IND vs AFG: ఓపెనర్ల విధ్వంసం.. ఒకే ఓవర్లో 6,1,6,4,4,6 (వీడియో)

IND vs AFG: ఆఫ్ఘనిస్తాన్‌తో జరిగిన టీ20 సిరీస్‌లోని రెండో మ్యాచ్‌లో భారత బ్యాటర్లు విధ్వంసం సృష్టించారు. ఓపెనర్లు అభిషేక్ శర్మ, సంజు శాంసన్ ఆఫ్ఘన్ బౌలర్లను చితకబాది పవర్‌ప్లేలోనే 82 పరుగులు రాబట్టారు. 160 పరుగుల లక్ష్యాన్ని ఛేదించే క్రమంలో, ఈ ఇద్దరూ తొలి వికెట్‌కు 88 పరుగుల భాగస్వామ్యం నెలకొల్పి ఆఫ్ఘనిస్తాన్‌ను మ్యాచ్ నుంచి తొలగించారు. ఈ ఇన్నింగ్స్‌లో ఈ జోడి చివరి 11 బంతుల్లో 37 పరుగులు చేసింది. వారు ఆఫ్ఘనిస్తాన్ ఆల్-రౌండర్ మహమ్మద్ నబీ బౌలింగ్‌లో విరుచుకుపడ్డారు.

IND vs AFG: సంజూ శాంసన్ ఊచకోత.. భారత్ ఘన విజయం!

4 సిక్సర్లు, 2 ఫోర్లతో 19 బంతుల్లో 39 పరుగులు చేసిన అభిషేక్ శర్మ.. రషీద్ ఖాన్ బౌలింగ్‌లో సెడిఖుల్లా అటల్ చేతికి చిక్కి ఔటయ్యాడు. అదే ఓవర్‌లో సంజు శాంసన్ కూడా ఔటయ్యాడు. సంజు శాంసన్ 7 ఫోర్లు, 4 సిక్సర్లతో 22 బంతుల్లో 57 పరుగులు చేశాడు. మహమ్మద్ నబీ అతడిని క్యాచ్ పట్టాడు.

మహమ్మద్ నబీ వేసిన ఓవర్‌లో ఏకంగా 27 పరుగులు
ఆప్ఘన్ జట్టులో అత్యంత అనుభవజ్ఞుడైన ఆటగాడు మహమ్మద్ నబీ, భారత ఇన్నింగ్స్‌లో ఆరో ఓవర్ బౌలింగ్ చేయడానికి వచ్చాడు. ఈ సమయానికి భారత్ 5 ఓవర్లలో వికెట్ నష్టపోకుండా 55 పరుగులు చేసింది. నబీ వేసిన మొదటి బంతికి అభిషేక్ సిక్స్ కొట్టి, తర్వాతి బంతికి ఒక పరుగు తీశాడు. సంజు శాంసన్ మూడో బంతికి సిక్సర్, నాలుగు, 5వబంతులకు వరుసగా ఫోర్లు కొట్టాడు. సంజు శాంసన్ చివరి బంతికి సిక్స్ కొట్టడంతో ఆ ఓవర్‌లో 27 పరుగులు వచ్చాయి. ఈ ఓవర్‌కు ముందు సంజు శాంసన్ ఐదో ఓవర్ చివరి బంతికి ఫోర్ కొట్టాడు. ఏడో ఓవర్ మొదటి బంతికి అభిషేక్ సిక్స్ కొట్టాడు. ఈ విధంగా ఈ జోడీ కలిసి 8 బంతుల్లో 37 పరుగులు చేసింది.

Also Read

IND vs AFG: తుది జట్టులో బిగ్ ఛేంజ్.. స్టార్ ప్లేయర్ ఎంట్రీ!

సంజు శాంసన్ రికార్డు
సంజు శాంసన్ ఈ మ్యాచ్‌లో అంతర్జాతీయ టీ20 క్రికెట్‌లో ఓపెనర్‌గా 1,000 పరుగులు పూర్తి చేశాడు. ఈ ఘనత సాధించిన ఐదవ భారతీయుడు సంజు శాంసన్. సంజూ కంటే ముందు శిఖర్ ధావన్, రోహిత్ శర్మ, కేఎల్ రాహుల్, అభిషేక్ శర్మ ఈ ఘనత సాధించారు. ఈ కాలంలో 191 స్ట్రైక్ రేట్‌తో పరుగులు సాధించిన అభిషేక్ అత్యుత్తమ స్ట్రైక్ రేట్‌ను కలిగి ఉన్నాడు. 181 స్ట్రైక్ రేట్‌తో బ్యాటింగ్ చేస్తున్న సంజు శాంసన్ రెండో స్థానంలో ఉన్నాడు.