Click it and Unblock the Notifications
నేన్ బిగ్ ఫ్యాన్..
'నేను బుమ్రాకు పెద్ద అభిమానిని. భారత్లో ఉత్తమమైన ఫాస్ట్ బౌలర్లు కొంతమంది ఉన్నారు. నేను చూసిన బౌలర్లలో అతడు ఎంతో ప్రత్యేకం, ప్రతిభావంతుడు. భవిష్యత్లో మరింత బాగా, ఎక్కువ కాలం రాణిస్తాడని ఆశిస్తున్నాను. సీమ్, స్వింగ్, యార్కర్లు.. ఇలా అన్ని విధాలుగా బౌలింగ్ చేయగలడు. కాబట్టి ఎక్కువ కాలం ఆరోగ్యంగా, ఫిట్గా ఉండి ఆడగలిగితే కచ్చితంగా 400 వికెట్లను అందుకోవడం ఖాయం" అని ఆంబ్రోస్ అన్నాడు.
బలంగా ఉంటే..
ఇక బుమ్రా రనప్ గురించి మాట్లాడుతూ.. అతని షార్ట్ రనప్‌తో వచ్చిన సమస్యేం లేదన్నాడు. 'ఫాస్ట్ బౌలింగ్.. బౌలర్ రిథమ్‌పై ఆధారపడి ఉంటుంది. బంతి వేసే ముందు మంచి రిథమ్ ఉండటం ముఖ్యం. బుమ్రాకు షార్ట్ రనప్ ఉంది. ఒకటి రెండు జాగ్స్ మినహా అతని రనప్ నడకలానే ఉంటుంది. దీన్ని బట్టి అతను శరీరంపై ఒత్తిడి పెడ్తాడనే విషయం అర్థం అవుతుంది. అయితే అతను బలంగా ఉంటే వచ్చే సమస్యే ఏం లేదు. అతను ఫిట్గా ఉండి తన బౌలింగ్‌ను కొనసాగిస్తే తిరుగుండదు'అని ఆంబ్రోస్ చెప్పుకొచ్చాడు.
19 టెస్ట్‌లు.. 83 వికెట్లు..
ఇప్పటివరకు బుమ్రా 19 టెస్టుల్లో 83 వికెట్లు తీశాడు. 63 వన్డేల్లో 108 వికెట్లు, 50 టీ20ల్లో 59 వికెట్లు పడగొట్టాడు. త్వరలో జరగబోయే ప్రపంచ టెస్టు ఛాంపియన్షిప్ ఫైనల్, ఇంగ్లాండ్ సిరీస్లోనూ ఇతడు ఆడనున్నాడు. ఇక 1980-2000 వరకు విండీస్ తరఫున ఆడిన ఆంబ్రోస్ 98 టెస్ట్‌ల్లో 405 వికెట్లు పడగొట్టాడు. 176 వన్డేల్లో 225 వికెట్లు తీశాడు. 6 అడుగుల 7 ఇంచుల ఎత్తు ఉంటే ఆంబ్రోస్ బౌలర్‌గా అద్భుత ప్రదర్శన కనబర్చాడు. అతను వేసే బంతులను ఎదుర్కోవడానికి బ్యాట్స్‌మెన్ ఇబ్బంది పడేవారు.
