ENG vs NZ: డారిల్ మిచెల్ భారీ సిక్సర్.. అభిమాని చేతిలో బీర్ గ్లాస్ బ్రేక్! (వీడియో)

అసలేం జరిగిందంటే..?

ఇంగ్లండ్ స్పిన్నర్ జాక్ లీచ్ వేసిన ఇన్నింగ్స్ 56వ ఓవర్‌లో ఈ ఘటన చోటు చేసుకుంది. అతను వేసి ఫ్లైటెడ్ డెలివరీని మిచెల్ స్ట్రైట్‌గా సిక్సర్ బాదాడు. బంతి కాస్త సుసాన్ అనే లేడీ ఫ్యాన్ చేతిలోని బీర్ గ్లాస్‌లో పడింది. దాంతో బీర్ అంతా చిల్లీ పక్కనున్న అభిమానులపై పడింది. కామెంటేటర్లు సైతం ఈ ఘటనను చూసి ఆశ్చరపోయారు. నవ్వుతూ ఈ సంఘటనను వివరించారు. ఇక ఈ విషయం తెలుసుకున్న న్యూజిలాండ్ టీమ్.. సదరు అభిమానికి మరో బీర్ గ్లాస్ ఇప్పించింది. దాంతో ఆమె హాయిగా బీర్ తాగుతూ మిచెల్ బ్యాటింగ్‌ను ఆస్వాదించింది.

క్షమాపణలు చెప్పిన మిచెల్..

ఈ తొలి రోజు ఆట అనంతరం సదరు లేడీ ఫ్యాన్‌ను కలిసిన డారిల్ మిచెల్.. ఆమెకు క్షమాపణలు చెప్పాడు. బీర్ వలకబోసినందుకు క్షమించండని స్వయంగా కోరాడు. దీనికి సంబంధించిన వీడియోను న్యూజిలాండ్ క్రికెట్ బోర్డు ట్వీట్ చేసింది. బంతిని గమనించి క్యాచ్ పట్టుకోవాల్సింది కదా? అని అడగ్గా.. అసలు ఆ ఆలోచన తట్టలేదని, అంత టైమ్ కూడా లేదని సుసాన్ చెప్పింది. మిచెల్‌తో కలిసి ఫొటోలకు ఫోజు ఇచ్చింది. ఈ వీడియోలపై అభిమానులు ఫన్నీగా కామెంట్ చేస్తున్నారు. చల్లగా మందు కూడా తాగనియ్యారా? అయ్యా? అంటూ సెటైర్లు పేల్చుతున్నారు.

తొలి రోజు ఇంగ్లండ్‌దే..

టాపార్డర్ రాణించడంతో తొలి రోజు ఆట ముగిసే సమయానికి ఆ జట్టు 87 ఓవర్లలో 4 వికెట్లకు 318 పరుగులు చేసింది. డారిల్‌ మిచెల్‌ (147 బంతుల్లో 9 ఫోర్లు, 2 సిక్స్‌లతో 81 బ్యాటింగ్‌), టామ్‌ బ్లండెల్‌ (136 బంతుల్లో 8 ఫోర్లతో 67 బ్యాటింగ్‌) అయిదో వికెట్‌కు అజేయంగా 149 పరుగులు జోడించారు. ఓపెనర్లు లేథమ్‌ (26), యంగ్‌ (47) తొలి వికెట్‌కు 84 పరుగులు జతచేసి శుభారంభం అందించారు. కాన్వే (46), నికోల్స్‌ (30) రాణించారు. స్టోక్స్‌ (2/40), అండర్సన్‌ (2/42) చెరో రెండు వికెట్లు తీశారు. కరోనా సోకడంతో కివీస్‌ కెప్టెన్‌ విలియమ్సన్‌ ఈ మ్యాచ్‌కు దూరం కాగా..టామ్ లాథమ్‌ జట్టును నడిపిస్తున్నాడు.