IND vs AFG: తుది జట్టులో బిగ్ ఛేంజ్.. స్టార్ ప్లేయర్ ఎంట్రీ!

By Jakki Mahesh

Published: Tuesday, September 15, 2026, 19:27 [IST]

IND vs AFG: ఢిల్లీలోని అరుణ్ జైట్లీ స్టేడియం వేదికగా ఆఫ్ఘనిస్తాన్ జట్టుతో జరుగుతున్న రెండో టీ20 మ్యాచ్ లో భారత జట్టు టాస్ గెలిచి ఫీల్డింగ్ ఎంచుకుంది. ఈ మ్యాచ్ లో టీమిండియా యువ సంచలనం వైభవ్ సూర్యవంశీకి అవకాశం దక్కలేదు. టాస్ గెలిచిన అనంతరం టీమిండియా కెప్టెన్ శ్రేయస్ అయ్యర్ మాట్లాడుతూ.. ఈ పిచ్ పై మొదట బౌలింగ్ చేయడం వల్ల వికెట్ ప్రవర్తనపై ఓ స్పష్టమైన అవగాహన వస్తుందని.. అది బౌలర్లకు ప్రయోజనాన్ని చేకూరుస్తుందని వెల్లడించాడు. తొలి మ్యాచ్ లో విజయం సాధించినప్పటికీ.. ఇంకా మెరుగైన ప్రదర్శన చేసే అవకాశముందని, ముఖ్యంగా మిడిల్ ఓవర్లలో మరిన్ని వికెట్లు తీయాల్సి ఉందని అభిప్రాయపడ్డాడు. గాయం కారణంగా వరుణ్ చక్రవర్తి ఈ మ్యాచ్‌కు దూరం కాగా.. అతని స్థానంలో లెగ్ స్పిన్నర్ రవి బిష్ణోయ్ తుది జట్టులోకి వచ్చాడు.

సంజూ శాంసన్‌ను ఏ లెక్కన ఆడించారు: మహమ్మద్ కైఫ్

మరోవైపు ఆఫ్ఘనిస్తాన్ కెప్టెన్ ఇబ్రహీం జద్రాన్ మాట్లాడుతూ.. తాము కూడా టాస్ గెలిస్తే బౌలింగే ఎంచుకోవాలని భావించినట్లు చెప్పాడు. గత మ్యాచ్‌లో ఆరంభంలో వికెట్లు కోల్పోయినప్పటికీ మిడిల్ ఓవర్లలో కోలుకున్నామని.. ఈ రోజు మ్యాచ్ లో మరింత సానుకూల దృక్పథంతో మెరుగైన ఆటతీరు ప్రదర్శించేందుకు ప్రయత్నిస్తామని చెప్పుకొచ్చాడు. ఎలాంటి మార్పులు లేకుండా గత మ్యాచ్ ఆడిన తుది జట్టుతోనే బరిలోకి దిగుతున్నట్లు స్పష్టం చేశాడు. ఇక పిచ్ విషయానికి వస్తే.. ఉపరితలంపై స్వల్ప తేమ, పొడిదనం మిశ్రమంగా కనిపిస్తున్నాయని నిపుణులు వెల్లడించారు.

IND vs AFG 2nd T20 India Opt to Bowl First in Delhi Ravi Bishnoi Replaces Injured Varun — Photo Credit: X(Twitter)

తుది జట్లు

భారత్: సంజు శాంసన్(వికెట్ కీపర్), అభిషేక్ శర్మ, ఇషాన్ కిషన్, శ్రేయస్ అయ్యర్(కెప్టెన్), తిలక్ వర్మ, నితీష్ కుమార్ రెడ్డి, శివం దూబే, అక్షర్ పటేల్, అర్ష్‌దీప్ సింగ్, జస్ప్రీత్ బుమ్రా, రవి బిష్ణోయ్.