నా వయసు ఏం పెరగలేదు.. కుర్రాళ్లు నాతో గెలవలేరు: డేవిడ్ వార్నర్

కుర్రాళ్లు పోటీపడలేరు..

'మీరు నా వయస్సు గురించి మాట్లాడటం మానేయాలని కోరుకుంటున్నాను. నాకు 36 ఏళ్లు ఉన్నట్లు అనిపించడం లేదు. జట్టులో ఉన్న చాలా మంది యువ ఆటగాళ్ల కంటే వేగంగా పరిగెత్తుతున్నాను. కాబట్టి వారు నన్ను అందుకున్నప్పుడు వయసు గురించి ఆలోచించాలి. భారత్‌‌లో విజయం సాధించడం, ఇంగ్లండ్‌‌లో సిరీస్‌ను పూర్తిగా గెలిస్తే నాలో మరింత ఆత్మవిశ్వాసాన్ని నింపుతుంది.

విఫలమైతే వచ్చే జోకులు తెలుసు..

ఆ రెండు సిరీస్‌లకు సిద్ధంగా ఉండాలని కోచ్, సెలక్టర్లు నాకు చెప్పారు. నేను జట్టుకు ఎలాంటి శక్తిని తీసుకురాగలనో నాకు ఇప్పటికీ తెలుసు. పరుగులు చేయాలనే ఆకలి నాకింకా ఉంది. ఎందుకంటే నేను ప్రతిసారీ నేర్చుకుంటూనే ఉంటా. ఒక్కసారి నేను విఫలమడం ప్రారంభమైతే నన్ను విమర్శించడానికి, జోకులు వేయడానికి చాలా మంది సిద్ధంగా ఉంటారు' అని వార్నర్‌ చెప్పుకొచ్చాడు.

భారత్‌తో గెలవడం కష్టం..

ఫిబ్రవరి 9 నుంచి భారత్‌, ఆసీస్‌ మధ్య నాలుగు టెస్టు మ్యాచ్‌ల సిరీస్‌ (బోర్డర్‌-గావస్కర్‌ ట్రోఫీ) ప్రారంభంకానుంది. నాగ్‌పూర్‌, ఢిల్లీ, ధర్మశాల, అహ్మదాబాద్‌లలో ఈ మ్యాచ్‌లు జరగనున్నాయి. ఈ సిరీస్‌ గురించి వార్నర్‌ మాట్లాడుతూ.. 'మేము ఎలాంటి సవాల్‌ను ఎదుర్కొబోతున్నామో మాకు తెలుసు. అక్కడ (భారత్‌)లో వేదికలు భిన్నంగా ఉంటాయి. నాగ్‌పూర్, దిల్లీ పిచ్‌లు చాలా పొడిగా ఉంటాయి. చివరగా ధర్మశాలలో మేం ఆడిన టెస్టులో గెలవాల్సి ఉంది. కానీ, ఓడిపోయాం' అని డేవిడ్‌ వార్నర్‌ చెప్పుకొచ్చాడు.