నా నుంచి అద్భుతాలు ఆశించొద్దు: లార్డ్స్‌లో టెస్టు అరంగేట్రంపై జోఫ్రా ఆర్చర్

లార్డ్స్‌ వేదికగా రెండో టెస్టు

ఇక, లార్డ్స్‌ వేదికగా జరుగనున్న రెండో టెస్టులో కూడా ఇంగ్లాండ్‌ బౌలర్లను ఓ ఆట ఆడుకుంటామని, జోఫ్రా ఆర్చర్‌ వచ్చినా తాము ధీటుగానే బదులిస్తామని ఆస్ట్రేలియా హెడ్ కోచ్‌ జస్టిన్‌ లాంగర్‌ మీడియా సమావేశంలో హెచ్చరించిన సంగతి తెలిసిందే.

లాంగర్ వ్యాఖ్యలపై జోఫ్రా ఆర్చర్

లాంగర్ వ్యాఖ్యలను తాను తాను పెద్దగా పట్టించుకోనని ఆర్చర్ తెలిపాడు. తన టెస్టు అరంగేట్రంపై ఆర్చర్‌ మాట్లాడుతూ "నేను వైట్‌బాల్‌ క్రికెట్‌ కంటే కూడా రెడ్‌బాల్‌ క్రికెట్‌ ఎక్కువ ఆడా. దాంతో టెస్టు ఫార్మాట్‌ భయం లేదు. నేను రెడ్‌బాల్‌ ఎక్కువ ఆడాననే విషయం అభిమానులకు తెలియకపోవచ్చు" అని అన్నాడు.

నేను ఆడింది రెడ్‌బాల్‌ క్రికెటే

"నేను ససెక్స్‌తో క్రికెట్‌ను ఆరంభించినప్పుడు ఆడింది రెడ్‌బాల్‌ క్రికెటే. మానసికంగా బలంగా లేనప్పుడు అసలు మనం ఎవరనే ప్రశ్న తలెత్తుంది. నేను టెస్టు ఫార్మాట్‌లో ఆకట్టుకోవడానికి సిద్ధంగా ఉన్నా" అని ఆర్చర్ చెప్పుకొచ్చాడు. గత వారం సెకండ్‌ ఎలెవన్‌ చాంపియన్‌షిప్‌లో భాగంగా ససెక్స్‌ సౌత్‌ తరఫున ఆడిన ఆర్చర్‌ ఆకట్టుకున్నాడు.

ఆరు వికెట్లు తీయడంతో పాటు సెంచరీ

తొలి ఇన్నింగ్స్‌లో ఆరు వికెట్లు తీయడంతో పాటు సెంచరీ సాధించిన తన ఫిట్‌నెస్‌ను నిరూపించుకున్నాడు. ఇదిలా ఉంటే, యాషెస్‌ సిరీస్‌ రెండో టెస్టులో ఆర్చర్‌కు తుది జట్టులో చోటు కల్పించినా ఎన్ని ఓవర్లు నిలకడగా బౌలింగ్‌ చేయగలడు అనేది ఇంగ్లండ్‌ మేనేజ్‌మెంట్‌ను ఆలోచనలో పడేసింది. దీంతో ఆర్చర్ ప్రదర్శన ఎలా ఉంటుందో చూడాలి మరి.