చరిత్ర సృష్టించిన హర్మన్‌ప్రీత్ కౌర్.. కోహ్లీ, సచిన్‌కు సాధ్యం కానీ రికార్డ్!

భారత మహిళల క్రికెట్ టీమ్ కెప్టెన్ హర్మన్‌ప్రీత్ కౌర్ చరిత్ర సృష్టించింది. ఐకానిక్ లార్డ్స్ మైదానంలో మూడు ఫార్మాట్లలో హాఫ్ సెంచరీ చేసిన తొలి భారత ప్లేయర్‌గా నిలిచింది. భారత క్రికెట్ దిగ్గజాలు కోహ్లీ, సచిన్, రోహిత్‌, ధోనీలకు కూడా ఈ రికార్డ్ సాధ్యం కాలేదు. ఓవరాల్‌గా ఈ ఘనత సాధించిన నాలుగో ప్లేయర్‌గా మహేళా జయవర్ధనే, కుమార సంగక్కర, యూనస్ ఖాన్‌ల సరసన నిలిచింది.

IND vs ENG: స్మృతి మంధాన 'ట్రిపుల్ సెంచరీ’!

ఇంగ్లండ్‌తో శుక్రవారం ప్రారంభమైన ఏకైక టెస్ట్‌లో హాఫ్ సెంచరీ చేయడం ద్వారా హర్మన్‌ప్రీత్ కౌర్ ఈ ఫీట్ సాధించింది. అంతేకాకుండా అంతర్జాతీయ క్రికెట్‌లో 9వేల పరుగుల మైలురాయిని అందుకుంది. ఈ ఘనత సాధించిన మూడో భారత మహిళా క్రికెటర్‌గా నిలిచింది. ఈ మ్యాచ్‌లో 13వ పరుగు వద్ద 9000 పరుగుల మైలురాయిని అందుకుంది. మహిళా క్రికెట్ చరిత్రలోనే లార్డ్స్ వేదికగా జరిగిన తొలి టెస్ట్ మ్యాచ్ ఇదే కావడం గమనార్హం.

భారత మహిళా క్రికెట్‌లో అత్యధిక పరుగులు చేసిన ప్లేయర్లు

మిథాలీ రాజ్-338 మ్యాచ్‌ల్లో 10868 పరుగులు

స్మృతి మంధాన-300 మ్యాచ్‌ల్లో 10667 పరుగులు

హర్మన్‌ప్రీత్ కౌర్-374 మ్యాచ్‌ల్లో 9045 రన్స్.

లార్డ్స్‌లో హర్మన్‌ప్రీత్ కౌర్ సాధించిన హాఫ్ సెంచరీలు..

వన్డే: 50 పరుగులు vs ఇంగ్లండ్, జూలై 1, 2012

వన్డే: 51 పరుగులు vs ఇంగ్లండ్, జూలై 23, 2017

టీ20 మ్యాచ్: 56 పరుగులు vs ఆస్ట్రేలియా, జూన్ 28, 2026

టెస్ట్ మ్యాచ్: 58 పరుగులు vs ఇంగ్లండ్, జూలై 10, 2026

లార్డ్స్‌లో మూడు ఫార్మాట్లలోనూ అర్ధ సెంచరీలు సాధించిన ఆటగాళ్లు:

మహేళా జయవర్ధనే (శ్రీలంక)

కుమార సంగక్కర (శ్రీలంక)

యూనస్ ఖాన్ (పాకిస్తాన్)

హర్మన్‌ప్రీత్ కౌర్ (భారత్)

హర్మన్‌ప్రీత్ కౌర్ అంతర్జాతీయ క్రికెట్ గణాంకాలు:

8 టెస్ట్ మ్యాచ్‌ల్లో 288 పరుగులు (అత్యధిక స్కోరు: 69)

164 వన్డేల్లో 4541 పరుగులు (అత్యధిక స్కోరు: 171*)

202 టీ20ల్లో 4126 పరుగులు (అత్యధిక స్కోరు: 103)

మొత్తం 374 మ్యాచ్‌ల్లో 9045 పరుగులు (8 సెంచరీలు, 44 హాఫ్ సెంచరీలు)

IND vs ENG: తిలక్, ఇషాన్‌పై వేటు.. సంజూకు చోటు! ఆఖరి టీ20కి భారత జట్టు ఇదే!

స్మృతి సెంచరీ మిస్..

ఇంగ్లండ్‌తో ఏకైక టెస్ట్‌లో ముందుగా బ్యాటింగ్ చేసిన భారత్ తొలి ఇన్నింగ్స్‌లో 74.5 ఓవర్లలో 285 పరుగులకు ఆలౌటైంది. స్మృతి మంధాన(83) సెంచరీ చేజార్చుకోగా.. హర్మన్‌ ప్రీత్ కౌర్(58), దీప్తి శర్మ(57) హాఫ్ సెంచరీలతో రాణించారు. ఇంగ్లండ్ బౌలర్లలో సోఫీ ఎక్లిస్టోన్ 3 వికెట్లు పడగొట్టగా.. లారెన్ ఫైలర్, ఇస్సీ వాంగ్, మేడీ విల్లియర్స్ తలో 2 వికెట్లు తీసారు. లారెన్ బెల్ ఒక వికెట్ పడగొట్టింది.

అనంతరం ఇంగ్లండ్ తొలి రోజు ఆట ముగిసే సమయానికి వికెట్ నష్టానికి 21 పరుగులు చేసింది. క్రాంతి గౌడ్ బౌలింగ్ బీ మౌంట్(2) వికెట్ల ముందు దొరికిపోయింది. ఇంగ్లండ్ ఇంకా 264 పరుగుల వెనుకంజలో ఉంది.