అగ్ర స్థానాన్ని పదిలం చేసుకున్న కోహ్లీ, టాప్ 10లోకి నాథన్

టాప్ 1 కోహ్లీ, 2లో విలియమ్సన్

అబుదాబి టెస్టులో 89, 139 పరుగులు చేసిన న్యూజిలాండ్ కెప్టెన్ కేన్ విలియమ్సన్ (915) రెండో స్థానంలో ఉన్నాడు. మరో కివీస్ బ్యాట్స్‌మన్ టామ్ లాథమ్ ఇటీవల లంకతో జరిగిన టెస్టు మ్యాచ్‌లో 264పరుగులు చేసి ఇంకా మెరుగైన స్థానాన్ని దక్కించుకున్నాడు. అబుదాబి వేదికగా జరిగిన మ్యాచ్‌లో కేన్ వరుసగా 89, 139పరుగులు చేశాడు. ఇలా ఆసియా గడ్డ మీద పాక్‌పై టెస్టు విజయాన్ని అందుకున్న తొలి కివీస్ కెప్టెన్‌గా రికార్డ్ క్రియేట్ చేసిన కేన్.. 900కిపైగా పాయింట్లు సాధించిన తొలి కివీస్ బ్యాట్స్‌మెన్‌గానూ రికార్డులకెక్కాడు.

పోటీ అనేది బంతికి.. బ్యాట్‌కి మాత్రమే: గంభీర్

816 పాయింట్లతో పూజారా 3వ స్థానంలోకి

వీరితో పాటు ఆస్ట్రేలియా పర్యటన తొలి ఇన్నింగ్స్‌లో క్రీజులో పాతుకపోయి భారత జట్టుకు కీలక స్కోరు అందించిన పూజారా టాప్ 5లోకి చేరిపోయాడు. అడిలైడ్ టెస్టులో అద్భుత సెంచరీతో జట్టును గెలిపించిన పుజారా.. 816 పాయింట్లతో నాలుగో స్థానంలో ఉన్నాడు.

పదకొండు స్థానాలు ఎగబాకిన పంత్

బాల్ ట్యాంపరింగ్ వివాదం కారణంగా ఆటకు దూరమైన స్టీవ్ స్మిత్.. 892 పాయింట్లతో మూడో స్థానానికి దిగజారాడు. రహానే 3 స్థానాలు మెరుగుపర్చుకొని 15వ ర్యాంక్‌కు చేరుకోగా.. పంత్ 11 స్థానాలు ఎగబాకి 48వ ర్యాంక్ సాధించాడు.

బౌలర్లలో నాథన్ మెరుగ్గా 8వ స్థానంలోకి

పెర్త్ టెస్టులో 8 వికెట్లు తీసి మ్యాన్ ఆఫ్ ద మ్యాచ్ గెలుచుకున్న ఆసీస్ స్పిన్నర్ నాథన్ లయన్ ఆసీస్ విజయంలో కీలక పాత్ర పోషించడమే కాకుండా.. ఐసీసీ బౌలర్ల ర్యాంకింగ్స్ జాబితాలో ఏడో స్థానానికి చేరుకున్నాడు. హెజిల్‌వుడ్ 9వ స్థానంలో నిలిచాడు. ఆస్ట్రేలియా పర్యటనలో టీమిండియా బ్యాట్స్‌మన్‌కు ధీటుగా తమ ప్రదర్శనతో అలరించిన వాళ్లలో మొహమ్మద్ షమీ, ఇషాంత్ శర్మలు ఉన్నారు. షమీ బౌలింగ్‌తో మాయాజాలాన్ని ప్రదర్శించి 6/56గా నిలిచాడు. ఈ క్రమంలో షమీ 21 వ స్థానంలో నిలవగా, ఇషాంత్ శర్మ ఐదు వికెట్ల పడగొట్టి 26వ స్థానంలో నిలిచి ఇంగ్లాండ్ స్పిన్నర్ మొయిన్ అలీ కంటే ముందు వరుసలో నిలిచాడు.