Dominic Drakes వీడు కర్ణ్ శర్మ కంటే లక్కీ ప్లేయర్.. రెండు సీజన్లు రెండు టైటిళ్లు! ఒక్క మ్యాచ్ ఆడకుండానే..!

ఒక్క మ్యాచ్ ఆడకున్నా..

మెగా వేలానికి ముందు అతన్ని చెన్నై వదులుకోగా.. రూ.కోటి 10 లక్షలకు గుజరాత్ టైటాన్స్ కైవసం చేసుకుంది. టీమ్ కాంబినేషన్ సెట్ అవ్వడంతో అతనికి తుది జట్టులో ఆడే అవకాశం రాలేదు. ఒక్క మ్యాచ్ ఆడకున్నా గుజరాత్ టైటిల్ గెలిచింది. దాంతో అతను ఐపీఎల్ లక్కీ స్టార్ అంటూ అభిమానులు కితాబిస్తున్నారు. భారత వెటరన్ స్పిన్నర్‌ కర్ణ్ శర్మకు ఐపీఎల్‌లో అత్యంత అదృష్టవంతమైన ఆటగాడిగా పేరుంది. అయితే డొమినిక్ డ్రేక్స్ అతనికి మించిన లక్కీ ప్లేయర్ అంటూ అభిమానులు కామెంట్ చేస్తున్నారు.

మూడు టైటిల్స్..

కర్ణ్ శర్మ ప్రాతినిథ్యం వహించిన జట్లు టైటిల్ గెలుచుకున్నాయి. అతను జట్టు మారిన ప్రతీసారి ఆయా టీమ్స్ విజేతలుగా నిలిచాయి. ఎంతలా అంటే గత ఐదు సీజన్లలో మూడు సార్లు చాంపియన్స్‌గా నిలిచిన జట్లలో కర్ణ్ శర్మ సభ్యుడిగా ఉన్నాడు. 2016లో సన్‌రైజర్స్ హైదరాబాద్ తరఫున తొలిసారి టైటిల్ విన్నర్‌గా నిలిచిన కర్ణ్ శర్మ.. 2017‌లో ముంబై ఇండియన్స్ తరఫున రెండోసారి.. 2018లో చెన్నై సూపర్ కింగ్స్‌ తరఫున మూడోసారి చాంపియన్‌గా నిలిచాడు.

ఆర్‌సీబీ దరిద్రం ముందు..

అయితే ఈ సారి మాత్రం అతడి అదృష్టం ఆర్‌సీబీ దరిద్రం ముందు చేతులెత్తేసింది. ఈ సీజన్‌లో అతను అర్‌సీబీ ప్రాతినిథ్యం వహించడంతో ఆ జట్టు టైటిల్ గెలుస్తుందని అంతా అనుకున్నారు. కానీ క్వాలిఫయర్2 మ్యాచ్‌లో ఆర్‌సీబీ.. రాజస్థాన్ చేతిలో ఓడి ఇంటి దారి పట్టింది. కర్ణ్ శర్మ కనీసం ఒకటో,రెండో మ్యాచ్‌లు ఆడితే ఆయా జట్లు టైటిల్స్‌ గెలిస్తే.. డ్రాక్స్ మాత్రం ఒక్క మ్యాచ్‌లో కూడా ఆడకుండా రెండు సార్లు ఛాంపియన్స్‌గా నిలిచిన జట్టులో భాగమయ్యాడు. దాంతో కర్ణ్ శర్మకు మించినోడు డ్రాక్స్ అంటూ నెటిజన్లు కామెంట్ చేస్తున్నారు.