స్‌తో 20 నాటౌట్) విలువైన పరుగులు చేశారు. ఇంగ్లండ్ బౌలర్లలో గస్ అట్కిన్సన్(3/50), జోఫ్రా ఆర్చర్(3/47)లతో పాటు.. సకీబ్ మహ్మూద్(2/52) రెండు వికెట్లు తీసాడు. విల్ జాక్స్‌, సామ్ కరణ్ తలో వికెట్ పడగొట్టారు.

అనంతరం లక్ష్య ఛేదనకు దిగిన ఇంగ్లండ్‌కు ఆరంభంలోనే బిగ్ షాక్ తాకింది. ఇన్నింగ్స్ ఫస్ట్ బాల్‌కే ఇంగ్లండ్ ఓపెనర్ బెన్ డకెట్ గోల్డెన్ డకౌట్‌గా వెనుదిరిగాడు. బుమ్రా వేసిన బంతిని అంచనా వేయలేకపోయిన బెన్ డకెట్.. కీపర్‌కు క్యాచ్ ఇచ్చి వెనుదిరిగాడు. దాంతో భారత ఆటగాళ్లు ఎగిరి గంతేసారు. ఈ వికెట్ ద్వారా ఇంగ్లండ్‌ గడ్డపై వన్డేల్లో ఇన్నింగ్స్ తొలి బంతికే వికెట్ తీసిన తొలి భారత బౌలర్‌గా బుమ్రా చరిత్రకెక్కాడు. ఇప్పటి వరకు ఏ భారత బౌలర్ కూడా ఇంగ్లండ్ గడ్డపై ఇన్నింగ్స్ ఫస్ట్ బాల్‌కు వికెట్ తీయలేదు.

IND vs ENG: ఇలా ఆడితే కష్టం బాసూ.. యశస్వి జైస్వాల్ తన్నుకుపోతాడు!

అంతర్జాతీయ క్రికెట్‌లో ఇప్పటికే పలు రికార్డులను తన పేరిట లిఖించుకున్న బుమ్రా.. వరల్డ్ బెస్ట్ బౌలర్‌గా కొనసాగుతున్నాడు. వన్డే, టెస్ట్, టీ20ల్లో 100+ వికెట్లు తీసిన తొలి బౌలర్‌గా కూడా బుమ్రా నిలిచాడు. బుమ్రాతో పాటు ప్రసిధ్ కృష్ణ కూడా రాణించడంతో ఇంగ్లండ్ 8 పరుగులకే 2 వికెట్లు కోల్పోయింది. ఈ పరిస్థితుల్లో జోరూట్, హ్యారీ బ్రూక్ జట్టును ఆదుకున్నాడు. 45 పరుగుల భాగస్వామ్యంతో క్రీజులో పాతుకుపోయిన ఈ జోడీని గుర్నూర్ బ్రార్ విడదీసాడు. హ్యారీ బ్రూక్(16) క్యాచ్ ఔట్‌గా పెవిలియన్ చేర్చాడు.

క్రీజులోకి వచ్చిన సామ్ కరణ్‌తో కలిసి జోరూట్ 41 పరుగులు జోడించాడు. కానీ సామ్ కరణ్‌(26)ను శివమ్ దూబే పెవిలియన్ చేర్చాడు. దాంతో ఇంగ్లండ్ 94 పరుగులకే 4 వికెట్లు కోల్పోయి పీకల్లోతు కష్టాల్లో పడింది.